ବଲାଙ୍ଗୀର ୨୫।୧୧: ନିଖୋଜର ୧୭ ଦିନ ପରେ ସୁନା ବ୍ୟବସାୟୀ ଗଜାନନ ମେହେରଙ୍କ ଗଳିତ ଶବ ଉଦ୍ଧାର ଘଟଣାରେ ନୂଆ ମୋଡ । ଘଟଣାରେ ସଂପୃକ୍ତି ସନ୍ଦେହରେ ୨ ବ୍ୟକ୍ତିକୁ ପୋଲିସ ଉଠାଇ ଜାରା କରୁଛି । ସୁନା କାରବାରକୁ ନେଇ ହତ୍ୟା କରାଯାଇଥିବା ସନ୍ଦେହ କରାଯାଉଛି । ଦେଓଗାଁ ଓ ପାଟଣାଗଡ ପୋଲିସ ଘଟଣାର ତଦନ୍ତ ଜାରି ରଖିଛି ।
ଗତ ୨୩ ତାରିଖ ଦିନ ଦେଓଗାଁ ଓ ପାଟଣାଗଡ ସୀମା ମୁଦଘାଟ- ଚିପାକାନି ଜଙ୍ଗଲରୁ ଗଜାନନଙ୍କ ଗଳିତ ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ପୋଲିସ ପଠାଇଥିଲା । ଗତ ୫ ତାରିଖ ଦିନ ପାଟଣାଗଡକୁ କାମରେ ଯିବାକୁ କହି ଘରୁ ବାହାରିଥିବା ଗାଜନନଙ୍କ କୌଣସି ଖୋଜ ଖବର ମିଳିନଥିଲା ।