Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଞ୍ଜାବର ବିଜୟ ଅଭିଯାନ ଜାରି, ୮ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ଲୋକେ ଦେଖିଲେ ଗଣଦୁଷ୍କର୍ମର ଭିଡିଓ , ଇଣ୍ଟରନେଟ୍‌ରେ ଏମିତି ଦେଖି ରାଗିଲେ ମନ୍ତ୍ରୀ

24/12/2019 at 7:30 PM

ପ୍ୟାରିସ୍ ୨୪।୧୨: ସୋସିଆଲ ମିଡିଆରେ ଗଣଦୁଷ୍କର୍ମର ଭିଡିଓ ଭାଇରାଲ । ଲୋକେ ଏହାକୁ ବହୁମାତ୍ରାରେ ସେୟାର କରିଛନ୍ତି। କିନ୍ତୁ ସାଧାରଣଲୋକଙ୍କ ଏଭଳି କାରନାମାରେ ଜଣେ ମନ୍ତ୍ରୀ କ୍ଷୁବ୍ଧ । ଭିଡିଓଟି ସୋସିଆଲରେ ମିଡିଆରେ ସେୟାର କରାଯିବା ପରେ ମନ୍ତ୍ରୀ ରାଗିଯାଇ ଏହି ଭିଡିଓକୁ ତୁରନ୍ତ ଡିଲିଟ୍‌ କରିବା ପାଇଁ ଦାବି କରିଛନ୍ତି  । ସୋସିଆଲ ମିଡିଆ ଦ୍ବାରା କରାଯାଇଥିବା କାର୍ଯ୍ୟାନୁଷ୍ଠାନ ଯଥେଷ୍ଟ ନୁହେଁ ବୋଲି ମନ୍ତ୍ରୀ ମଧ୍ୟ କହିଛନ୍ତି । ଫ୍ରାନ୍ସର ଏକ ସହରରେ ଦେଖିବାକୁ ମିଳିଛି ଏପରି ଘଟଣା । ଭିଡିଓକୁ ଲୋକେ ସୋସିଆଲ ମିଡିଆରେ ଦେଖିବା ପରେ ପୋଲିସକୁ ଜଣାଇଥିଲେ ।

ଖବରଅନୁଯାୟୀ , ଏକ ସିଡି ନିକଟରେ ଜଣେ ଯୁବତୀକୁ ଠିଆ ହୋଇଥିବାର ଦେଖି ତାଙ୍କୁ ଦୁଇ ଜଣ ଯୁବକ ଆକ୍ରମଣ କରିଥିଲେ ।  ଭିଡିଓରେ ଦୁଇ ଜଣ ଯୁବକ ଯୁବତୀଙ୍କୁ ଧମକାଉଥିବାର ଦେଖିବାକୁ ମିଳିଛି । ଏହାପରେ ଯୁବତୀଙ୍କ ଆକ୍ରମଣ କରୁଛନ୍ତି । ପରେ ଯୁବତୀଙ୍କୁ ସେମାନେ ଦୁଷ୍କର୍ମ କରିଥିବାର ଦୃଶ୍ୟ ଭିଡିଓରେ ଦେଖିବାକୁ ମିଳିଛି । ସୋସିଆଲ ମିଡିଆରେ ଛଡାଯାଇଥିବା ପ୍ରାୟ ଏକ ମିନିଟ୍‌ର ଏହି ଭିଡିଓ ନେଇ ରିଆକ୍ସନ ଓ ତାପରେ ପୋଲିସର ଆକ୍ସନ । ଗଣଦୁଷ୍କର୍ମ ଘଟଣାରେ ୧୬ବର୍ଷର ଦୁଇ ବାଳକଙ୍କୁ ପ୍ୟାରିସ୍‌ରେ ଗିରଫ କରାଯାଇଛି ।

ସେପଟେ ଫ୍ରାନ୍ସର ଜଣେ ମନ୍ତ୍ରୀ କହିଛନ୍ତି ଯେ, ଯେତେବେଳେ ସେ ଏହି ଭିଡିଓକୁ ଦେଖିଥିଲେ, ତାକୁ ତୁରନ୍ତ ଡିଲିଟ୍‌ କରିବାକୁ ଦାବି କରିଥିଲେ ।  ସୋସିଆଲ ମିଡିଆର ଦୁର୍ବଳତାକୁ ଅପରଧୀ ମାନେ ଜାଣି , ଏହାକୁ ଖରାପ କାର୍ଯ୍ୟରେ ବ୍ୟବହାର କରୁଛନ୍ତି । ସେପଟେ ସୋସିଆଲ୍ ମିଡିଆରେ ଭିଡିଓକୁ ଦେଖି ଖବର ଦେଇଥିବାରୁ ସାଧାରଣଲୋକଙ୍କୁ ପୋଲିସ ଧନ୍ୟବାଦ ଜଣାଇଛି । 

   Related Posts