ହାଇଦ୍ରାବାଦ ୪।୨: କେପିଏଚବି ପୋଲିସ ଏବଂ ସାଇବରାବାଦ କମିଶନରେଟ୍ ସେକ୍ସ ରାକେଟ୍ ର ପର୍ଦ୍ଦାଫାଶ କରିଛି । ଘଟଣାସ୍ଥଳରୁ ତିନି ଜଣ ମହିଳାଙ୍କୁ ଉଦ୍ଧାର କରିଛି ପୋଲିସ । ଜଣେ ମହିଳାଙ୍କ ସମେତ ଦୁଇ ଜଣଙ୍କୁ ରାକେଟ୍ ଚଳାଇବା ଅଭିଯୋଗରେ ପୋଲିସ ଗିରଫ କରିଛି ।
ସୂଚନାଯୋଗ୍ୟ ଯେ, କେପିଏଚବି କଲୋନୀ ସ୍ଥିତ ଗ୍ଲୋ ଓ୍ବେଲ୍ ଫାମିଲି ସ୍ପା ଏବଂ ସାଲୁନ୍ ସେଣ୍ଟରରେ ପୋଲିସ ଚଢାଉ କରିଥିଲା । ଭେମ୍ପତି ସତୀଶ ଏବଂ ବିଦା ନାଗଲକ୍ଷ୍ମୀ ଦୁଇ ଜଣ ମିଶି ଏହି ସ୍ପାଟିକୁ ଚଳାଉଥିଲେ । କିଛି ଦିନ ହେବା ଏହି ସ୍ପାରେ ସେକ୍ସ ରାକେଟ୍ ଚାଲିଥିବା ନେଇ ପୋଲିସକୁ ସୂଚନା ମିଳିଥିଲା । ସୂଚନା ମିଳିବା ପରେ ପୋଲିସ ଚଢାଉ ପାଇଁ ଯୋଜନା ପ୍ରସ୍ତୁତ ଆରମ୍ଭ କରିଥିଲା । ଫଳରେ ରବିବାର ଦିନ ପୋଲିସ ସ୍ପା ସେଣ୍ଟରେ ଚଢାଉ କରିଥିଲା ।
ଚଢାଉ ବେଳେ ପୋଲିସ ୩ଜଣ ଦେହଜୀବୀ ମହିଳାଙ୍କୁ ଉଦ୍ଧାର କରିଥିବା ବେଳେ । ସ୍ପା ଚଳାଉଥିବା ଭେମ୍ପତି ସତୀଶ ଏବଂ ବିଦା ନାଗଲକ୍ଷ୍ମୀଙ୍କୁ ସେହିଠାରୁ ଗିରଫ କରିଥିଲା । ସ୍ପାରେ କାର୍ଯ୍ୟରତ ଅନ୍ୟ ୬ଜଣଙ୍କୁ ପୋଲିସ ଅଟକ ରଖି ପଚରାଉଚରା କରୁଛି ।
