Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୨୪୫୨ ଆକ୍ରାନ୍ତ, କିନ୍ତୁ ସଂକ୍ରମଣ ବୃଦ୍ଧିରେ ଲାଗୁନି ରୋକ୍‌
  • ||
  • କମ୍ବିଂ ବେଳେ ଏସ୍‌ଓଜି ଯବାନ-ମାଓବାଦୀ ମୁହାଁମୁହିଁ, ଗୁଳି ବିନିମୟରେ ମାଓବାଦୀ ମୃତ !
  • ||
  • ସାଲେପୁର : ଡାକ ଘରେ ଚାଲିଥିଲା ଭୋଜି ଭାତର ଆୟୋଜନ, ୩ ହଜାର ଟଙ୍କା ତଣ୍ଡ ଗଣିଲେ କର୍ମଚାରୀ
  • ||
  • ନୀଳଗିରି : ପୋଖରୀରେ ଗାଧୋଇବା ବେଳେ ଖସିଗଲା ଗୋଡ, ଚାଲିଗଲା ନାବାଳିକାଙ୍କ ଜୀବନ
  • ||
  • ସାନଖେମୁଣ୍ଡି : ବେଆଇନ ମଦ ବିକ୍ରିକୁ ନେଇ ଜନ ଅସନ୍ତୋଷ, ଥାନା ସମ୍ମୁଖରେ ବିକ୍ଷୋଭ ପ୍ରଦର୍ଶନ
  • ||
  • କର୍ଲାମୁଣ୍ଡା : ୨ ହଜାର ଟଙ୍କା ଲାଞ୍ଚ ନେବା ବେଳେ ଧରାପଡିଲେ ରାଜସ୍ବ ନିରୀକ୍ଷକ
  • ||
  • ଆନନ୍ଦପୁର : ଯୁକ୍ତ ୨ ପରୀକ୍ଷା ବାତିଲ ଦାବିରେ ୨ଟି ମହାବିଦ୍ୟାଳୟ ଛାତ୍ରଙ୍କ ରାସ୍ତାରୋକ
  • ||
  • ଭୁବନେଶ୍ବର : ଦୈନିକ ଲକ୍ଷେ ଟେଷ୍ଟ କରନ୍ତୁ ରାଜ୍ୟ ସରକାର – ବିଜୟ ମହାପାତ୍ର
  • ||
  • ଭୁବନେଶ୍ବର : ଓଡିଶାର ଚିହ୍ନଟ ହୋଇନି କରୋନାର ଟ୍ରିପଲ ମ୍ୟୁଣ୍ଟାଣ୍ଟ – ସ୍ବାସ୍ଥ୍ୟ ଓ ପରିବାର କଲ୍ୟାଣ ନିର୍ଦ୍ଦେଶକ
  • ||
  • ଖୋର୍ଦ୍ଧା : ଅନଲାଇନ୍‌ରେ ପରୀକ୍ଷା ଅଥବା ବାତିଲ୍ ଦାବିରେ ଯୁକ୍ତ ୨ ଛାତ୍ରଛାତ୍ରୀଙ୍କ ବିକ୍ଷୋଭ
  • ||

ହତ୍ୟା କେସ୍‌ରେ କୁକୁଡାକୁ ଥାନାକୁ ନେଇ ଆସିଲେ ପୋଲିସ, ଏବେ କୋର୍ଟରେ କରାଯିବ ହାଜର !

26/02/2021 at 10:43 PM

ଜଗତିଆଲ ୨୬।୦୨: ତେଲଙ୍ଗାନାରେ ଏକ ବିଚିତ୍ର ଘଟଣା ସାମ୍ନାକୁ ଆସିଛି। ପୋଲିସ ମୃତ୍ୟୁ ମାମଲାରେ ଏକ କୁକୁଡାକୁ ନିଜ ହେପାତଜକୁ ନେଇଛି। ଏହି ମାମଲା ତେଲଙ୍ଗାନାର ଜଗତିଆଲ  ଜିଲ୍ଲାର। ଏଠାରେ ସୋମବାର ୟେଲ୍ଲମ୍ମା ମନ୍ଦିରରେ କୁକୁଡା ଲଢେଇ ଖେଳ ଚାଲିଥିଲା। ଏହି ସମୟରେ ଏକ କୁକୁଡା ୪୫ ବର୍ଷୀୟ ଟି.ସତୀଶଙ୍କ ଉପରେ ଆକ୍ରମଣ କରିଥିଲା। ଏଥିରେ ବ୍ୟକ୍ତିଙ୍କ ମୃତ୍ୟୁ ଘଟିଥିଲା।

କୁକୁଡାର ଗୋଡରେ ଏକ ଛୁରୀ ବନ୍ଧା ଯାଇଥିଲା। କୁକୁଡାର ଆକ୍ରମଣରେ ସତୀଶଙ୍କ ପେଟ ଏବଂ ଜଙ୍ଘ ମଝିରେ ଆଘାତ ଲାଗି ବଡ କ୍ଷତ ସୃଷ୍ଟି ହୋଇଥିଲା। ଏହି ଘଟଣା ଫେବୃଆରୀ ୨୨ରେ ଲୋଥୁନୁର ଗାଁରେ ଅବୈଧ କୁକୁଡା ଲଢେଇ ଖେଳ ସମୟରେ ଘଟିଥିଲା। ପାଦରେ ଛୁରୀ ବନ୍ଧା  ହୋଇଥିବାରୁ କୁକୁଡା ଛଟ୍ ପଟ୍  ହୋଇଥିଲା। ଏହି ସମୟରେ କୁକୁଡା ଗୋଡରେ ବନ୍ଧା  ହୋଇଥିବା ଛୁରୀ ସତୀଶଙ୍କ  ପେଟ ଏବଂ ଜଙ୍ଘ ମଝି ଭାଗରେ ବାଜିଥିଲା। ସତୀଶଙ୍କୁ ତୁରନ୍ତ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିଲା। ତେବେ ସେଠାରେ ଡାକ୍ତର ତାଙ୍କୁ ମୃତ ଘୋଷିତ କରିଥିଲେ।

ତେଲଙ୍ଗାନାରେ କୁକୁଡା ଲଢେଇ ଉପରେ କଟକଣା ଲଗାଯାଇଛି। ମାତ୍ର ୟେଲ୍ଲମା ମନ୍ଦିରରେ ଏହି ଅବୈଧ ଖେଳକୁ ଆୟୋଜିତ କରାଯାଉଥିଲା। ଏହି ମାମଲାର ତଦନ୍ତ ପରେ ପୋଲିସ ଉକ୍ତ କୁକୁଡାକୁ ଗୋଲ୍ଲାପଲ୍ଲୀ ଥାନାକୁ ନେଇ ଆସିଛି। ପୋଲିସ ନୀରିକ୍ଷଣରେ କୁକୁଡାକୁ ରଖାଯାଇଛି। ପୋଲିସ କୁକୁଡା ପାଇଁ ଦାନା ପାଣିର ମଧ୍ୟ ବ୍ୟବସ୍ଥା କରିଛି।

ଖବର ଏମିତି ଆସିଥିଲା ଯେ, ପୋଲିସ କୁକୁଡାକୁ ଗିରଫ କରିଛି। କିନ୍ତୁ ପୋଲିସ ଏହି ଖବରକୁ ଖଣ୍ଡନ କରିଛି। ଗୋଲ୍ଲାପଲ୍ଲୀ ଥାନା ଅଧିକାରୀ ବି ଜୀବନ ସ୍ପଷ୍ଟ କରିଛନ୍ତି ଯେ, କୁକୁଡାକୁ ଗିରଫ କରାଯାଇ ନାହିଁ। କିନ୍ତୁ ପୋଲିସ କୁକୁଡାକୁ କୋର୍ଟରେ ହାଜର କରିବ। ଜଜଙ୍କ ନିର୍ଦ୍ଦେଶ ପରେ ପରବର୍ତ୍ତୀ କାର୍ଯ୍ୟାନୁଷ୍ଠାନ ନିଆଯିବ।

   Related Posts