Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • T20 World Cup: ଇତିହାସ ରଚିଲେ କର୍ଟିସ କାମ୍ପର, ୪ ବଲ୍‌ରେ ନେଲେ ୪ ଓ୍ଵିକେଟ୍
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୫ ଜଣଙ୍କ ଜୀବନ
  • ||
  • ମିଲରେ ଅଗ୍ନିକାଣ୍ଡ: ଜୀବନ ବଞ୍ଚାଇବାକୁ ବିଲଡିଂରୁ ଡେଇଁପଡିଥିଲେ ଶ୍ରମିକ, ଉଦ୍ଧାର କାର୍ଯ୍ୟ ଜାରି
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୪୦ କୋଭିଡ୍ ପଜିଟିଭ୍
  • ||
  • ଲଖିମପୁର ହିଂସା ମାମଲାରେ ସଂଯୁକ୍ତ କିଷାନ ମୋର୍ଚ୍ଚାର ରେଳରୋକ, ୬ ଘଣ୍ଟିଆ ଆନ୍ଦୋଳନ ପାଇଁ ୧୪୪ ଧାରା
  • ||
  • ଫୁଲୁଛି ଜଳକା ନଦୀ, ବିପଦ ସଙ୍କେତ ଉପରେ ଜଳସ୍ତର
  • ||
  • ଚାଲାଣ ବେଳେ ୩୯ ଶ୍ରମିକ ଉଦ୍ଧାର, ଦାଦନ ଖଟିବାକୁ ଯାଉଥିଲେ ବିଜୟନଗରମ୍
  • ||
  • ବଙ୍ଗୋପସାଗରରେ ଟ୍ରପ୍ ଲାଇନ, ୪ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||
  • ଏଯାଏଁ ମିଳୁନି ବାପା-ପୁଅଙ୍କ ପତ୍ତା, ରବିବାର ନାଗାବଳୀରେ ଭାସି ଯାଇଥିଲେ ଉଭୟ
  • ||

ପାନ ଦୋକାନରେ ଚାଲିଥିବା ଚୋରା ମଦ କାରବାର, ଦୋକାନ ଭାଙ୍ଗି ବିପୁଳ ମଦ ବୋତଲ ଜବତ କଲା ପୋଲିସ

4/09/2020 at 4:37 PM

ଢେଙ୍କାନାଳ ୦୪।୦୯: ଢେଙ୍କାନାଳ ଜିଲ୍ଲା ଗଁନ୍ଦିଆ ଥାନା ଅନ୍ତର୍ଗତ ଜୋରନ୍ଦା ଫାଣ୍ଡି ଆମ୍ବପଡା ଛକରେ ଗ୍ରାମବାସୀଙ୍କ ସହାୟତାରେ ଏକ ପାନ ଦୋକାନକୁ ଭାଙ୍ଗି ପୋଲିସ ବିପୁଳ ପରିମାଣରେ ଚୋରା ବିଦେଶୀ ମଦ ଜବତ କରିଛି। ହେଲେ ଦୋକାନ ମାଲିକ ଫେରାର ହୋଇ ଯାଇଥିବା ଜଣା ପଡିଛି। ପୋଲିସ କେସ୍ ରୁଜୁ ଘଟଣାର ତଦନ୍ତ କରୁଛି।

ସୂଚନା ଅନୁଯାୟୀ, ପୋଲିସର ଲାଞ୍ଚଖୋର ମନଭାବ କାରଣରୁ କରମୂଳ ଅଂଚଳରେ ଚୋରା ମଦ କାରବାର ବୃଦ୍ଧିପାଉଛି। ସ୍ଥାନୀୟ ଗ୍ରାମବାସୀ ଅଭିଯୋଗ କଲେ ମଧ୍ୟ ପୋଲିସ ଓ ଅବକାରୀ ବାବୁମାନେ ଚୁପ ରହୁଛନ୍ତି । ଫଳରେ ସ୍ଥାନୀୟ ଗ୍ରାମବାସୀ ଏବେ ଏହି ଚୋରା  ମଦ କାରବାର ରୋକିବାକୁ ଅଣ୍ଟା ଭିଡ଼ିଛନ୍ତି। ଏହି ପରିପ୍ରେକ୍ଷୀରେ ଆମ୍ବପଡା ଛକରେ ଏକ ପାନ ଦୋକାନରେ ଚୋରା ମଦ କାରବାର ହେଉଥିବା ଜାଣି ସ୍ଥାନୀୟ ବାସିନ୍ଦା ଗତ ରାତିରେ ଦୋକାନକୁ ଜଗି ରହିଥିଲେ।

ଖବର ପାଇଁ ଗଁନ୍ଦିଆ ତହସିଲଦାର ଘଟଣାସ୍ଥଳକୁ ଆସିବା ପରେ ତାଙ୍କ ଉପସ୍ଥିତିରେ ଗଁନ୍ଦିଆ ପୋଲିସ ଏହି ଦୋକାନ ତାଲା ଭାଙ୍ଗିଥିଲା। ଏହି ଦୋକାନରେ ବିପୁଳ ପରିମାଣରେ ଚୋରା ବିଦେଶୀ ଓ ଦେଶୀ ମଦ ଥିବା ଜଣାପଡିଥିଲା । ପରେ ଏହି ଚୋରାମଦ ସବୁକୁ ପୋଲିସ ଜବତ କରିଥିବା ଜଣାପଡ଼ିଛି ।ତେବେ ଦୋକାନୀ ମାଲିକ ସ୍ଥାନୀୟ ମକୁନ୍ଦପୁରର ସଞ୍ଜୟ ପଣ୍ଡା ଫେରାର ହୋଇଯାଇଥିବା ଜଣାପଡିଛି । ପୋଲିସ ମଦ ସବୁକୁ ଜବତ କରି ଏକ ମାମଲା ରୁଜୁ କରିଛି।

   Related Posts