Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରକାରଙ୍କ ବଡ ନିଷ୍ପତ୍ତି, ନବମରୁ ଦ୍ଵାଦଶ ଶ୍ରେଣୀ ପର୍ଯ୍ୟନ୍ତ ସ୍କୁଲ ଫି ୪୦ ପ୍ରତିଶତ କମିଲା, ଅଭିଭାବକଙ୍କୁ ମିଳିଲା ବଡ ଆଶ୍ଵସ୍ତି
  • ||
  • ଅଲମ୍ପିକ ପ୍ରସ୍ତୁତି ପାଇଁ ଗଠିତ ସଂସଦୀୟ କମିଟିର ପ୍ରଥମ ବୈଠକ ଅନୁଷ୍ଠିତ, କମିଟିର ସଦସ୍ୟ ରହିଛନ୍ତି ସାଂସଦ ଅନୁଭବ ମହାନ୍ତି ଓ ସସ୍ମିତ ପାତ୍ର
  • ||
  • ମଦ ଦୋକାନ ନ ଖୋଲିବା ପାଇଁ ଜିଲ୍ଲାପାଳଙ୍କୁ ଦାବିପତ୍ର
  • ||
  • ବାଲେଶ୍ବର ଉପ ନିର୍ବାଚନରେ ମୁଖ୍ୟମନ୍ତ୍ରୀଙ୍କ ଡିଜିଟାଲ ପ୍ରଚାର: କହିଲେ, ‘ମୁଁ ସବୁବେଳେ ଆପଣଙ୍କ ସାଥିରେ ଅଛି’
  • ||
  • ମଙ୍ଗ ସମ୍ଭାଳିଲେ ନୀତିଶ ରାଣା, ଚେନ୍ନାଇକୁ ୧୭୩ ରନର ବିଜୟ ଲକ୍ଷ୍ୟ ଦେଲା କୋଲକାତା ନାଇଟ୍ ରାଇଡର୍ସ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||

ଲକଡାଉନ୍ ବେଳେ ପୋଲିସ ବାହିନୀ ଉପରେ ଆକ୍ରମଣ: ଏଏସଆଇଙ୍କୁ ଖଣ୍ଡାରେ ହାଣିଲେ, ୨ ଗୁରୁତର

12/04/2020 at 11:21 AM

ଚଣ୍ଡିଗଡ, ୧୨|୦୪:  ପଞ୍ଜାବ ପଟିଆଲାର ପରିବା ଗୋଦାମ ସ୍ଥିତ ସନୋର ରୋଡରେ କର୍ଫ୍ୟୁ ସମୟରେ ପୋଲିସ ଓ ଜନତା ମୁହାଁମୁହିଁ ହୋଇଛନ୍ତି । ପରିବା କିଣିବା ପାଇଁ ବଜାରକୁ ଯାଇଥିବା କିଛି ଲୋକ ପୋଲିସକୁ ଖଣ୍ଡାରେ ଆକ୍ରମଣ କରିଛନ୍ତି । ଏଥିରେ ଜଣେ ପୋଲିସ କର୍ମୀଙ୍କ ହାତ କଟିଯାଇଛି । ଏହାସହ ୨ଜଣ ଅଧିକାରୀ ଗୁରୁତର ଭାବେ ଆହତ ହୋଇଛନ୍ତି ।

ପୋଲିସର କହିବାନୁସାରେ, ୪,୫ ଜଣ ବ୍ୟକ୍ତି ଯେଉଁମାନେ ପାରମ୍ପାରିକ ଅସ୍ତ୍ରଶସ୍ତ୍ର ରଖିଥିଲେ ଏକ ଗାଡିରେ ଯାତ୍ରା କରୁଥିଲେ । ପରିବା ବଜାରର କର୍ମଚାରୀ ସେମାନଙ୍କୁ ସକାଳ ୭ଟାରେ ରୋକିବାକୁ ଚେଷ୍ଟା କରିଥିଲେ । ସେମାନଙ୍କୁ କର୍ଫ୍ୟୁ ପାସ୍ ଦେଖାଇବାକୁ କୁହାଯାଇଥିଲା । କିନ୍ତୁ ସେମାନେ ଗାଡିରୁ ବାହାରି କର୍ମଚାରୀଙ୍କୁ ଧକ୍କା ମାରିଥିଲେ ।

ଏହାସହ ସେମାନେ ସେଠାରେ ଉପସ୍ଥିତ ଥିବା ଜଣେ ଏଏସଆଇଙ୍କୁ ହାତ ହାଣି ଦେଇଛନ୍ତି । ପଟିଆଲା ସହର ଥାନାଅଧିକାରୀଙ୍କ କହୁଣୀରେ ଆଘାତ ଲାଗିଛି । ଏହାସହ ଅନ୍ୟ ଜଣେ ପୋଲିସ ଅଧିକାରୀ ମଧ୍ୟ ଗୁରୁତର ଭାବେ ଆହତ ହୋଇଛନ୍ତି ।

ଏଏସଆଇଙ୍କୁ ରାଜେନ୍ଦ୍ର ହସ୍ପିଟାଲରେ ଭର୍ତ୍ତି କରାଯାଇଥିଲା । ପରେ ଅବସ୍ଥା ଜଟିଳ ହେବାରୁ ତାଙ୍କୁ ଚଣ୍ଡିଗଡ ସ୍ଥାନାନ୍ତରିତ କରାଯାଇଛି । ଏସଏସପିଙ୍କ କହିବାନୁସାରେ, ଆକ୍ରମଣ ପରେ ଦୁର୍ବୃତ୍ତମାନେ ଫେରାର ହୋଇଯାଇଛନ୍ତି । ସମାନଙ୍କୁ ଗିରଫ କରିବା ପାଇଁ ପ୍ରୟାସ କରାଯାଉଛି । ଏହି ଘଟଣା ସେତେବେଳେ ଘଟିଥିଲା ଯେତେବେଳେ କରୋନା ଭାଇରସ ସଂକ୍ରମଣ ରୋକିବା ପାଇଁ କଟକଣା ଲାଗୁ ହୋଇଛି । ପଞ୍ଜାବରେ ଗତ ୨୪ ଘଣ୍ଟାରେ କର୍ଫ୍ୟୁ ଲାଗୁ କରି ଲକଡାଉନ ପାଳନ କରିବା ପାଇଁ ଲୋକଙ୍କୁ ନିର୍ଦ୍ଦେଶ ଦିଆଯାଇଛି । ଏହା ହେଉଛି ଏଠାରେ ପୋଲିସ ବାହିନୀ ଉପରେ ତୃତୀୟ ବୃହତ ଆକ୍ରମଣ ।

   Related Posts