Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଗୁରୁବାର ସୁସ୍ଥହେଲେ ରେକର୍ଡ ୮୪୭୧ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୨୪୯ ଡିସଚାର୍ଜ
  • ||
  • ଚାଲିଗଲେ ଆଉ ଜଣେ କଳାକାର, ଅଭିନେତା ପ୍ରିୟ ସୁନ୍ଦର ମିଶ୍ରଙ୍କ ପରଲୋକ
  • ||
  • କୁକୁଡାକୁ ଖାଇଗଲେ ବୁଲା କୁକୁର, ରାଗି ଯାଇ ଗୁଳି କରିଦେଲା ମାଲିକ : ଥାନାରେ ମାମଲା
  • ||
  • ଗୋଆରେ ଏନସିପି-ଶିବସେନାର ହାତ ଛାଡିଦେଲା କଂଗ୍ରେସ, କହିଲା-‘ଆମର ଏକାକି ଜିତିବା କ୍ଷମତା ଅଛି’
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୧୭ ହଜାରରୁ ଅଧିକ କରୋନା ପଜିଟିଭ୍, ୪୯୧ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୦୧କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୩୬୮ କୋଭିଡ୍ ପଜିଟିଭ୍, ୧୧୭୭୪୬୨ରେ ପହଞ୍ଚିଲା ସଂଖ୍ୟା
  • ||
  • କ୍ୟାପ୍ଟେନ୍ ନୁହେଁ କିନ୍ତୁ ଜୋଶ୍ ଏବେବି ଅଛି : ଦକ୍ଷିଣ ଆଫ୍ରିକା ଅଧିନାୟକଙ୍କ ସହ ମୁହାଁମୁହିଁ ହେଲେ କୋହଲି
  • ||
  • ପ୍ରଚାର ବେଳେ ବିଜେପି ପ୍ରାର୍ଥୀ ହଟହଟା, ତଡିଦେଲେ ଗାଁ ଲୋକେ
  • ||
  • ଚୌଦ୍ୱାର ସୁନା ବ୍ୟବସାୟୀଙ୍କୁ ଗୁଳିମାଡ ଓ ଲୁଟ୍ ଘଟଣା : ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଡିସିପି
  • ||

କଳ୍ପନା ମର୍ଡର ମିଷ୍ଟ୍ରି : ମୃତ କଳ୍ପନାଙ୍କ ଭାଉଜଙ୍କୁ ହାଜର ହେବାକୁ ନୋଟିସ୍, ଇନୋଭା ଡ୍ରାଇଭରଙ୍କୁ ଉଠାଇ ନେଲା ପୋଲିସ

18/02/2020 at 10:04 AM

ଝାରସୁଗୁଡା ୧୮।୨: ପୋଲିସ ସ୍କାନରରେ ଅନୁପ ସାଏଙ୍କ ସଂପର୍କୀୟ । କଳ୍ପନା ଦାସ ଓ ବବଲି ହତ୍ୟାକାଣ୍ଡ ମାମଲାରେ ପୂର୍ବତନ ବିଧାୟକ ଅନୁପ ସାଏ ଓ ତାଙ୍କ ଡ୍ରାଇଭର ବର୍ଦ୍ଧନ ଟପ୍ପୋ ପୋଲିସ କବଜାକୁ ଆସିବା ପରଠୁ ଗୋଟିକ ପରେ ଗୋଟିଏ ରହସ୍ୟ ଖୋଲିବାରେ ଲାଗିଛି । ମୃତ କଳ୍ପନା ଦାସଙ୍କ ଭାଉଜ ରୀନା ଦାସଙ୍କୁ ଆଜି ରାୟଗଡ ଚକ୍ରଧରପୁର ଥାନାରେ ହାଜର ହେବାକୁ ନୋଟିସ ଜାରି କରିଛି ପୋଲିସ । ତାଙ୍କର ଆଜି ବୟାନ ରେକର୍ଡ କରାଯାଇପାରେ ।

ସେପଟେ ଅନୁପଙ୍କ ସଂପର୍କୀୟ ତଥା କୁଚିଣ୍ଡା ଅଞ୍ଚଳର ଇନୋଭା ଡ୍ରାଇଭରଙ୍କୁ ଛତିଶଗଡ ପୋଲିସ ଉଠାଇ ନେଇଥିବା ଚର୍ଚ୍ଚା ହେଉଛି । ଲମଟିବାହାଲ ସ୍ଥିତ ଷ୍ଟେଟ୍ ବ୍ୟାଙ୍କ୍ ଅଫ୍ ଇଣ୍ଡିଆ ଶାଖାକୁ ଯାଇ ଅନୁପଙ୍କ ବ୍ୟାଙ୍କ ଆକାଉଣ୍ଟ ସଂପର୍କିତ ତଥ୍ୟ ସଂଗ୍ରହ କରିଛି । ଏହି ଘଟଣାରେ ଅନୁପ ଏବଂ ତାଙ୍କ ଡ୍ରାଇଭରଙ୍କ ବ୍ୟତୀତ ଆଉ କେଉଁମାନେ ସଂପୃକ୍ତ ସେନେଇ ପୋଲିସ ତନାଘନା ଚଳାଇଛି । ଅନୁପଙ୍କ କେତେକ ସହଯୋଗୀ ଏବଂ ସଂପର୍କୀୟ ଏହି ମାମଲାରେ ଛନ୍ଦି ହେବା ସମ୍ଭାବନା ସୃଷ୍ଟି ହୋଇଛି ।

ସୂଚନା ଅନୁଯାୟୀ ରାୟଗଡ ପୋଲିସ ଆଜି ଅନୁପ ଓ ତାଙ୍କ ଡ୍ରାଇଭର ବର୍ଦ୍ଧନ ଟପ୍ପୋଙ୍କୁ ରିମାଣ୍ଡରେ ନେବା ଲାଗି କୋର୍ଟରେ ଆବେଦନ କରିବ । ଏପଟେ ହତ୍ୟାକାଣ୍ଡରେ ବ୍ୟବହାର ହୋଇଥିବା ଉଭୟ ବୋଲେରୋ ଏବଂ ଇନୋଭା ଗାଡିକୁ ଆଜି ଚକ୍ରଧରପୁର ଥାନାରେ ପହଞ୍ଚାଇବାକୁ ଅନୁପଙ୍କ ପୁତୁରାକୁ ନୋଟିସ କରାଯାଇଛି । ତେବେ ବୋଲେରୋ ଗାଡିକୁ ବିକ୍ରି କରିଦିଆଯାଇଥିବାରୁ ସନ୍ଦେହ ବଢିଛି ।

ଏବେ ଜଣେ ପରେ ଜଣେ ପୋଲିସ ତଦନ୍ତ ପରିସରଭୁକ୍ତ ହେବାକୁ ଲାଗିଛନ୍ତି । ଅନୁପ ସାଏଙ୍କ ଆଉ ଜଣେ ସଂପର୍କୀୟଙ୍କୁ ମଧ୍ୟ ଥାନାରେ ହାଜର ହୋଇ ତଦନ୍ତରେ ସହଯୋଗ କରିବାକୁ କୁହାଯାଇଛି । ପୋଲିସ ସ୍କାନରରେ ଅନୁପକଙ୍କ ସଂପର୍କୀୟ ଏବଂ ସହଯୋଗୀ ରହିଥିବା ବେଳେ ସେମାନଙ୍କ ମଧ୍ୟରୁ କାହାର କ’ଣ ଭୂମିକା ରହିଛି ସେନେଇ ପୋଲିସ ଛାନଭିନ୍ କରୁଛି ।

   Related Posts