ଗୋପ,୦୩/୧୨: ଜୀବନ ଯୁଦ୍ଧରେ ହାରି ଗଲେ କରୋନା ଯୋଦ୍ଧା । ପୁରୀ ଜିଲ୍ଲୀ ଗୋପ ଥାନାରେ କାର୍ଯ୍ୟରତ ଏଏସ୍ଆଇ ଗଙ୍ଗାଧର ସେଠୀ କରୋନାରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ଏହି ଖବର ସାମ୍ନାକୁ ଆସିବା ପରେ ଥାନା ଓ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।
ସୂଚନାନୁସାରେ, ଏଏସ୍ଆଇ ଗଙ୍ଗାଧରଙ୍କଠାରେ କରୋନା ଲକ୍ଷଣ ଦେଖିବାକୁ ମିଳିଥିଲା । ସେ ଟେଷ୍ଟ କରିବା ପରେ ରିପୋର୍ଟ ପଜିଟିଭ୍ ଆସିଥିଲା । ଚିକିତ୍ସା ପାଇଁ ନିଜ ବାସଭବନ ଜଙ୍କିଆ ଅଚ୍ୟୁତପୁରକୁ ଯାଇ ହୋମ୍ କ୍ୱାରେଣ୍ଟାଇନରେ ରହିଥିଲେ । ହୋମ୍ କ୍ୱାରେଣ୍ଟାଇନରେ ଥିବା ବେଳେ ତାଙ୍କ ଅବସ୍ଥା ଗୁରୁତର ହୋଇ ପଡିଥିଲା । ପରେ ଭୁବନେଶ୍ୱରର ଏକ ଘରୋଇ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା ପାଇଁ ସେ ଭର୍ତ୍ତି ହୋଇଥିଲେ ।
ତେବେ ବୁଧବାର ଅପରାହ୍ନ ୨ଟା ସମୟରେ ତାଙ୍କର ଦେହାନ୍ତ ହୋଇଯାଇଛି। ସେ ଥାନାର ଜଣେ କର୍ତ୍ତବ୍ୟନିଷ୍ଠ ଅଫିସର ଭାବେ ନିଜର ପରିଚୟ ସୃଷ୍ଟି କରି । ଗୋପ ଥାନା ଆଇଆଇସି ସୁଧିର କୁମାର ସାହୁ ଗଙ୍ଗାଧରଙ୍କ ମୃତ୍ୟୁରେ ଶୋକ ପ୍ରକାଶ କରିଛନ୍ତି । ସେମାନେ ଜଣେ ଭଲ ଅଫିସରଙ୍କୁ ହରାଇଲେ ବୋଲି ଆଇଆଇସି କହିଛନ୍ତି ।
