Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ ଦିଗପହଣ୍ଡିରେ ଅପରାଧୀର ଛୁରା ମାଡରେ ଅପରାଧୀ ମୃତ
  • ||
  • ବାଙ୍କୀରେ ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡରେ ଜଣଙ୍କର ମୃତ୍ୟୁ
  • ||
  • କେନ୍ଦୁଝର ନୟାକୋଟରେ ସ୍ତ୍ରୀକୁ ଟାଙ୍ଗିଆରେ ହାଣିଲା ସ୍ବାମୀ
  • ||
  • ଗୁଜୁରାଟରେ ସ୍ତ୍ରୀକୁ ହତ୍ୟା ପରେ ଦୁଇ ସନ୍ତାନ ସହ ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇଦେଲେ ଯୁବକ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୬୯୫ କରୋନା ସଂକ୍ରମିତ
  • ||
  • ଆସୁଛି ଆଉ ଏକ ଲଘୁଚାପ ! ନଭେମ୍ବର ପହିଲାରୁ ପୁଣି ବର୍ଷାର ସମ୍ଭାବନା
  • ||
  • ଆମେରିକୀୟ ନୌସେନା ବିମାନ ଦୁର୍ଘଟଣାଗ୍ରସ୍ତ, ଦୁଇ ପାଇଲଟଙ୍କ ମୃତ୍ୟୁ
  • ||
  • ଭୁଆସୁଣୀ ଛକରେ ସିରିଜ୍ ଦୁର୍ଘଟଣା, ୨ ଗୁରୁତର
  • ||

ଜୀବନ ଯୁଦ୍ଧରେ ହାରିଗଲେ କରୋନା ଯୋଦ୍ଧା, କୋଭିଡ-୧୯ ସଂକ୍ରମିତ ହୋଇ ପ୍ରାଣ ହରାଇଲେ ଏଏସଆଇ

24/05/2020 at 4:40 PM

ଅହମଦାବାଦ, ୨୪|୦୫: ସାରା ଦେଶ ଏବେ କରୋନା ଭାଇରସର ମୁକାବିଲା କରୁଛି । କରୋନା ସଂକ୍ରମଣ ମାମଲା ମଧ୍ୟ ଦ୍ରୁତ ଗତିରେ ବଢିବାରେ ଲାଗିଛି । ଗୁଜୁରାଟ ଦେଶର ସର୍ବାଧିକ ପ୍ରଭାବିତ ରାଜ୍ୟ ତାଲିକାରେ ରହିଛି । ଅହମଦାବାଦ ଏବେ କରୋନାର ହଟସ୍ପଟ୍ ପାଲଟିଛି । ଏହା ମଧ୍ୟରେ ଏଠାରେ ଜଣେ କରୋନା ଯୋଦ୍ଧା ପ୍ରାଣ ହରାଇଛନ୍ତି ।

ଅହମଦାବାଦରେ କରୋନା ଭାଇରସରେ ସଂକ୍ରମିତ ହୋଇ ଜଣେ ଏଏସଆଇ ପ୍ରାଣ ହରାଇଛନ୍ତି । ସେ ହସ୍ପିଟାଲରେ ନିଜ ଜୀବନ ହାରିଛନ୍ତି । ଏଏସଆଇ ଗିରିଶ ବ୍ରେଡ୍ ଅହମଦାବାଦର କୃଷ୍ଣନଗର ଥାନାରେ କାର୍ଯ୍ୟରତ ଥିଲେ । ଗତ ୪ ଦିନ ତଳେ ତାଙ୍କ ସ୍ୱାସ୍ଥ୍ୟାବସ୍ଥା ହଠାତ ବିଗିଡି ଯାଇଥିଲା । ଏହାପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ତାଙ୍କର କରୋନା ଟେଷ୍ଟ୍ କରାଯାଇଥିଲା । ଯାହା ପଜିଟିଭ୍ ଆସିଥିଲା ।

 କରୋନା ସଂକ୍ରମଣରେ ଗୁଜୁରାଟରେ କୌଣସି ପୋଲିସ କର୍ମୀ ପ୍ରାଣ ହରାଇଥିବା ଏହା ହେଉଛି ତୃତୀୟ ଘଟଣା । ଗିରିଶଙ୍କ ପୂର୍ବରୁ ୨ଜଣ ପୋଲିସ କର୍ମୀ କରୋନାରେ ପ୍ରାଣ ହରାଇଥିଲେ । ତେବେ ଗୁଜୁରାଟ ପୋଲିସ ଡିଜି ଶିବାନନ୍ଦ ଝା ମେ ୧୭ରେ ପ୍ରାୟ ୪୦୦ ପୋଲିସ କର୍ମୀ କରୋନା ସଂକ୍ରମିତ ହୋଇଥିବା ସୂଚନା ଦେଇଥିଲେ ।

ସୂଚନାଯୋଗ୍ୟ, ଗୁଜୁରାଟରେ କରୋନା ଭାଇରସ ସଂକ୍ରମିତଙ୍କ ସଂଖ୍ୟା ୧୩ ହଜାର ଅତିକ୍ରମ କରିଛି । କେବଳ ଅହମଦାବାଦରେ ୧୦୦୦ରୁ ଅଧିକ ସଂକ୍ରମିତ କେସ୍ ସାମ୍ନାକୁ ଆସିଛି । ଏଠାରେ ଏବେସୁଦ୍ଧା ୬୦୦ରୁ ଅଧିକ ପ୍ରାଣ ହରାଇସାରିଛନ୍ତି ।

   Related Posts