Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

କିଛି ଖର୍ଚ୍ଚ ନଦେଲେ, ୪ଟା ବେଳକୁ ପୋଷ୍ଟମର୍ଟମ ହେବ

4/08/2018 at 1:04 PM

ପୋଷ୍ଟମର୍ଟମ ପାଇଁ ଲାଞ୍ଚ ମାଗିଲେ ଥାନା ଅଧିକାରୀ । ସଂଗୀନ ଅଭିଯୋଗ ଆସିଛି ନୀଳଗିରି ଥାନା ASIଙ୍କ ବିରୋଧରେ । ବାଲେଶ୍ବର ନରଣପୁରରେ ଗତକାଲି ଶରତ ରାଉତ ନାମରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଥିଲା । ତାଙ୍କୁ ନୀଳଗିରି ଡାକ୍ତରଖାନା ଅଣାଯାଇଥିଲା, ସେଠି ଡାକ୍ତର ମୃତ ଘୋଷଣା କରିଥିଲେ । ସଂଧ୍ୟା ପରେ ପୋଷ୍ଟମର୍ଟମ କରାଯାଇ ପାରିନଥିଲା । ରାତି ସାରା ପରିବାର ଲୋକ ଅପେକ୍ଷା କରିଥିଲେ । ସକାଳ ହେବା ପରେ ବି ନିସ୍ତାର ନଥିଲା । ୧୬ଘଣ୍ଟା ଧରି ଶବ ପଡି ରହିବା ପରେ ଦିନ ୧୧ଟା ବେଳକୁ ନୀଳଗିରି ଥାନା ଏଏସ୍ଆଇ ପୋଷ୍ଟମର୍ଟମ କରିବାକୁ ଯାଇଥିଲେ । ପରିବାର ଲୋକ ବ୍ୟସ୍ତ ହୋଇ ପଡିଥିଲେ । ଏଣେ କିଛି ଖର୍ଚ୍ଚ ନଦେଲେ ପୋଷ୍ଟମର୍ଟମ ଆହୁରି ଡେରି ହେବ ବୋଲି କୁଆଡେ ସଫା ସଫା ଶୁଣାଇ ଦେଇଥିଲେ ଥାନା ବାବୁ ।
ଥାନାବାବୁଙ୍କ ସହ ଆଉ ଯୁକ୍ତି ତର୍କ ନକରି ମୃତକଙ୍କ ପରିବାର ଲୋକ ଏନେଇ ନୀଳଗିରି ଉପଜିଲ୍ଲାପାଳଙ୍କ ପାଖରେ ଅଭିଯୋଗ କରିଥିଲେ । ଅଭିଯୋଗକୁ ଗୁରୁତ୍ବର ସହ ନେଇ ଉପଜିଲ୍ଲାପାଳ ତୁରନ୍ତ ଆକ୍ସନକୁ ଆସିଥିଲେ । ନୀଳଗିରି ଥାନା ଅଧିକାରୀଙ୍କୁ ଡାକି ତାଗିଦ କରିଥିଲେ । ଅନ୍ୟ ଥାନା ଅଧିକାରୀଙ୍କ ଉପସ୍ଥିତିରେ ତଦନ୍ତ ଓ ପୋଷ୍ଟମର୍ଟମ ପାଇଁ ନିର୍ଦ୍ଦେଶ ଦେଇଥିଲେ ଉପଜିଲ୍ଲାପାଳ । ଅଭିଯୋଗ ଉପରେ ନିଜେ ତଦନ୍ତ କରିବା ସହ ଏସ୍ପିଙ୍କ ଦୃଷ୍ଟି ଆକର୍ଷଣ କରିବେ ବୋଲି ଉପଜିଲ୍ଲାପାଳ କହିଛନ୍ତି ।
ମୃତକଙ୍କ ପରିବାର ଲୋକଙ୍କ ଅଭିଯୋଗକୁ କିନ୍ତୁ ଖଣ୍ଡନ କରିଛନ୍ତି ନୀଳଗିରି ଏସ୍ଆଇ ଶରତ କୁମାର ଧଳ । କିଛି ସମୟ ପରେ ପୋଷ୍ଟମର୍ଟମ ହେବ ବୋଲି କହିଥିବା ସଫେଇ ଦେଇଛନ୍ତି ।
ଶବ ପାଇଁ ଲାଞ୍ଚ ମାଗିବା ଘଟଣାର ତଦନ୍ତ ଚାଲିଛି । ତେବେ ଖାକିରେ ଲାଗିଛି ଦାଗ । ପୋଲିସ ବାବୁ କିପରି ଏତେ ସମ୍ବେଦନହୀନ ହେଲେ ସେନେଇ ଚର୍ଚ୍ଚା ଜୋର ଧରିଛି ।

   Related Posts