Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

ଅଜବ ତଦନ୍ତ : ଜେଲ୍‌ରେ ଥିଲା ଯୁବକ, ତଥାପି ଚୋରି ଘଟଣାରେ ଅଭିଯୁକ୍ତ ସଜାଇଲା ପୋଲିସ

12/11/2019 at 1:23 PM

ଉଦଳା ୧୨।୧୧: ଜେଲରେ ଥାଇ କେମିତି ଅପରାଧ ଘଟାଇଲେ ଅଭିଯୁକ୍ତ। ଏକ ଅପରାଧିକ ମାମଲାରେ ସଂପୃକ୍ତ ଜଣେ ଯୁବକ ୨୦ ଦିନ ଜେଲରେ ରହିଲେ । ହେଲେ ସେହି ସମୟରେ ଅନ୍ୟ ଏକ ଚୋରି ଘଟଣାରେ ତାଙ୍କୁ ଅଭିଯୁକ୍ତ ସଜାଇଲା ପୋଲିସ । ଏମିତି ଏକ ଘଟଣା ସାମ୍ନାକୁ ଆସିବା ପରେ ଉଦଳା ଥାନା ପୋଲିସର ଅପାରଗତା ଏବେ ପଦାରେ ପଡିଛି । 

ସୂଚନାଯୋଗ୍ୟ ଯେ, ଗତ ୨୦୧୮ ନଭେମ୍ବର ୮ ତାରିଖରେ ଉଦଳା ଥାନା ନୂଆସାହି ଗାଁର ରମାକାନ୍ତ ନାୟକଙ୍କୁ ପୋଲିସ ଗିରଫ କରିଥିଲା । ଏହାପରେ  ଉଦଳା ଉପଜିଲ୍ଲାପାଳଙ୍କ କୋର୍ଟରେ ହାଜର କରିଥିଲା ପୋଲିସ । ଅଭିଯୁକ୍ତଙ୍କର ଜାମିନ ନାମଞ୍ଜୁର ହେବା ପରେ ତାଙ୍କୁ ନଭେମ୍ବର ୨୨ ତାରିଖ ପର୍ଯ୍ୟନ୍ତ ତାଙ୍କୁ ଜେଲକୁ ପଠାଇ ଦିଆଯାଇଥିଲା । ପୁନଶ୍ଚ ୨୨ ତାରିଖରେ ତାଙ୍କର ଜାମିନ ନାମଞ୍ଜୁର ହେବାରୁ ସେ ଜେଲରେ ବିଚାରଧୀନ କଏଦୀ ଭାବେ ରହିଥିଲେ । ଶେଷରେ ନଭେମ୍ବର ୨୯  ତାରିଖ ଦିନ ୨୦ ହଜାର ଟଙ୍କାର ବେଲବଣ୍ଡରେ ସେ ଜାମିନରେ ଆସିଥିଲେ । ହେଲେ ଉକ୍ତ ୨୦୧୮ ନଭେମ୍ବର ୧୧ ତାରିଖ ବିଳମ୍ବିତ ରାତିରେ ଉଦଳା ଥାନା ଭୀମତାଳି ଛକ ନିକଟରେ ଥିବା ସାଇ ମନ୍ଦିରରୁ ଚୋରି ହୋଇଥିଲା । ଏ ନେଇ ୧୨  ତାରିଖରେ ଉଦଳା ଥାନା ଅଭିଯୋଗ ପରେ  ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଥିଲା । ସେହି ଘଟଣାରେ ଗତ ୨୦୧୯ ଫେବୃଆରୀ ୨୪ ତାରିଖ ଦିନ ଭୀମତାଳି ସାଇ ମନ୍ଦିର ଚୋରି ଘଟଣାରେ ପୋଲିସ ୩ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କରିଥିଲା । 

ସବୁଠାରୁ ବଡ କଥା ହେଲା ଏହି ଗିରଫ ଅଭିଯୁକ୍ତମାନଙ୍କ ମଧ୍ୟରେ ରହିଥିଲେ ରମାକାନ୍ତ ନାୟକ । ତେବେ ପ୍ରଶ୍ନ ଉଠୁଛି ୨୦୧୮ ନଭେମ୍ବର ୮  ତାରିଖରୁ ୨୯ ତାରିଖ ପର୍ଯ୍ୟନ୍ତ ଜେଲରେ ରହିଥିବା ନୂଆସାହି ଗାଁର ରମାକାନ୍ତ ନାୟକ ଏହି ସାଇ ମନ୍ଦିର ଚୋରି ଘଟଣାରେ ଦୋଷୀ ଭାବେ ଗିରଫ ହେଲେ କେମିତି । କାରଣ ୨୦୧୮ ନଭେମ୍ବର ୮ ତାରିଖରୁ  ୨୯ ତାରିଖ ପର୍ଯ୍ୟନ୍ତ  ସେ ଜେଲରେ ଥିଲେ । ଏହି ସମୟରେ ଜେଲରେ ଥିବା  ରମାକାନ୍ତ  ନଭେମ୍ବର ୧୧ ତାରିଖ ବିଳମ୍ବିତ ରାତିରେ ସାଇ ମନ୍ଦିରରୁ ଚୋରି କଲେ କିପରି ?  ଜେଲରେ ଥିବା ଅଭିଯୁକ୍ତ କିପରି ଆସି ଚୋରି କରିଲେ, ଏହାକୁ ନେଇ ଉଦଳା ପୋଲସର କାର୍ଯ୍ୟଦକ୍ଷତା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି ।

   Related Posts