ବାଲିପାଟଣା ୭।୧୧: ବାଲିପାଟଣା ନୂଆସାହିରେ ଜୁଆ ଆଡ୍ଡା ଉପରେ ବାଲିପାଟଣା ପୋଲିସ ଚଢାଉ କରିଛି । ଘଟଣାସ୍ଥଳରୁ ତିନି ଜଣଙ୍କୁ ଗିରଫ କରିଛି ପୋଲିସ । ଏହାସହ ଛଅ ହଜାର ତିନି ଶହ ଟଙ୍କା ମଧ୍ୟ ଜବତ କରିଛି ପୋଲିସ ।
ଗତକାଲି ବିଳମ୍ବିତ ରାତିରେ ବାଲିପାଟଣା ଥାନା କୌଣସି ସୂତ୍ରରୁ ଖବର ପାଇ ନୂଆସାହିରେ ଚାଲିଥିବା ଜୁଆ ଆଡ୍ଡା ଉପରେ ଚଢାଉ କରିଥିଲା । ଚଢାଉ ସମୟରେ ତିନିଜଣ ଜୁଆ ଖେଳାଳିଙ୍କୁ ଗିରଫ କରିବାରେ ପୋଲିସ ସକ୍ଷମ ହୋଇଥିଲା । ଘଟଣାସ୍ଥଳରୁ ୧୫ ଜଣରୁ ଉର୍ଦ୍ଧ୍ବ ଜୁଆ ଖେଳାଳି ଖସିଯାଇଥିଲେ । ଗିରଫ ହୋଇଥିବା ତିନି ଜଣ ହେଲେ ବାଲିପାଟଣା ଥାନା ମାର୍ଥାପୁର ଗ୍ରାମର ବାବୁଲି ମଲ୍ଲିକ, ନିଶ୍ଚିତପୁର ଗ୍ରାମର ରାଜେଶ ସ୍ବାଇଁ ଏବଂ ନିଆଳି ଥାନା ଗୋବିନ୍ଦରାମପାଟଣା ଗ୍ରାମର ହୁଲାସ ଭୋଇ ।