Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମାନସିକ ଭିନ୍ନକ୍ଷମ ଭଉଣୀର କେୟାର ଟେକରକୁ ବାରମ୍ବାର ଦୁଷ୍କର୍ମ ଓ ହତ୍ୟା, ପ୍ରମାଣ ନଷ୍ଟ କରିବାକୁ ମୃତଦେହକୁ ବାଥରୁମରେ ପୋଡି ଦରପୋଡା ଶବକୁ ପୋତିଦେଲେ ବାଲିରେ, ପୋଲିସ କଲା ପର୍ଦ୍ଦାଫାଶ

3/02/2019 at 10:21 PM

କଟକ୧|୨: ଘର କାମରେ ନିୟୋଜିତ ମହିଳାଙ୍କ ସହ ବର୍ଷ ବର୍ଷ ଧରି ଅନୈତିକ ସମ୍ପର୍କ ରଖିବା ପରେ ଯୁବତୀଙ୍କୁ ପୋଡି ମାରିବା ପରେ ବାଲିରେ ପୋତି ଦେଲେ ଗୃହକର୍ତ୍ତା । କଟକ ରାଜେନ୍ଦ୍ର ନଗରରେ ଘଟିଛି ଏଭଳି ଜଘନ୍ୟ ଘଟଣା । କଟକ କମିଶନରେଟ୍ ପୋଲିସ୍ ଘଟଣା ଉପରୁ ପର୍ଦ୍ଦାଫାସ୍ କରିବା ସହ ଗୃହକର୍ତ୍ତାଙ୍କୁ ଗିରଫ କରି କୋର୍ଟ ଚାଲାଣ କରିଛି ।

କଟକ ରାଜେନ୍ଦ୍ର ନଗରରେ ଜଘନ୍ୟ କାଣ୍ଡ । ଘର କାମ କରିବାକୁ ଜଣେ ଯୁବତୀଙ୍କୁ ଆଣି ରଖିବା ପରେ ଯୁବତୀଙ୍କ ସହ ଶାରିରୀକ ସମ୍ପର୍କ ରଖିଲେ ଗୃହକର୍ତ୍ତା । ବର୍ଷ ବର୍ଷ ଧରି ଯୁବତୀଙ୍କୁ ଶାରିରୀକ ଶୋଷଣ କରିବା ପରେ ଯୁବତୀଙ୍କୁ ହତ୍ୟା କରିଛନ୍ତି ଗୃହକର୍ତ୍ତା ।

ପୋଲିସ୍ ର କହିବା ଅନୁସାରେ କଟକ ରାଜେନ୍ଦ୍ର ନଗରରେ ଦୀର୍ଘ ବର୍ଷ ହେଲା ଭଡାରେ ରହି ଆସୁଥିଲେ ଜଗତସିଂହପୁର ବାଗଡିଆର ପ୍ରଭାତ ମହାରଣା ଓରଫ୍ କୁନା । ପ୍ରଭାତ ନିଜ ମାନସିକ ରୋଗଗ୍ରସ୍ତ ଭଉଣୀଙ୍କର ଦେଖା ରଖା କରିବା ପାଇଁ ରଞିତା ନାୟକ ନାମକ ଜଣେ ଯୁବତୀଙ୍କୁ ଆଣି ରଖିଥିଲେ । କିନ୍ତୁ ପ୍ରଭାତ ବରାବର ରଞିତାଙ୍କ ସହ ଶାରିରୀକ ସମ୍ପର୍କ ରଖି ବର୍ଷ ବର୍ଷ ଧରି ତାଙ୍କୁ ଶାରିରୀକ ଶୋଷଣ କରିଆସୁଥିଲେ ।

ଗତ ଡିସେମ୍ବର ମାସ ୨୭ ତାରିଖରେ କୌଣସି କାରଣରୁ ପ୍ରଭାତ ଓ ରଞିତାଙ୍କ ମଧ୍ୟରେ ବଚସା ହୋଇଥିଲା । ପୋଲିସ୍ କହିବା ଅନୁସାରେ ପ୍ରଭାତ ରଞିତାଙ୍କୁ ମୁଣ୍ଡକୁ ଆଘାତ୍ ଦେବାରୁ ରଂଜିତ ସଜ୍ଞାହୀନ ହୋଇପଡିଥିଲେ । ରଂଜିତା ମରିଯାଇଥିବା ଭାବି ନିଜ ବାଥ୍ ରୁମ୍ ରେ ରଂଜିତାଙ୍କୁ ପୋଡି ଦେଇଥିଲେ ।

ପରେ ପ୍ରମାଣ ନଷ୍ଟ ପାଇଁ ରଞିତାଙ୍କ ମୃତ ଦେହକୁ ନିଜ ପୁଅ ସହାୟତାରେ ଚୌଦ୍ବାର ନେଇ ଜାତୀୟ ୫୫ ନମ୍ବର ଜାତୀୟ ରାଜପଥ କଡ ଛତିଶାପାଟରେ ପୋତି ଦେଇ ଆସିଥିଲେ ପ୍ରଭାତ । ତେବେ ଜାତୀୟରାଜପଥ କାମ କରୁଥିବା ଶ୍ରମିକ ମାନେ ବାଲି ତଳୁ ମୃତ ଦେହ ପାଇବା ପରେ ପୋଲିସ୍ କୁ ଖବର ଦେଇଥିଲେ । ପୋଲିସ୍ ଛାନ ଭିନ୍ ପରେ ଅଭିଯୁକ୍ତ ପ୍ରଭାତ ଆସିଥିଲେ ପୋଲିସ୍ ରାଡାର୍ କୁ ।

ତେବେ ଅଜଣା ମୃତ ଦେହ ମିଳିବା ପରେ ମାମଲାରେ ଅଭିଯୁକ୍ତଙ୍କୁ ଠାବ କରିବା ପୋଲିସ୍ ପାଇଁ କାଠିକର ପାଠ ଥିଲା । ଚୌଦ୍ବାର ପୋଲିସ୍ ପୋଷ୍ଟମର୍ଟମ୍ ରିପୋର୍ଟ ଆଧାରରେ ହତ୍ୟା ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । ତଦନ୍ତ ସମୟରେ କିଛି ନିର୍ଦ୍ଧିଷ୍ଟ ସୂଚନା ପ୍ରଭାତ ମହାରଣାଙ୍କୁ ସନ୍ଦେହ ଘୋରକୁ ଆଣିଥିଲା।

ପରେ ପୋଲିସ୍ ପ୍ରଭାତଙ୍କ ଗତିବିଧି ଉପରେ ନଜର ରଖିବା ପରେ ତାଙ୍କୁ ଅଟକ ରଖି ପଚରା ଉଚରା ଆରମ୍ଭ କରିଥିଲା । ପଚରା ଉଚରା ବେଳେ ପ୍ରଭାତ ସବୁ କଥା ମାନିଯାଇଥିବା ପୋଲିସ୍ କହିଛି । ସେପଟେ ରଂଜିତାଙ୍କ ବାପା ପୋଲିସ୍ ତାଙ୍କୁ ନ୍ୟାୟ ଦେବ ବୋଲି ଆଶା ରଖିଛନ୍ତି….

ପୋଲିସ୍ ଅଭିଯୁକ୍ତଙ୍କୁ ଗିରଫ କରିବା ସହ ମୃତ ଦେହ ଯେଉଁ କାର୍ ରେ ପ୍ରଭାତ ଚୌଦ୍ବାର ନେଇଥିଲେ, ସେ କାରକୁ ମଧ୍ୟ ଜବତ୍ କରିଛି ।

   Related Posts