ଜୟପୁର ୨୭।୯: ମହିଳାଙ୍କଠାରୁ ସୁନା ଚେନ୍ ଝାମ୍ପି ଲୁଟ୍ କରିବା ଅଭିଯୋଗରେ ଜଣେ ଲୁଟେରାକୁ କାବୁ କରିଛି ଜୟପୁର ଟାଉନ ପୋଲିସ । ଲୁଟେରା ନାଁ ହେଉଛି ବାଦଲ ନାଗ । ବାଦଲଠାରୁ ୩ ଗ୍ରାମ ସୁନା ସହ ଗୋଟିଏ ମଟର ସାଇକେଲ ଓ ଗୋଟିଏ ଛୁରୀ ମଧ୍ୟ ଜବତ କରିଛି ପୋଲିସ । ତା ନାଁରେ ଅନେକ ଅପରାଧିକ ମାମଲା ମଧ୍ୟ ରହିଥିବା କହିଛନ୍ତି ଜୟପୁର ଏସଡିପିଓ। ସେପ୍ଟେମ୍ବର ମାସ ୩ ତାରିଖ ଦିନ କୁମାରୀ ସାହୁ ନାମକ ଜଣେ ମହିଳାଙ୍କ ବେକରୁ ସୁନା ଚେନ୍ ଝାମ୍ପି ନେଇଥିବା ଅଭିଯୋଗ କରି ପୋଲିସ ଟାଉନ ଥାନାର ଦ୍ବାରସ୍ଥ ହୋଇଥିଲେ। ଘଟଣାର ତଦନ୍ତ କରି ପୋଲିସ ବାଦଲକୁ କାବୁ କରିଛି।