Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମୁଛି କରୋନା ସଂକ୍ରମଣ, ସୁସ୍ଥ ହୋଇ ଘରକୁ ଫେରିଲେ ଆଉ ୬୬୯ ଆକ୍ରାନ୍ତ
  • ||
  • ସରକାର ଓ କୃଷକଙ୍କ ମଧ୍ୟରେ ପ୍ରଥମ ବୈଠକ ବିଫଳ: ପୁଣି ଡିସେମ୍ବର ୩ରେ ଉଭୟ ପକ୍ଷ ମଧ୍ୟରେ ଆଲୋଚନା, ଜାରି ରହିବ ଆନ୍ଦୋଳନ
  • ||
  • ସୋର : ବାଇକ୍ ଉପରେ ମାଡିଗଲା କାର୍, ୩ ଗୁରୁତର
  • ||
  • କଣ୍ଟାବାଞ୍ଝି : ରାସ୍ତା କଡ ସିମେଣ୍ଟ ଖୁଣ୍ଟରେ ପିଟିହେଲା ବାଇକ୍ଦୁ, ଦୁଇ ମୃତ, ଜଣେ ଗୁରୁତର
  • ||
  • ଭଦ୍ରକ : ଟ୍ରକ୍‌କୁ ୮୭ ହଜାର ଟଙ୍କା ଫାଇନ୍, ପରମିଟ୍ ନଥାଇ ପରିବହନ ହେଉଥିଲା ଅଧିକ ଓଜନର ସାମଗ୍ରୀ
  • ||
  • ଆଠମଲ୍ଲିକ : ବାଇକ୍‌କୁ ଧକ୍କା ଦେଲା ପିକ୍‌ଅପ୍ ଭ୍ୟାନ୍, ଦୁଇ ବାଇକ୍ ଆରୋହୀଙ୍କ ମୃତ୍ୟୁ
  • ||
  • ସୋର : ଟ୍ରକ୍ ଚାପାରେ ମା’ ମୃତ, ବାପା-ପୁଅ ଗୁରୁତର
  • ||
  • ସାନଖେମୁଣ୍ଡି : ଦାଦା ବଟି ମାଗିବା ଅଭିଯୋଗରେ ଯୁବକ ଗିରଫ, ମାଉଜର ଓ ଅଫୁଟା ଗୁଳି ଜବତ
  • ||
  • ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୪୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୩୭୮ କରୋନା ସଂକ୍ରମିତ, ୩୧୯୧୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ରାଜଧାନୀରେ ଡକାୟତଙ୍କ ସହ ସୁନ୍ଦରୀ ଯୁବତୀ ସାମିଲ୍‌- ନିଛାଟିଆ ସ୍ଥାନକୁ ଡାକି ପୁରୁଷ ବନ୍ଧୁଙ୍କ ସହାୟତାରେ କରୁଥିଲେ ଲୁଟ

25/01/2020 at 6:55 PM

ଭୁବନେଶ୍ବର ୨୫।୦୧: ରାଜଧାନୀରେ ଯୁବତୀଙ୍କୁ ମାଧ୍ୟମ କରି ଡକାୟତି କରୁଥିବା ୫ ଜଣ ଡକାୟତ ଗିରଫ । ପାଞ୍ଚ ଡକାୟତଙ୍କୁ ଗିରଫ କଲା ଖଣ୍ଡଗିରି ଥାନା ପୋଲିସ । ସେପଟେ ବ୍ରାଉନସୁଗାର ବେପାର କରୁଥିବା ଜଣେ ଯୁବତୀଙ୍କ ସହିତ ଚାରି ଗିରଫ । ଚାରିଜଣଙ୍କୁ ଗିରଫ କରିଛି ଲକ୍ଷ୍ମୀସାଗର ଥାନା ପୋଲିସ ।

ଦଲାଲ ସାଜି ଗ୍ରାହକ ଯୋଗାଡ କରୁଥିଲେ । ଫୋନ ମାଧ୍ୟମରେ ଖଣ୍ଡଗିରି  ଖୋର୍ଦ୍ଧା ରାସ୍ତାକୁ ଡାକୁଥିଲେ । ସୁନ୍ଦର ଯୁବତୀଙ୍କ ମାଧ୍ୟମରେ ଗ୍ରାହକଙ୍କୁ ଆକ଼ଷ୍ଟ କରିବା ପରେ ଆରମ୍ଭ ହେଉଥିଲା ଲୁଟତରାଜ । ଯିଏ ଏମାନଙ୍କ ଜାଲରେ ପଡୁଥିଲେ ଲୁଟର ଶିକାର ହେବା ଥୟ । କେବଳ ଲୁଟୁ ନଥିଲେ ଝିଅ ମାନଙ୍କ ସହିତ ଅଶ୍ଳୀଳ ଫଟୋ ଉଠାଇ ଏମାନେ ପରବର୍ତ୍ତି ସମୟରେ ଗ୍ରାହକ ମାନଙ୍କୁ ବ୍ଲାକମେଲିଂ ମଧ୍ୟ କରୁଥିଲେ । ୨୦୧୮ ମସିହାରେ ଏହି ଲୁଟେରା ଗ୍ୟାଙ୍ଗରେ ଥିବା ପାଞ୍ଚଜଣ ଡକାୟତ ଏକଲକ୍ଷ ଅଶି ହଜାର ଟଙ୍କା ଡକାୟତି କରି ଫେରାର ହୋଇଯାଇଥିଲେ । ଯାହାର ପର୍ଦ୍ଦା ଫାସ କରିଛି କମିସନରେଟ ପୋଲିସ ।

ସେହିଭଳି ଜଟଣୀ ଗେଟ ରାସ୍ତାରେ ଡକାୟତି ଉଦ୍ୟମ କରିବାକୁ ଯୋଜନା କରୁଥିବା ବେଳେ ୪ଜଣ ଆନ୍ତରାଜ୍ୟ ଡକାୟତଙ୍କୁ ଗିରଫ କରିଛି ଜଟଣୀ ପୋଲିସ । ସେମାନଙ୍କ ନିକଟରୁ ମାରଣାସ୍ତ୍ର , ବାଇକ ଓ ମୋବାଇଲ ଜବତ କରାଯାଇଛି । ପଶ୍ଚିମବଙ୍ଗରୁ ଆସି ଏମାନେ ଏଠାରେ ଡକାୟତି କରିବାକୁ ପ୍ରସ୍ତୁତି ଚଳାଇଥିଲେ ।

ସେପଟେ ଲକ୍ଷ୍ମୀସାଗର ଥାନା ଅଞ୍ଚଳରେ ଜଣେ ରାଣୀ ମହୁମାଛି ସହ ୪ଜଣଙ୍କୁ ଗିରଫ କରିଛି କମିସନରେଟ ପୋଲିସ । ପୁର୍ବରୁ ଏହି ରାଣୀ ମହୁମାଛି ଜଣେ ପୋଲିସ ଏସଆଇଙ୍କ ସମ୍ପର୍କରେ ରହି ପୋଲିସକୁ ବ୍ରାଉନସୁଗାର ବେପାରର ଗୁପ୍ତ ସୁଚନା ଯୋଗାଉଥିଲେ । କିନ୍ତୁ ପରବର୍ତ୍ତି ସମୟରେ ସେ ହିଁ ବ୍ରାଉନସୁଗାର ବେପାରର କିଙ୍ଗପିନ ହନିଯାଇଥିଲେ । କାହାର ଛର୍ତଛାୟା ତଳେ ରହି ଏହି ବେପାର ଆରମ୍ଭ କରିଥିଲେ ତାହାର ଖୋଳତାଡ କରୁଛି କମିସନରେଟ ପୋଲିସ ।

ଗୋଟିଏ ପଟେ ବ୍ରାଉନସୁଗାର ବେପାର ଆଉ ଅନ୍ୟପଟେ ଦେହ ଦଲାଲରୁ ଡକାୟତି । ଏହାରି ଭିତରେ କମିସନରେଟ ପୋଲିସ ସବୁ ପ୍ରକାର ଅନୈତିକ କାର୍ଯ୍ୟକୁ ବନ୍ଦ କରିବାକୁ ଏବେ ସ୍ବତନ୍ତ୍ର ଟିମ ଗଠନ କରି ଚଢାଉ କରିବାପାଇଁ ପ୍ରସ୍ତୁତି ଆରମ୍ଭ କରିଛି ।

   Related Posts