Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚାନ୍ଦବାଲି : ବିଜେଡିର ମିଶ୍ରଣ ପର୍ବ, ଦଳକୁ ପ୍ରତ୍ୟାବର୍ତ୍ତନ କଲେ ହେବିଓ୍ବେଟ୍ ନେତା ପ୍ରତାପ ଧଳ
  • ||
  • ମାଥିଲି : କୂଅରୁ ଉଦ୍ଧାର ହେଲା ମା’ ଓ ଶିଶୁ କନ୍ୟାର ମୃତଦେହ, ଶୁକ୍ରବାର ରାତିରୁ ଥିଲେ ନିଖୋଜ
  • ||
  • ଭୁବନେଶ୍ବର : ରାଜଧାନୀର ବିଚ୍ ରାସ୍ତାରେ ଗୋଡେଇ ଗୋଡେଇ ହାଣିଲେ, ଜଣେ ମୃତ, ୨ ଆକ୍ରମଣକାରୀଙ୍କୁ ଧରିଛି ପୋଲିସ
  • ||
  • ବଲାଙ୍ଗିର : ପିଟି ପିଟି ମାରିଦେଲେ, ପ୍ରମାଣ ନଷ୍ଟ ପାଇଁ ଫିଙ୍ଗିଦେଲେ ନାଳରେ, ୨୪ ଘଣ୍ଟାରେ ଅଭିଯୁକ୍ତଙ୍କୁ ବାନ୍ଧିଲା ପୋଲିସ
  • ||
  • ସୋର : କେନାଲରେ ଗାଧୋଇବା ବେଳେ ଭାସିଗଲେ ଯୁବକ, ୩ଦିନ ପରେ ଗୁଜୁରାଟରୁ ଫେରିଲା ମୃତଦେହ
  • ||
  • ଆଠମଲ୍ଲିକ : ଅଜଣା ଗାଡି ଧକ୍କାରେ ଜଣେ ମୃତ, ଜଣେ ଆହତ
  • ||
  • ଭୁବନେଶ୍ବର : ପ୍ରଭୁ ଶ୍ରୀଲିଙ୍ଗରାଜ ପୀଠରେ ରାତି ୧୦ଟାରେ ଉଠିବ ମହାଦୀପ, ମନ୍ଦିର ପରିସରରେ ପାଳନ ହେବ କୋଭିଡ୍ କଟକଣା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୫୪ କୋଭିଡ୍ ପଜିଟିଭ୍, ୩୩୭୬୭୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବୌଦ୍ଧ : ବାପାଙ୍କ ଅନ୍ତିମ ସଂସ୍କାର ସାରି ଫେରୁଥିବା ବେଳେ ଅଧାବାଟରେ ଚାଲିଗଲା ପୁଅର ଜୀବନ
  • ||
  • ସୋର : ପୋଡିହୋଇ ମହିଳାଙ୍କ ମୁତ୍ୟୁ, ଘରଠାରୁ ୧୦୦ମି. ଦୂର କୁକୁଡା ଫାର୍ମ ପଛପଟୁ ଉଦ୍ଧାର ହେଲା ମୃତଦେହ
  • ||

ଅଡୁଆରେ କମିଶନରେଟ୍ ପୋଲିସ ; ଓ୍ବାରେଣ୍ଟି ବଦଳରେ ନିର୍ଦ୍ଦୋଶକୁ ଉଠାଇନେଲା, ମୁକୁଳାଇବାକୁ ଦାବି

17/03/2019 at 6:33 PM

କଟକ ୧୭|୩ : ଅଡୁଆରେ ପଡିଛି କଟକ କମିଶନରେଟ୍ ପୁଲିସ । ଓ୍ବାରେଣ୍ଟିକୁ ଗିରଫ କରିବାକୁ ଯାଇ ଜଣେ ସାଧାରଣ ଲୋକକୁ ଗିରଫ କରିଛି ଲାଲବାଗ ଥାନା ପୁଲିସ । ଗିରଫ ହୋଇଥିବା ଚନ୍ଦନ ମହାରଣା କୌଣସି ମାମଲାରେ ନଥିଲେ ମଧ୍ୟ ଭୁଲରେ ଗିରଫ ହୋଇ ଏବେ ସାତ ଦିନ ହେବ ଜେଲ୍‌ର ଚାରିକାନ୍ଥ ଭିତରେ । ସେପଟେ ଚନ୍ଦନକୁ ଜେଲ୍‌ରୁ ଖଲାସ କରିବା ସହ ପରିବାରକୁ ନ୍ୟାୟ ଦେବା ପାଇଁ ଏକାଠି ହୋଇଛନ୍ତି ଚନ୍ଦନଙ୍କ ସାହି ଲୋକ ।

ପୁଣି ଅକଳରେ ପଡିଛି କଟକର ଲାଲବାଗ ଥାନା ପୁଲିସ । ଓ୍ବାରେଣ୍ଟିକୁ ଗିରଫ କରିବାକୁ ଯାଇ ଚାନ୍ଦିନୀଚୌକ ଅଞ୍ଚଳର ଚନ୍ଦନ ମହାରଣାକୁ ଗିରଫ କରିଛି ପୁଲିସ । ହେଲେ ଗିରଫ ହୋଇଥିବା ଚନ୍ଦନ ମହାରଣା କୌଣସି ଅପରାଧରେ ଜଡିତ ନାହାନ୍ତି । ପୁଲିସ ଭୁଲ ଠିକଣାରେ କୋର୍ଟରୁ ସମନ ପାଇ ଚନ୍ଦନକୁ ଗିରଫ କରିଥିବା ପରିବାର ଲୋକେ ଅଭିଯୋଗ କରିଛନ୍ତି । କାଠ କାମ କରି ପରିବାର ପୋଷୁ ଥିବା ଚନ୍ଦନ ସାତ ଦିନ ହେବ ଜେଲ୍‌ର ଚାରିକାନ୍ଥ ଭିତରେ ଯନ୍ତ୍ରଣାରେ ଛଟପଟ ହେଉଥିବା ଅଭିଯୋଗ ହୋଇଛି । ତେବେ ଚନ୍ଦନକୁ ଖଲାସ କରିବା ସହ ତାଙ୍କ ପରିବାରକୁ ନ୍ୟାୟ ପ୍ରଦାନ କରିବା ପାଇଁ ଦାବି କରିଛନ୍ତି । ଏହି ଘଟଣା ପାଇଁ ଯେଉଁ ପୁଲିସ ଅଫିସର ଦାୟୀ ତାଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି ହୋଇଛି ।

ଗତ ୨୦୧୩ ମସିହାରେ ଏକ ଅପରାଧିକ ମାମଲାରେ ଶିଖରପୁର ଅଞ୍ଚଳର ଚନ୍ଦନ ମହାରଣା ସମ୍ପୃକ୍ତ ଥିଲେ । ହେଲେ ତାଙ୍କୁ ଗିରଫ କରିବା ପରିବର୍ତ୍ତେ ଭୁଲ ଠିକଣାରେ କୋର୍ଟଙ୍କ ସମନ ପହଞ୍ଚିଥିଲା ଲାଲବାଗ ଥାନାରେ । ଆଉ କୋର୍ଟର ସମନ ମିଳିବା ପରେ ଏହାକୁ କାର୍ଯ୍ୟକାରୀ କରିବା ଫଳସ୍ବରୂପ ଚାନ୍ଦିନୀଚୌକର ଚନ୍ଦନ ମହାରଣାଙ୍କୁ ପୁଲିସ ଗିରଫ କରିଛି । ତେବେ ଏହି ଘଟଣାର ପ୍ରକୃତ ରହସ୍ୟ କଣ ସେନେଇ ଜୋନ୍‌ ଏ.ସି.ପି ତଦନ୍ତ ଆରମ୍ଭ କରିଛନ୍ତି । ରିପୋର୍ଟ ଆସିବା ପରେ ଯଦି ଅଭିଯୋଗ ସତ ହୁଏ ତେବେ ଚନ୍ଦନଙ୍କୁ ମୁକୁଳାଇବା ପାଇଁ ପୁଲିସ କୋର୍ଟରେ ନିବେଦନ କରିବ ବୋଲି କହିଛନ୍ତି ଡିସିପି ।

ପୂର୍ବରୁ ମଧୁପାଟଣା ଥାନାର ଏକ ମାମଲାରେ ଜଣେ ନୀରିହଙ୍କୁ ଭୁଲରେ ଜେଲ୍‌ର ଚାରିକାନ୍ଥ ଦେଖାଇଥିଲା ପୁଲିସ । ତେବେ ପ୍ରଶ୍ନ ଉଠୁଛି ପୁଲିସ ଗିରଫ କରିବା ପରେ କାହିଁକି ସଠିକ୍ ତଦନ୍ତ ନକରି ଜେଲ୍‌କୁ ପଠାଉଛି, ଯାହା ଫଳରେ ଏଭଳି ନୀରିହ ଲୋକେ ଅଭିଯୁକ୍ତ ହୋଇଯାଉଛନ୍ତି ।

   Related Posts