ଯାଜପୁର, ୧୩/୦୯: ପାଣିକୋଇଲି ଥାନା ମିର୍ଜାପୁର ନିକଟରୁ ୨ ଯୁବକଙ୍କ ମୃତଦେହ ମିଳିବା ଘଟଣାରେ ତଦନ୍ତ ଜାରି ରଖିଥିଲା ପୋଲିସ୍। ମାତ୍ର କିଛିଦିନ ଭିତରେ ପୋଲିସ୍ ଘଟଣାର ପର୍ଦ୍ଦାଫାଶ କରିଛି । କିନ୍ନରଙ୍କ ସହ ଗଣ୍ଡଗୋଳକୁ ନେଇ ୨ ଯୁବକଙ୍କୁ ହତ୍ୟା କରାଯାଇଥିବା ପୋଲିସ୍ ପକ୍ଷରୁ ସ୍ପଷ୍ଟ କରାଯାଇଛି । ହତ୍ୟାକାଣ୍ଡରେ ସମ୍ପୃକ୍ତ ୨ ଜଣ କିନ୍ନର ଓ ଜଣେ ନାବାଳକ ସମେତ ମୋଟ ୭ ଜଣଙ୍କୁ ଗିରଫ କରିଛି ପୋଲିସ।
ଆଜି ସନ୍ଧ୍ୟାରେ ସେମାନଙ୍କୁ କୋର୍ଟ ଚାଲାଣ କରାଯିବ। ଗତ ସେପ୍ଟେମ୍ବର ୩ ତାରିଖ ଦିନ ସକାଳୁ ୧୬ ନଂ ଜାତୀୟ ରାଜପଥ କଡ ଏକ ନିର୍ମାଣାଧୀନ ବ୍ରିଜ୍ ଉପରୁ ୨ ଜଣ ଯୁବକଙ୍କ କ୍ଷତାକ୍ତ ମୃତଦେହ ଉଦ୍ଧାର ହୋଇଥିଲା ।
