ପାଟଣା, ୧୫/୦୪: କେନ୍ଦୁଝର ଜିଲ୍ଲା ପାଟଣା ଥାନା ଅଶନବାହାଳୀ ଗ୍ରାମର ୨ଜଣ ବ୍ୟକ୍ତି ଓ ମିରିଗିଖୋଜି ଗ୍ରାମର ଜଣେ ବ୍ୟକ୍ତିଙ୍କୁ ଗୁରୁବାର ଗିରଫ କରି କୋର୍ଟ ଚାଲାଣ କରିଛି ପାଟଣା ପୋଲିସ । ଗିରଫ ବ୍ୟକ୍ତି ହେଲେ ଅସନବାହାଳି ଗ୍ରାମର ପ୍ରଦୀପ କୁମାର ମହାନ୍ତ( ୪୬), କାଳୀ ଚରଣ ମହାନ୍ତ( ୪୫) ଓ ମିରିଗିଖୋଜି ଗ୍ରାମର ଶୁକ ଦେବ ମହାନ୍ତ( ୩୦) ।
ଅଭିଯୋଗ ଅନୁଯାୟୀ ଉକ୍ତ ଗ୍ରାମରେ ଉଠା ଜଳ ସେଚନ ପ୍ରକଳ୍ପରେ ନୂତନ ପାଇପ ସଂଯୋଗ ପାଇଁ ପାଇପ ଆଣି ରଖା ଯାଇଥିବା ବେଳେ ଗତ ଗୁରୁବାର ୧୩ ପାଇପ ଚୋରି ହୋଇଥିବାର ଅଭିଯୋଗ ହୋଇଥିଲା । ପାଣି ପଞ୍ଚାୟତ ସଭାପତି ଗତ କାଲି ପାଟଣା ଥାନାରେ ଏନେଇ ଅଭିଯୋଗ କରିଥିଲେ । ଏନେଇ ପାଟଣା ଥାନା ଏସ. ଆଇ ଶିବଶଙ୍କର ଆଲଦା ଏକ ମାମଲା ରୁଜୁ କରି ଅଭିଯୁକ୍ତଙ୍କୁ ଗିରଫ କରିକୋର୍ଟ ଚାଲାଣ କରିଛି ପୋଲିସ୍ ।
