Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୋକିଓ ଅଲିମ୍ପିକ୍ସ: ୪୧ ବର୍ଷ ପରେ କ୍ଵାର୍ଟର ଫାଇନାଲ୍‌ରେ ଭାରତୀୟ ମହିଳା ହକି ଦଳ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୧୮୯୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ଡିସଚାର୍ଜ, ଜାଣନ୍ତୁ କେଉଁ ଜିଲ୍ଲାରୁ କେତେ ସୁସ୍ଥ
  • ||
  • ଭୁବନେଶ୍ବରରୁ ଦିନକରେ ୩୫୪ କରୋନା ଆକ୍ରାନ୍ତ ଚିହ୍ନଟ, ୨୩୯ ସୁସ୍ଥ
  • ||
  • ଭାରତ-ଚୀନ ମଧ୍ୟରେ ଥମିବ କି ବିବାଦ ! ୯ ଘଣ୍ଟା ଧରି ଚାଲିଲା ୧୨ତମ ବୈଠକ, ଗୋଗରା-ହଟ୍ ସ୍ପ୍ରିଙ୍ଗରୁ ସୈନ୍ୟ ପ୍ରତ୍ୟାହାର ଉପରେ ଜୋର
  • ||
  • ଜେଲ୍‌ ଗଲେ କୋଟିପତି ପିଏସ୍‌ ବିରଞ୍ଚି ସାହୁ
  • ||
  • ସେମି ଫାଇନାଲରେ ହାରିଲେ ସିନ୍ଧୁ, ଧୂଳିସାତ ହେଲା ସ୍ଵର୍ଣ୍ଣ ପଦକ ଆଶା, ଏବେ କାଂସ୍ୟ ଉପରେ ନଜର
  • ||
  • ସରକାରୀ-ବେସରକାରୀ ସ୍ବିମିଂ ପୁଲ ଖୋଲିବ
  • ||
  • ମୀନା ବଜାର ଖୋଲାଯାଇପାରିବ
  • ||
  • ଭୋଜିଭାତ ଉପରେ ପୂର୍ବବତ କଟକଣା ରହିବ
  • ||
  • ବିବାହରେ ୨୫, ଶୁଦ୍ଧିକ୍ରିୟାରେ ୨୦ ଜଣଙ୍କୁ ଅନୁମତି
  • ||

POK ମେଡିକାଲ କଲେଜର ଡିଗ୍ରି ଭାରତରେ ମାନ୍ୟ ନୁହେଁ :MCI

12/08/2020 at 10:33 PM

ନୂଆଦିଲ୍ଲୀ ୧୨।୮: ପାକ୍ ଅଧିକୃତ ଜମ୍ମୁ-କାଶ୍ମୀର ମେଡିକାଲ କଲେଜର ଡିଗ୍ରି ଭାରତରେ ମାନ୍ୟ ନୁହେଁ। ମେଡିକାଲ କାଉନସିଲ ଅଫ ଇଣ୍ଡିଆ (ଏମସିଆଇ) ବୁଧବାର ଏକ ପବ୍ଲିକ ନୋଟିସ୍‌ରେ ଏହି ସୂଚନା ଦେଇଛନ୍ତି। ଦେଶର ଏହି କ୍ଷେତ୍ରରେ ପଢିଥିବା ଛାତ୍ରଛାତ୍ରୀଙ୍କୁ ମେଡିକାଲ ପ୍ରାକ୍ଟିସ ଦିଆଯିବ କି ନା ସେ ସମ୍ପର୍କିତ ଜମ୍ମୁ-କାଶ୍ମୀର ହାଇକୋର୍ଟଙ୍କ ନିର୍ଦ୍ଦେଶ ଆଧାରରେ ଏମସିଆଇ ଏହି ସୂଚନା ଜାରି କରିଛନ୍ତି।

ଏହି କଲେଜରୁ ମେଡିକାଲ ଡିଗ୍ରି ହାସଲ କରିଥିବା ଜନୈକା ଛାତ୍ରୀଙ୍କୁ ବିଦେଶରୁ ମେଡିକାଲ ଡିଗ୍ରି ହାସଲ କରିଥିବା ଡାକ୍ତରଙ୍କ ପରୀକ୍ଷାରେ ବସିବାକୁ ଅନୁମତି ଦିଆଯାଇନଥିଲା। ଏହା ବିରୋଧରେ ଛାତ୍ରୀ ୨୦୧୯ ମସିହାରେ କୋର୍ଟଙ୍କ ଦ୍ୱାରସ୍ଥ ହୋଇଥିବା ବେଳେ ଏମସିଆଇ ନୀତି ସ୍ପଷ୍ଟ କରିଦେଇଛନ୍ତି। ଏମସିଆଇଙ୍କ ସୂଚନା ଅନୁସାରେ କେନ୍ଦ୍ର ଶାସିତ ଜମ୍ମୁ-କାଶ୍ମୀର ଓ ଲଦ୍ଦାଖ ସମେତ ସମ୍ପୂର୍ଣ୍ଣ ଅଂଶ ଭାରତର ଅଭିନ୍ନ ଅଂଶ। ଏଣୁ ଏହି କ୍ଷେତ୍ରର ଯେ କୌଣସି ଶିକ୍ଷାନୁଷ୍ଠାନ ଲାଗି ଭାରତ ସରକାରଙ୍କ ସ୍ୱୀକୃତ ସଂସ୍ଥାନଙ୍କ ମଞ୍ଜୁରି ଜରୁରି।

ସେହି ଅନୁସାରେ ଏମସିଆଇ ପିଓଜେକେଏଲର କୌଣସି ମେଡିକାଲ କଲେଜ ମେଡିକାଲ କାଉନସିଲ ଆକ୍ଟ ୧୯୫୬ ଅନୁସାରେ ମାନ୍ୟତା ନେବାକୁ ବାଧ୍ୟ। ତେବେ ସମ୍ପୃକ୍ତ କ୍ଷେତ୍ରରେ କୌଣସି ଶିକ୍ଷଣାନୁଷ୍ଠାନ ଏ ନେଇ ଏମସିଆଇଙ୍କ ସହ ଅନୁବନ୍ଧିତ ନୁହନ୍ତି କି ଏଥିଲାଗି କାହାରିକୁ ପ୍ରାଧିକୃତ କରାଯାଇ ନାହିଁ।  ଏଣୁ ଏଭଳି କଲେଜମାନଙ୍କରୁ ଡାକ୍ତରୀ ଡିଗ୍ରି ହାସଲ କରିଥିବା ଛାତ୍ରଛାତ୍ରୀଙ୍କୁ ଭାରତରେ ଡାକ୍ତରୀ ପ୍ରାକ୍ଟିସ୍ ଲାଗି ଅନୁମତି ଦେବାର ପ୍ରାବଧାନ ନାହିଁ। ଏଣୁ ଭାରତରେ ବିଦେଶୀଙ୍କ ଲାଗି ଆୟୋଜିତ ପରୀକ୍ଷାରେ ଏପରି ସଂସ୍ଥାଙ୍କ ଛାତ୍ରଛାତ୍ରୀଙ୍କୁ ବସିବାର ଅନୁମତି ଦିଆଯାଇ ପାରିବ ନାହିଁ ବୋଲି ସ୍ପଷ୍ଟ କରିଦେଇଛନ୍ତି।

   Related Posts