ଚନ୍ଦାହାଣ୍ଡି, ୦୩|୦୭ : ବିଷାକ୍ତ ଛତୁ ଖାଇ ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ଦଳବେତା ପଞ୍ଚାୟକ ବନାମହୁଲ ଗ୍ରାମର ଦୁଇଟି ପରିବାରର ୮ଜଣ ଅସୁସ୍ଥ ହୋଇଛନ୍ତି । ଏମାନଙ୍କ ମଧ୍ୟରୁ ୫ଜଣଙ୍କ ଅବସ୍ଥା ଗୁରୁତର ରହିଛି ।
ଅସୁସ୍ଥମାନେ ହେଲେ କେଶରୀ, ପଦ୍ମା, ଲଳିତା, ଗୋରୀ, ରଣେନ୍ଦ୍ର, ପଦ୍ମିନୀ, ଯମୁନା ଓ ଦେମନି । ସମସ୍ତଙ୍କୁ ଚନ୍ଦାହାଣ୍ଡି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ତେବେ ସମସ୍ତଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଛି ।
ସୂଚନାନୁସାରେ, ଏହି ଦୁଇଟି ପରିବାର ନିକଟସ୍ଥ ଜଙ୍ଗଲରୁ ପାଳଛତୁ ତୋଳିବାକୁ ଯାଇଥିଲେ । ଏହାକୁ ଆଣି ଘରେ ରୋଷେଇ କରିଥିଲେ । ତେବେ ଖାଇବା ପରେ ସମସ୍ତଙ୍କ ଝାଡାବାନ୍ତି ହେବା ସହ ମୁଣ୍ଡ ବୁଲାଇଥିଲା । ସେମାନଙ୍କୁ ତୁରନ୍ତ ଚନ୍ଦାହାଣ୍ଡି ମେଡିକାଲରେ ଭର୍ତ୍ତି କରାଯାଇଥିଲା ।
