Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ବଣ୍ଟନ ପାଇଁ ୨୧ ଜଣିଆ ପରିଚାଳନା କମିଟି ଗଠନ, ସ୍ଵାସ୍ଥ୍ୟ ବିଭାଗର ନିର୍ଦ୍ଦେଶକ ହେଲେ ଅଧ୍ୟକ୍ଷ
  • ||
  • ୯୦ ପ୍ରତିଶତ ନଷ୍ଟ ହୋଇ ସାରିଥିଲା କରୋନା ସଂକ୍ରମିତ ବ୍ୟକ୍ତିଙ୍କ ଫୁସ୍‌ଫୁସ୍, ଇକମୋ ପଦ୍ଧତିରେ ସୁସ୍ଥ କଲେ ସମ୍ ଡାକ୍ତର
  • ||
  • ଦ୍ଵିତୀୟ ଲହର ସଂକ୍ରମଣର ଆଶଙ୍କା ନାହିଁ, ସୁସ୍ଥ ହୋଇ ଘରକୁ ଫେରିଲେ ୬୦୫ ଆକ୍ରାନ୍ତ
  • ||
  • ଡିସେମ୍ବର ୮ରେ କୃଷକଙ୍କ ଭାରତ ବନ୍ଦ ଡାକରା, ରାଜ୍ୟ କଂଗ୍ରେସର ସମର୍ଥନ ଘୋଷଣା
  • ||
  • ପଞ୍ଚମ ପର୍ଯ୍ୟାୟ କୃଷକ-ସରକାରଙ୍କ ଆଲୋଚନା ବିଫଳ, ଡିସେମ୍ବର ୯’ରେ ପୁଣି ବୈଠକ
  • ||
  • ସାଲେପୁର : ଷଣ୍ଢକୁ ଧକ୍କା ଦେବା ପରେ ହୁତୁ ହୁତୁ ହୋଇ ଜଳିଲା କାର୍, ଅଳ୍ପକେ ବର୍ତ୍ତିଲେ ୪ ଜଣ
  • ||
  • ଭୁବନେଶ୍ବର : ‘ପରୀ’ ହତ୍ୟାକାରୀକୁ ଧରାଇଦେଲେ ମିଳିବ ଲକ୍ଷେ ଟଙ୍କା
  • ||
  • ନୟାଗଡ : ଘର ବାଡିପଟୁ ମିଳିଲା ବୃଦ୍ଧଙ୍କ ମୃତଦେହ, ମୁଣ୍ଡ ଏବଂ ମୁହଁରେ ରହିଛି କ୍ଷତଚିହ୍ନ, ହତ୍ୟା ସନ୍ଦେହ
  • ||
  • ଯାଜପୁର : ଭୟାବହ ଅଗ୍ନିକାଣ୍ଡ, ୧୨ ବଖରା ଘର ସହ ଜଳିଗଲା ଲକ୍ଷାଧିକ ଟଙ୍କାର ସୁନା ଗହଣା
  • ||
  • ଢେଙ୍କାନାଳ : ବାଇକ୍‌କୁ ଧକ୍କା ଦେଲା କାର୍, ଆରୋହୀ ପିଟିହେଲେ ଟ୍ରକ୍‌ରେ, ଚାଲିଗଲା ଜୀବନ
  • ||

ଲକଡାଉନ୍ ନିଷ୍ପତି ଶନିବାର, ଦିନ ୧୧ଟାରେ ସବୁରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିବେ ପ୍ରଧାନମନ୍ତ୍ରୀ

10/04/2020 at 6:28 PM

ନୂଆଦିଲ୍ଲୀ ୧୦।୪:  ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ଭିଡିଓ କନଫରେନସିଂ ମାଧ୍ୟମରେ  ବିଭିନ୍ନ କେନ୍ଦ୍ର ଶାସିତ ଓ ରାଜ୍ୟର ମୁଖ୍ୟନ୍ତ୍ରୀଙ୍କ ସହ ଆଲୋଚନା କରିବେ। ପୂର୍ବାହ୍ନ ୧୧ଟା ବେଳେ ହେବାକୁ ଥିବା ଏହି ବୈଠକରେ ଦେଶରେ କରୋନା ଯୋଗୁ ଜାରି ଲକଡାଉନ୍‌ ସମ୍ପର୍କରେ ନିଷ୍ପତ୍ତି ହେବ।

ଦେଶରେ ଏବେ ୨୧ ଦିନିଆ ଲକଡାଉନ୍‌ ଜାରି ରହିଛି। ଗତ ମାର୍ଚ୍ଚ ୨୫ ତାରିଖରେ ଜାରି ହୋଇଥିବା ଏହି ଲକଡାଉନର ଅବଧି ଆସନ୍ତା ୧୪ ତାରିଖରେ ସମାପ୍ତ ହେବ। ତେବେ ଏହାର ସମ୍ପ୍ରସାରଣ ନେଇ ବୈଠକରେ ଚୂଡାନ୍ତ ନିଷ୍ପତ୍ତି ହେବ ବୋଲି ଅନୁମାନ କରାଯାଉଛି। ଭିଡିଓ କନଫରେନସିଂରେ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ପ୍ରଧାନମନ୍ତ୍ରୀଙ୍କର ଏହା ଦ୍ୱିତୀୟ ବୈଠକ । ପୂର୍ବ ବୈଠକରେ ମୁଖ୍ୟମନ୍ତ୍ରୀମାନଙ୍କୁ ଲକଡାଉନ୍ ହଟାଇବା ଲାଗି ଏକ ‘ କମନ ଏକଜିଟ୍ ଷ୍ଟ୍ରାଟେଜି’ ନିର୍ଦ୍ଧାରଣ ନିମନ୍ତେ ପ୍ରଧାନମନ୍ତ୍ରୀ କହିଥିଲେ।  

ଏଥିରେ କେରଳ ରାଜ୍ୟ ସରକାର ମଙ୍ଗଳବାର କେନ୍ଦ୍ରକୁ ଏକ ପ୍ରସ୍ତାବ ଦେଇଥିବା ବେଳେ ସାରା ଦେଶରୁ ଏକକାଳୀନ ଲକଡାଉନ୍ ନ ହଟାଇବାକୁ ନିବେଦନ କରିଛନ୍ତି। ଏଥିରେ ଦେଶରୁ ୩ଟି ପର୍ଯ୍ୟାୟରେ ଲକଡାଉନ ହଟାଇବାକୁ କେରଳ ସରକାର ପ୍ରସ୍ତାବ ଦେଇଥିବା ବେଳେ ଅନ୍ୟ ରାଜ୍ୟର ମୁଖ୍ୟମନ୍ତ୍ରୀଙ୍କ ବିଚାର ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରସଙ୍ଗରେ ବିଭିନ୍ନ ବିରୋଧୀ ଦଳ ନେତାଙ୍କ ସହ ମଧ୍ୟ ଟେଲିଫୋନ ବାର୍ତ୍ତାଳାପ କରିଛନ୍ତି। ତେବେ ଏହା ଏକ ସାମାଜିକ ଜରୁରିକାଳୀନ ପରିସ୍ଥିତି ଭଳି ହୋଇଥିବାରୁ ଏଥିପ୍ରତି ଏବେ ସରକାର ଖୁବ୍ ସମ୍ବେଦନଶୀଳ ଥିବା ପ୍ରଧାନମନ୍ତ୍ରୀ କହିଥିଲେ।

ଏଣୁ ଗତ ବୁଧବାର ପ୍ରଧାନମନ୍ତ୍ରୀ ଭିଡିଓ କନଫରେନସିଂରେ ଆହ୍ୱାନ କରିଥିବା ବୈଠକରେ ବିସ୍ତୃତ ଚର୍ଚ୍ଚା କରାଯାଇଥିବା ବେଳେ କୋଭିଡ-୧୯ ନେଇ ରାଜ୍ୟ, ଜିଲ୍ଲା ପ୍ରଶାସନ ଓ ବିଶେଷଜ୍ଞଙ୍କ ମତାମତ ମଧ୍ୟ ନିଆଯିବ ବୋଲି କହିଥିଲେ। ଗୁରୁବାର ସ୍ୱାସ୍ଥ୍ୟମନ୍ତ୍ରାଳୟ ୟୁଗ୍ମ ସଚିବ ଲବ ଅଗ୍ରୱାଲ କରୋନା ସଂକ୍ରମଣ ଏବେବି ଦେଶରେ ଦ୍ୱିତୀୟ ପର୍ଯ୍ୟାୟରେ ଥିବା ଆଇସିଏମଆର ସୂତ୍ରକୁ ଆଧାର କରି କହିଛନ୍ତି। ଏପର୍ଯ୍ୟନ୍ତ ଦେଶର କୌଣସି ଠାରେ ସାମୂହିକ ସଂକ୍ରମଣର ଅଭିଯୋଗ ମିଳିନଥିବା ଅଗ୍ରୱାଲ କହିଥିବା ବେଳେ ଏଥିପ୍ରତି ସରକାର ଓ ମନ୍ତ୍ରାଳୟ ତୀକ୍ଷ୍ମ ନଜର ରଖିଥିବା କହିଛନ୍ତି। ଯଦି କୌଣସି ସ୍ଥାନରେ ଏଭଳି ପରିସ୍ଥିତି ଉପୁଜେ ତେବେ ସରକାର ଲୋକଙ୍କୁ ଆଗୁଆ ସତର୍କ କରିବେ ବୋଲି ଅଗ୍ରୱାଲ କହିଛନ୍ତି।

ଗୁରୁବାର ସାରା ଦେଶରେ ୧୬ ହଜାର ୨ଟି ନମୁନାର ପରୀକ୍ଷଣ ହୋଇଥିଲା। ଏଥିରୁ ୩୦୪ଟି ନମୁନା ପଜେଟିଭ ବାହାରିଛି। ଅର୍ଥାତ ସଂକ୍ରମଣ ହାର ୨ ପ୍ରତିଶତ ରହିଛି। ସେହିପରି ଗୁରୁତର ଓ ନିଶ୍ୱାସ ପ୍ରଶ୍ୱାସ ନେବାରେ କଷ୍ଟ ଅନୁଭବ କରୁଥିବା ଲୋକଙ୍କ କ୍ଷେତ୍ରରେ ୧.୮ ପ୍ରତିଶତ ମାମଲା ପଜେଟିଭ ଆସିଥିବା ୟୁଗ୍ମ ସଚିବ କହିଛନ୍ତି।  

   Related Posts