Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଇପିଏଲ ୨୦୨୧ରେ ଉଡିଲା ଚେନ୍ନାଇର ବିଜୟ ବାନା, କେକେଆରକୁ ୨୭ ରନରେ ହରାଇ ଚତୁର୍ଥ ଥର ଚାମ୍ପିଅନ
  • ||
  • ପଞ୍ଜାବ କଂଗ୍ରେସର ଅଧିନାୟକ ରହିବେ ସିଦ୍ଧୁ, ରାହୁଲଙ୍କୁ ଭେଟିବା ପରେ ଫେରାଇ ନେଲେ ଇସ୍ତଫା ପତ୍ର
  • ||
  • ସିଙ୍ଘୁ ବର୍ଡରରେ ଜଣେ ନିହଙ୍ଗଙ୍କ ଆତ୍ମ ସମର୍ପଣ, ଯୁବକଙ୍କ ହତ୍ୟାର ୧୫ ଘଣ୍ଟା ପରେ ସାମ୍ନାକୁ ଆସିଲା ପ୍ରଥମ ଅଭିଯୁକ୍ତ
  • ||
  • ପଣ୍ଡାଲ ଉପରେ ହୋଇଥିବା ଆକ୍ରମଣ ମଧ୍ୟରେ ବାଂଲାଦେଶ ପ୍ରଧାନମନ୍ତ୍ରୀ ଭାରତକୁ ଦେଲେ ଏହି ପରାମର୍ଶ
  • ||
  • ପୁଞ୍ଛରେ ଯବାନ-ଆତଙ୍କବାଦୀ ମୁହାଁମୁହିଁ, ୫ଦିନରେ ୭ ଯବାନ ସହିଦ: ରାଜପଥ ବନ୍ଦ, ଅପରେସନ୍ ଜାରି
  • ||
  • ଅକ୍ଟୋବର ୨୧ରୁ ଏକାଦଶ, ୨୫ରୁ ଖୋଲିବ ଅଷ୍ଟମ ଶ୍ରେଣୀ: ଗଣଶିକ୍ଷା ମନ୍ତ୍ରୀ
  • ||
  • ୨୫୦ ଲିଟର ଦେଶୀ ମଦ ଜବତ, ୫ ଗିରଫ
  • ||
  • ଅଭାବନୀୟ ଘଟଣା: ଯୁବକଙ୍କ ଗଳା କାଟି ବିଭତ୍ସ ହତ୍ୟା, କାରଣ ଅସ୍ପଷ୍ଟ
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ : ଘଉଡାଇଲା ବେଳେ ଅଳ୍ପକେ ବର୍ତ୍ତିଲେ ଚାଷୀ
  • ||
  • ସାଇକେଲରେ ଯାଉଥିଲେ କକା-ପୁତୁରା, ଟାଣି ଆଣି ଦଳିଦେଲା ହାତୀ
  • ||

ଅପରାହ୍ନ ୩ଟା ରେ ଜାମ୍ମୁ କାଶ୍ମୀର ନେତାଙ୍କ ସହ ପ୍ରଧାନମନ୍ତ୍ରୀ ମୋଦିଙ୍କ ବୈଠକ: କାଶ୍ମୀରରେ ପଣ୍ଡିତଙ୍କ ବିରୋଧ ପ୍ରଦର୍ଶନ

24/06/2021 at 2:28 PM

ନୂଆଦିଲ୍ଲୀ ୨୪/୦୬ : ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ୱରେ ଆଜି ଜାମ୍ମୁ କାଶ୍ମୀରରେ ସର୍ବଦଳୀୟ ବୈଠକ ବସିବ। ଏହି ବୈଠକରେ ଜାମ୍ମୁ କାଶ୍ମୀରର ୮ ରାଜନୈତିକ ଦଳର ୧୪ ନେତା ସାମିଲ ହେବେ। ଏଥିପାଇଁ ଜାମ୍ମୁ କାଶ୍ମୀର ଓ ଏଲଓସିରେ ୪୮ ଘଣ୍ଟା ଆଲର୍ଟ ଜାରି କରାଯାଇଛି। ଏହା ପୂର୍ବରୁ ପ୍ରଧାନମନ୍ତ୍ରୀଙ୍କ ସହ ଗୃହ ମନ୍ତ୍ରୀ ଅମିତ ଶାହ ଓ ଏନଏସଏ ଅଜିତ ଡୋଭାଲଙ୍କ ବୈଠକ ଶେଷ ହୋଇଛି। ଉଭୟ ପ୍ରଧାନମନ୍ତ୍ରୀ ଆବାସରୁ ବାହାରି ଯାଇଛନ୍ତି। ଅପରାହ୍ନ ୩ଟା ରେ କାଶ୍ମୀର ନେତାଙ୍କ ସହ ପ୍ରଧାନମନ୍ତ୍ରୀ ଆବାସରେ ବୈଠକ ହେବ। ଏହି ବୈଠକରେ ଅମିତ ଶାହ ଓ ଅଜିତ ଡୋଭାଲ ମଧ୍ୟ ସାମିଲ ହେବେ।

ପ୍ରଧାନମନ୍ତ୍ରୀଙ୍କ ସହ ବୈଠକ ପୂର୍ବତୁ ସିପିଆଇ-ଏମ ନେତା ୟୁସୁଫ ତାରିଗମି କହିଛନ୍ତି ଯେ, ‘ଏଠାରେ ବିଧାନସଭା ନିର୍ବାଚନ କରାଇବାକୁ କିଏ ରୋକିଛି ? ଆମ ଲୋକଙ୍କ ସାମ୍ନାରେ ଏକ ସମସ୍ୟା ଅଛି ଯେ ହୁଏତ ଆମେ ପରସ୍ପର ଉପରେ ରାଗିଥାଉ କିନ୍ତୁ ଆମେ ଅଲଗା ହେବାକୁ ଚାହୁଁନାହୁଁ। ସରକାର କାହାକୁ ନ ପଚାରି କେନ୍ଦ୍ର ଶାସିତ ପ୍ରଦେଶରେ ବଦଳାଇଦେଲେ ଓ ସମସ୍ତଙ୍କୁ ବାଣ୍ଟିଦେଲେ।’

ଅପରପକ୍ଷରେ କାଶ୍ମିରୀ ପଣ୍ଡିତ ପ୍ରଧାନମନ୍ତ୍ରୀଙ୍କ ବୈଠକ ବିରୋଧରେ ଏକଜୁଟ ହୋଇଛନ୍ତି। କାଶ୍ମିରୀ ପଣ୍ଡିତଙ୍କ ସଂଗଠନ ଅଲ ଇଣ୍ଡିଆ ୟୁଥ କାଶ୍ମିରୀ ସମାଜର କାର୍ଯ୍ୟକର୍ତ୍ତା ଜାମ୍ମୁରେ ଏହି ବୈଠକ ବିରୋଧରେ ପ୍ରଦର୍ଶନ କରିଛନ୍ତି ଓ ନାରାବାଜି କରିଛନ୍ତି। କାଶ୍ମିରୀ ପଣ୍ଡିତ ଆରୋପ ଲଗାଇଛନ୍ତି ଯେ ଗତ ୩ ଦଶକ ଧରି ଜାମ୍ମୁ କାଶ୍ମୀରର ବିଭିନ୍ନ ରାଜନୈତିକ ଦଳ ସେମାନଙ୍କୁ ତିରସ୍କାର କରିଛନ୍ତି ଓ ସେମାନଙ୍କୁ ରାଜନୈତିକ ମୋହରା ଭଳି ବ୍ୟବହାର କରିଛନ୍ତି।

ଜାମ୍ମୁ କାଶ୍ମୀରର କଂଗ୍ରେସ ନେତା ମୋଦି ସହ ସର୍ବଦଳୀୟ ବୈଠକ ପୂର୍ବରୁ ବରିଷ୍ଠ କଂଗ୍ରେସ ନେତା ଓ ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଗୁଲାମ ନବୀ ଆଜାଦଙ୍କ ସହ ତାଙ୍କ ବାସଭବନରେ ସାକ୍ଷାତ କରିଥିଲେ। କଂଗ୍ରେସର ୩ ନେତା ଗୁଲାମ ନବୀ ଆଜାଦ, ଗୁଲାମ ମହମ୍ମଦ ମିତ୍ର ଓ ତାରାଚାନ୍ଦ ସର୍ବଦଳୀୟ ବୈଠକରେ ସାମିଲ ହେବେ।

   Related Posts