Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯୁକ୍ତ ୨ କଲେଜ୍ ଖୋଲିବାକୁ ପ୍ରସ୍ତୁତି ! ବିଶୋଧନ ଓ ସଫା କରି କ୍ଲାସ୍ ରୁମ୍ ପ୍ରସ୍ତୁତ କରିବାକୁ ଉଚ୍ଚ ଶିକ୍ଷା ବିଭାଗର ନିର୍ଦ୍ଦେଶ
  • ||
  • କମିବାରେ ଲାଗିଛି କରୋନା ସଂକ୍ରମଣ, ଆଜି ସୁସ୍ଥ ହୋଇ ଘରକୁ ଫେରିଲେ ୬୪୨ ଆକ୍ରାନ୍ତ
  • ||
  • ଫ୍ରାନ୍ସରେ ବିଜୟ ମାଲ୍ୟାଙ୍କ ବିରୋଧରେ EDଙ୍କ ବଡ କାର୍ଯ୍ୟାନୁଷ୍ଠାନ, ଜବତ ହେଲା ୧.୬ ମିଲିୟନ ୟୁରୋ ସମ୍ପତ୍ତି
  • ||
  • ଡିସେମ୍ବର ୮ରେ ଭାରତ ବନ୍ଦ ଡାକରା ଦେଲା କୃଷକ ସଂଗଠନ
  • ||
  • ପ୍ରଥମ ଟି-୨୦ରେ କଙ୍ଗାରୁ ଚିତ୍, ଚମକିଲେ ଭାରତୀୟ ବୋଲର, ଅଷ୍ଟ୍ରେଲିଆକୁ ୧୧ ରନରେ ହରାଇଲା ବିରାଟ ବାହିନୀ
  • ||
  • ୪ କ୍ବିଣ୍ଟାଲ ୬୦ କେଜି ଚନ୍ଦନ କାଠ ଜବତ: ଆନୁମାନିକ ମୂଲ୍ୟ ୭୦ ଲକ୍ଷ ଟଙ୍କାରୁ ଅଧିକ
  • ||
  • ଜଳେଶ୍ବର: ବିଶାଖା ଏଗ୍ରୋ ସୋରୁମ୍ ଆଗରେ ଚାଷୀମାନଙ୍କ ପକ୍ଷରୁ ଆମରଣ ଅନଶନ
  • ||
  • ଅପରାହ୍ନରେ ସ୍ଥଳଭାଗ ଛୁଇଁବ ‘ବୁରେଭି’ : କେରଳ-ତାମିଲନାଡୁର କିଛି ଜିଲ୍ଲାରେ ଛୁଟି ଘୋଷଣା, ବିମାନବନ୍ଦର ବନ୍ଦ
  • ||
  • ଜଗତପୁର : ଧାନ କଟାଳୀଙ୍କୁ ଶୁଣ୍ଢରେ କଚାଡି ମାରିଲା ହାତୀ
  • ||
  • ବାଲେଶ୍ବର ଓ ମୟୁରଭଞ୍ଜରେ ମୃଦୁ ଭୂକମ୍ପ ଝଟ୍‌କା ଅନୁଭୂତ
  • ||

ଅଯୋଧ୍ୟା ରାୟ ପୂର୍ବରୁ ନରେନ୍ଦ୍ର ମୋଦିଙ୍କ ଟ୍ୱିଟ୍, ଜାଣନ୍ତୁ କ’ଣ ଉଲ୍ଲେଖ କରିଛନ୍ତି ପ୍ରଧାନମନ୍ତ୍ରୀ

8/11/2019 at 10:35 PM

ନୂଆଦିଲ୍ଲୀ ୮।୧୧: ଶନିବାର ନଭେମ୍ବର ୯ ତାରିଖରେ ଅଯୋଧ୍ୟା ମାମଲାର ରାୟ ପ୍ରକାଶ କରିବେ ସୁପ୍ରିମକୋର୍ଟ। ଏଥିଲାଗି ସାରା ଦେଶରେ ଉତ୍କଣ୍ଠା ଲାଗି ରହିଥିବା ବେଳେ ପୂର୍ବ ସନ୍ଧ୍ୟାରେ ଦେଶବାସୀଙ୍କ ଉଦ୍ଦେଶ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ୱିଟ୍ ରେ ବାର୍ତ୍ତା ଜାରୀ କରିଛନ୍ତି। ଭାରତରେ ଅଯୋଧ୍ୟା ରାମ ଜନ୍ମଭୂମି ବିବାଦ ସବୁଠାରୁ ଦୀର୍ଘ ଆଇନଗତ ବିବାଦ ଭାବେ ବିବେଚିତ ହେଉଛି। ଏଥିରେ ସୁପ୍ରିମକୋର୍ଟଙ୍କ ରାୟ ପରିପ୍ରେକ୍ଷୀରେ ପ୍ରଧାନମନ୍ତ୍ରୀଙ୍କ ଟ୍ୱିଟ୍ କୁ ଏବେ ଗୁରୁତ୍ୱପୂର୍ଣ୍ଣ ମନେ କରାଯାଉଛି। ତେବେ ଆସନ୍ତୁ ଜାଣିବା କ’ଣ ଉଲ୍ଲେଖ କରିଛନ୍ତି ପ୍ରଧାନମନ୍ତ୍ରୀ।

ପ୍ରଧାନମନ୍ତ୍ରୀ ତାଙ୍କ ଟ୍ୱିଟ୍ ରେ ଶନିବାର ଅର୍ଥାତ ନଭେମ୍ବର ୯ ତାରିଖରେ ସୁପ୍ରିମକୋର୍ଟ ରାମଜନ୍ମଭୂମି-ବାବ୍ରି ମଜସିଦ୍ ମାମଲାର ରାୟ ପ୍ରକାଶ କରିବେ ବୋଲି ସ୍ପଷ୍ଟ କରିଦେଇଛନ୍ତି। ଏଥିଲାଗି ଗତ କିଛିମାସ ହେଲା ସୁପ୍ରିମକୋର୍ଟ ମାମଲାର ନିୟମିତ ଶୁଣାଣି କରୁଥିଲେ ବୋଲି ପ୍ରଧାନମନ୍ତ୍ରୀ ଉଲ୍ଲେଖ କରିଥିବା ବେଳେ ଏହାକୁ ସାରା ଦେଶ ଉତ୍ସୁକତାର ସହ ଦେଖୁଥିଲା। ଏଥିଲାଗି ସଦଭାବନାର ବାତାବରଣ କାୟମ ରଖିବା ନିମନ୍ତେ ସମାଜର ସବୁ ବର୍ଗରେ ହୋଇଥିବା ଉଦ୍ୟମକୁ ପ୍ରଧାନମନ୍ତ୍ରୀ ତାଙ୍କ ଟ୍ୱିଟ୍ ବାର୍ତ୍ତାରେ ଉଲ୍ଲେଖନୀୟ କହିଛନ୍ତି।

କେବଳ ସେତିକି ନୁହେଁ ଦେଶର ନ୍ୟାୟପାଳିକାକୁ ସମ୍ମାନ ଜଣାଇ ସମାଜର ସମସ୍ତ ପକ୍ଷ, ସାଂସ୍କୃତିକ ସଙ୍ଗଠନ ଓ ସମସ୍ତ ପକ୍ଷଧରମାନେ ସକରାତ୍ମକ ପରିବେଶ ସୃଷ୍ଟି ଲାଗି ଯେଉଁପ୍ରକାର ଉଦ୍ୟମ କରିଛନ୍ତି ତାହା ବାସ୍ତବିକ୍ ସ୍ୱାଗତଯୋଗ୍ୟ ବୋଲି ପ୍ରଧାନମନ୍ତ୍ରୀ ତାଙ୍କ ବାର୍ତ୍ତାରେ ଉଲ୍ଲେଖ କରିଛନ୍ତି। ତେବେ କୋର୍ଟଙ୍କ ରାୟ ପ୍ରକାଶ ପରେବି ଏହି ଶାନ୍ତି ଓ ସୌହାର୍ଦ୍ଦ୍ୟ ଆମେ କାୟମ ରଖିବା ବୋଲି କହିଛନ୍ତି ପ୍ରଧାନମନ୍ତ୍ରୀ। 

ସେହିପରି ଅଯୋଧ୍ୟା ପ୍ରସଙ୍ଗରେ ସୁପ୍ରିମକୋର୍ଟ ଯାହା ବି ରାୟ ଦେବେ ତାହା କାହାର ହାର ଅଥବା ଜିତ୍ ବିବେଚନା କରାଯିବନି। ତେବେ ଦେଶବାସୀଙ୍କୁ ମୋର ନିବେଦନ କୋର୍ଟଙ୍କ ରାୟ ପରେ ଆମ ସମସ୍ତଙ୍କର ଏହା ପ୍ରାଥମିକତା ହେବା ଉଚିତ୍ ଯେପରି ଦେଶର ଶାନ୍ତି, ଏକତା ଓ ସଦଭାବନାକୁ ଆହୁରି ମଜଭୁତ ହୁଏ। 

   Related Posts