Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅକ୍ଟୋବର-ନଭେମ୍ବର ମାସର ପାର୍ବଣ ଗାଇଡ୍‌ଲାଇନ୍‌, ମୂର୍ତ୍ତି ବିସର୍ଜନରେ ରହିବେ ଏତିକି ଲୋକ, ହବିଷ୍ୟାଳୀଙ୍କୁ ମନ୍ଦିର ମନା
  • ||
  • ଘଟଗାଁରେ ହାତୀ ଆତଙ୍କ, ଘଉଡାଇବାକୁ ବନ ବିଭାଗର କସରତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୬ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୩ ହଜାରରୁ ଅଧିକ କରୋନା ପଜିଟିଭ୍, ୧୬୪ ମୃତ
  • ||
  • ରାସ୍ତା ଅତିକ୍ରମ ବେଳେ ଧକ୍କା ଦେଲା ଟ୍ରକ, ଚାଲିଗଲା ଜୀବନ
  • ||
  • ଲଘୁଚାପ ପ୍ରଭାବ : ମଙ୍ଗଳବାର ଯାଏଁ ପ୍ରବଳ ବର୍ଷା, ୫୦ କିମି ବେଗରେ ବହିବ ପବନ
  • ||
  • ନୀଳଗିରିରେ ଭାଲୁ ଆତଙ୍କ, ସାଇକେଲରୁ ଟାଣିନେଇ ଯୁବକଙ୍କୁ ଘାଇଲା କଲେ
  • ||
  • ଅଢେଇ କୋଟି ଟଙ୍କାର ବ୍ରାଉନସୁଗାର ଜବତ, ଡାଇମଣ୍ଡ ହୋଟେଲ ମାଲିକ ଅଟକ
  • ||

ପ୍ରଧାନମନ୍ତ୍ରୀ ମୋଦିଙ୍କ ସମ୍ପତ୍ତି ବଢିଛି, ୯ ମାସ ମଧ୍ୟରେ ୨୨ ଲକ୍ଷ ଟଙ୍କା ହୋଇଛି ଅଧିକ

25/09/2021 at 3:31 PM

ନୂଆଦିଲ୍ଲୀ ୨୫।୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମୋଟ୍ ସମ୍ପତ୍ତି ପରିମାଣ ୩.୦୭ କୋଟି ଟଙ୍କାରେ ପହଞ୍ଚିଛି । ପ୍ରଧାନମନ୍ତ୍ରୀଙ୍କ ଓ୍ବେବସାଇଟ୍‌ର ନଗଦ ତଥ୍ୟ ଅନୁଯାୟୀ ଏହି ସୂଚନା ମିଳିଛି । ୨୦୨୦ ମସିହା ଜୁନ୍ ୩୦ ତାରିଖ ସୁଦ୍ଧା ପ୍ରଧାନମନ୍ତ୍ରୀଙ୍କ ସମ୍ପତ୍ତିର ପରିମାଣ ଥିଲା ୨.୮୫ କୋଟି ଟଙ୍କା । ତେବେ ୨୦୨୧ ମସିହା ମାର୍ଚ୍ଚ ୩୧ ତାରିଖ ଅର୍ଥାତ୍ ୯ ମାସ ମଧ୍ୟରେ ଏହା ୨୨ ଲକ୍ଷ ବଢି ୩,୦୭,୬୮,୮୮୫ ଟଙ୍କା ହୋଇଛି । କିନ୍ତୁ ପ୍ରଧାନମନ୍ତ୍ରୀଙ୍କର ନିଜର ଗାଡି ନଥିବା ବେଳେ ଗହଣା ଭିତରେ ରହିଛି ୪ଟି ସୁନା ମୁଦି ।  

ଏକ ଗଣମାଧ୍ୟମ ରିପୋର୍ଟ ଅନୁଯାୟୀ, ପ୍ରଧାନମନ୍ତ୍ରୀ ମୋଦିଙ୍କ ନିକଟରେ ୮.୯ ଲକ୍ଷ ଟଙ୍କାର ଜାତୀୟ ସଞ୍ଚୟ ପ୍ରମାଣପତ୍ର ରହିଛି। ଏହା ବ୍ୟତୀତ ୧.୫ ଲକ୍ଷ ଟଙ୍କାର ଜୀବନ ବୀମା ପଲିସି ଏବଂ ଏଲଆଣ୍ଡଟି ଇନଫ୍ରାଷ୍ଟ୍ରକଚର ବଣ୍ଡ୍ ବି ଅଛି। ସେ ଏହି ବଣ୍ଡ୍ ୨୦୧୨ ମସିହାରେ ୨୦,୦୦୦ ଟଙ୍କାରେ କିଣିଥିଲେ। ଗାନ୍ଧୀନଗର ଷ୍ଟେଟ୍ ବ୍ୟାଙ୍କ୍ ଅଫ୍ ଇଣ୍ଡିଆ ଶାଖାରେ ଜମା ଯୋଗୁଁ ପ୍ରଧାନମନ୍ତ୍ରୀ ମୋଦିଙ୍କ ସମ୍ପତ୍ତି ବୃଦ୍ଧି ହୋଇଛି । ମୋଦିଙ୍କ ଘୋଷଣା ଅନୁଯାୟୀ, ମାର୍ଚ୍ଚ ୩୧ ସୁଦ୍ଧା ଜମା ରାଶି ପରିମାଣ ୧.୮୬ କୋଟି ଟଙ୍କା ହୋଇଛି । ଯାହା ଗତବର୍ଷ ୧.୬ କୋଟି ଟଙ୍କା ଥିଲା।

ପ୍ରଧାନମନ୍ତ୍ରୀ ମୋଦିଙ୍କ ନିକଟରେ କୌଣସି ଗାଡି ନାହିଁ। ତାଙ୍କ ନିକଟରେ ୧.୪୮ ଲକ୍ଷ ଟଙ୍କାର ୪ଟି ସୁନା ମୁଦି ଅଛି । ୨୦୨୧ ମସିହା ମାର୍ଚ୍ଚ ୩୧ ତାରିଖ ସୁଦ୍ଧା ତାଙ୍କ ବ୍ୟାଙ୍କ ବାଲାନ୍ସ ୧.୫ ଲକ୍ଷ ଟଙ୍କା ଥିଲା । ତାଙ୍କ ନିକଟରେ ନଗଦ ୩୬,୦୦୦ ଟଙ୍କା ଥିଲା। ଯାହା ଗତ ବର୍ଷ ତୁଳନାରେ କମ୍ ।

୨୦୧୪ ମସିହାରେ ପ୍ରଧାନମନ୍ତ୍ରୀ ହେବା ପରଠାରୁ ନରେନ୍ଦ୍ର ମୋଦି କୌଣସି ନୂଆ ସମ୍ପତ୍ତି କିଣି ନାହାନ୍ତି। ୨୦୦୨ ମସିହାରେ କିଣାଯାଇଥିବା ତାଙ୍କର ଏକମାତ୍ର ଆବାସିକ ସମ୍ପତ୍ତିର ମୂଲ୍ୟ ହେଉଛି ୧.୧ କୋଟି ଟଙ୍କା । ଏହା ଏକ ଜଏଣ୍ଟ ସମ୍ପତ୍ତି । ଏହି ସମ୍ପତ୍ତିରେ ପ୍ରଧାନମନ୍ତ୍ରୀର ଏକ ଚତୁର୍ଥାଂଶ ଭାଗ ରହିଛି । ମୋଟ୍ ୧୪,୧୨୫ ବର୍ଗଫୁଟ ସମ୍ପତ୍ତିରୁ ୩,୫୩୧ ବର୍ଗଫୁଟ ସମ୍ପତ୍ତି ପ୍ରଧାନମନ୍ତ୍ରୀ ମୋଦିଙ୍କର ।

ଅଟଳ ବିହାରୀ ବାଜପେୟୀଙ୍କ କାର୍ଯ୍ୟକାଳ ମଧ୍ୟରେ ସରକାର ନିଷ୍ପତ୍ତି ନେଇଥିଲେ ଯେ, ସାଧାରଣ ଜୀବନରେ ଅଧିକ ସ୍ବଚ୍ଛତା ପାଇଁ ସମସ୍ତ କେନ୍ଦ୍ର ମନ୍ତ୍ରୀଙ୍କୁ ପ୍ରତ୍ୟେକ ଆର୍ଥିକ ବର୍ଷ ଶେଷରେ ସ୍ବେଚ୍ଛାକୃତ ଭାବେ ସେମାନଙ୍କର ସମ୍ପତ୍ତି ଏବଂ ନେଣଦେଣର ଘୋଷଣା କରିବାକୁ ପଡିବ । ଏହି ଘୋଷଣା ସାର୍ବଜନୀନ ଡୋମେନରେ ଉପଲବ୍ଧ ଏବଂ ପ୍ରଧାନମନ୍ତ୍ରୀଙ୍କ ୱେବସାଇଟ୍ ମାଧ୍ୟମରେ ତାହା ଜାଣିହେବ ।

   Related Posts