Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ଭାରତରେ ହାରିବ କରୋନା ! ପ୍ରଧାନମନ୍ତ୍ରୀଙ୍କ ସମୀକ୍ଷା ବୈଠକ, କହିଲେ ସବୁ ସ୍ଥିତିର ମୁକାବିଲା ଲାଗି ପ୍ରସ୍ତୁତ

7/03/2020 at 7:36 PM

ନୂଆଦିଲ୍ଲୀ ୦୭।୦୩- ଭାରତରେ ପ୍ରତି ଦିନ କରୋନା ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି। ଅଦ୍ୟାବଧି ୩୪ ମାମଲା ସାମ୍ନାକୁ ଆସି ସାରିଛି, ଯେଉଁଥିରେ ଦେଶବାସୀଙ୍କ ଚିନ୍ତା ବଢି ଯାଇଛି। ଏହାକୁ ଦେଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସତର୍କ ହୋଇ ଯାଇଛନ୍ତି। ଶୁକ୍ରବାର କରୋନା ଭୂତାଣୁର ମୁକାବିଲା ମିଶିକି କରିବା କହିବା ପରେ ଶନିବାର ପ୍ରଧାନମନ୍ତ୍ରୀ କେନ୍ଦ୍ର ମନ୍ତ୍ରୀଙ୍କ ସହିତ ସମୀକ୍ଷା ବୈଠକ କରିଛନ୍ତି। ଏହି ବୈଠକରେ କେନ୍ଦ୍ର ସ୍ଵାସ୍ଥ୍ୟ ମନ୍ତ୍ରୀ ହର୍ଷବର୍ଦ୍ଧନ, ବୈଦେଶିକ ମନ୍ତ୍ରୀ ଏସ ଜୟଶଙ୍କର, ସ୍ଵାସ୍ଥ୍ୟ ରାଷ୍ଟ୍ର ମନ୍ତ୍ରୀ ଅଶ୍ଵିନୀ କୁମାର ଚୌବେ ଓ ସମ୍ବନ୍ଧିତ ବିଭାଗର ଉଚ୍ଚ ପଦସ୍ଥ ଅଧିକାରୀ ଉପସ୍ଥିତ ଥିଲେ। ବୈଠକରେ ପ୍ରଧାନମନ୍ତ୍ରୀଙ୍କୁ କରୋନାକୁ ରୋକିବା ଏବଂ ସଂକ୍ରମିତଙ୍କ ଉପଚାର ଲାଗି କେଉଁ କେଉଁ ପଦକ୍ଷେପ ନିଆଯାଇଛି ଅବଗତ କରାଯାଇଥିଲା।

ଫାର୍ମା ବିଭାଗର ସଚିବ ପ୍ରଧାନମନ୍ତ୍ରୀଙ୍କୁ କହିଛନ୍ତି ଯେ, ସଂପ୍ରତି ଦେଶରେ  ପର୍ଯ୍ୟାପ୍ତ  ପରିମାଣରେ ଔଷଧ ମହଜୁଦ ରହିଛି, ଆକ୍ଟିଭ ଫାର୍ମାସ୍ୟୁଟିକାଲ ଇଙ୍ଗ୍ରୀଡିଏଣ୍ଟ୍ସ(API) ସମେତ ଅନ୍ୟ ଉପଯୋଗୀ ସାମଗ୍ରୀ କେତେ ରହିଛି ସେହି ବିଷୟରେ ସୂଚନା ଦେଇଛନ୍ତି। ଏହି ବୈଠକରେ ସେନାର ସର୍ବୋଚ୍ଚ ଅଫିସର ଚିଫ ଅଫ ଡିଫେନ୍ସ ଷ୍ଟାଫ ଜେନେରାଲ ବିପିନ ରାଓ୍ଵତ ମଧ୍ୟ ଉପସ୍ଥିତ ଥିଲେ।

କରୋନାକୁ ନେଇ ଅନୁଷ୍ଠିତ ଏହି ମହତ୍ଵପୂର୍ଣ୍ଣ ବୈଠକରେ ସମସ୍ତ ବିମାନ ବନ୍ଦର, ବନ୍ଦର ଓ ଅନ୍ୟ ଦେଶକୁ ସଂଯୋଗ କରୁଥିବା ସଡକ ଉପରେ ନିରନ୍ତର ସତର୍କତା ଓ ନୀରିକ୍ଷଣର ସମୀକ୍ଷା କରାଯାଇଛି। କେନ୍ଦ୍ର ସ୍ଵାସ୍ଥ୍ୟ ମନ୍ତ୍ରୀ ହର୍ଷବର୍ଦ୍ଧନ କରୋନାର ମୁକାବିଲା ଲାଗି ରାଜ୍ୟଗୁଡିକ ସହିତ ଉତ୍ତମ ସମନ୍ଵୟର ଆବଶ୍ୟକତା ଉପରେ ଜୋର ଦେଇଛନ୍ତି।  ଇରାନରୁ ଭାରତୀୟଙ୍କୁ ବାହାର କରିବା ପାଇଁ କରାଯାଉଥିବା ପ୍ରୟାସ ଉପରେ ମଧ୍ୟ ଆଲୋଚନା କରାଯାଇଛି।

ବୈଠକ ଶେଷରେ ପ୍ରଧାନମନ୍ତ୍ରୀ ମୋଦୀ କରୋନାକୁ ନେଇ ବିଭିନ୍ନ ମନ୍ତ୍ରଣାଳୟ ପକ୍ଷରୁ କରାଯାଇଥିବା କାର୍ଯ୍ୟର ପ୍ରଶଂସା କରିଛନ୍ତି। ଏହା ସହିତ ସମସ୍ତଙ୍କୁ କରୋନା ମୁକାବିଲାରେ ତିଳେ ମାତ୍ର ଅବହେଳା ନକରିବା ଏବଂ କୌଣସି ପ୍ରକାର ପରିସ୍ଥିତିର ସମ୍ମୁଖୀନ ଲାଗି ପ୍ରସ୍ତୁତ ରହିବାକୁ କହିଛନ୍ତି। ସେ ଅଫିସରଙ୍କୁ ଦେଶର  ବିଭିନ୍ନ ରାଜ୍ୟରେ ତତ୍ପରତାର ସହ କରୋନା ସଂକ୍ରମିତଙ୍କ ଚିହ୍ନଟ କରିବା ଏବଂ ଉପଚାର ଲାଗି ବ୍ୟବସ୍ଥା କରିବାକୁ କହିଛନ୍ତି।

   Related Posts