ଭୁବନେଶ୍ବର ୨୪|୧୨ : ଭୁବନେଶ୍ବରରେ ପହଞ୍ଚିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବାୟୁ ସେନାର ସ୍ବତନ୍ତ୍ର ବିମାନ ଯୋଗେ ଭୁବନେଶ୍ବରରେ ଆସି ପହଞ୍ଚିଲେ ମୋଦି । ବିମାନବନ୍ଦରରେ ମୋଦିଙ୍କୁ ବିପୁଳ ସ୍ବାଗତ ଓ ସମ୍ବର୍ଦ୍ଧନା ଦିଆଯାଇଛି । ରାଜ୍ୟପାଳ ଗଣେଶୀ ଲାଲ୍, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ମେୟର ଅନନ୍ତ ନାରାୟଣ ଜେନା ପ୍ରମୁଖ ବିମାନବନ୍ଦରରେ ପ୍ରଧାନମନ୍ତ୍ରୀଙ୍କୁ ସମ୍ବର୍ଦ୍ଧନା ଜଣାଇଛନ୍ତି ।
{"id":66698}
ବିମାନବନ୍ଦରରୁ ହେଲିକପ୍ଟର ଯୋଗେ ଆଇଆଇଟି କ୍ୟାମ୍ପସକୁ ଯିବେ ମୋଦି । ସେଠାରେ ଭୁବନେଶ୍ବର ଆଇଆଇଟିକୁ ଲୋକାର୍ପଣ ଓ ବ୍ରହ୍ମପୁର ଆଇଜରର ଶିଳାନ୍ୟାସ କରିବେ। ଏହାସହ ୧୪ ହଜାର ୫୨୫କୋଟି ଟଙ୍କାର ୧୩ଟି ପ୍ରକଳ୍ପର ଶୁଭ ଭିତ୍ତିପ୍ରସ୍ତର ଓ ଶୁଭ ଶିଳାନ୍ୟାସ କରିବେ । ଏହାପରେ ଦିନ ୧ଟା ୪୦ରେ କାରକେଡରେ ସିଧା ଗୋଶାଳା ପଡିଆକୁ ଯାଇ ଦଳୀୟ ସାଧାରଣ ସଭାରେ ଉଦବୋଧନ ଦେବେ ମୋଦି । ସୁରକ୍ଷା ବ୍ୟବସ୍ଥାରେ ୪୫ ପ୍ଲାଟୁନ ଫୋର୍ସ ନିୟୋଜିତ ହୋଇଛନ୍ତି । କେନ୍ଦ୍ରାଞ୍ଚଳ ଆଇଜି ସୈମେନ୍ଦ୍ର ପ୍ରିୟଦର୍ଶୀଙ୍କ ତତ୍ତ୍ବାବଧାନରେ ୪ ଜଣ ଏସ୍ପି, ୧୦ ଜଣ ଆଡିସିନାଲ ଏସ୍ପି, ୩୦ ଜଣ ଡିଏସ୍ପି ଏବଂ ୧୫୦ ଜଣ ପୋଲିସ ଅଧିକାରୀ ରହିଛନ୍ତି ।
{"id":66691}
ଜାନୁଆରୀରେ ପ୍ରଧାନମନ୍ତ୍ରୀ ପୁଣି ଦୁଇଥର ଓଡିଶା ଆସିବେ। ୫ରେ ବାରିପଦା ଓ ଜାନୁଆରୀ ୧୬ରେ ପଶ୍ଚିମ ଓଡିଶା ମୋଦିଙ୍କ କାର୍ଯ୍ୟକ୍ରମରେ ରହିଛି। ତିନୋଟି ହିନ୍ଦି ରାଜ୍ୟ ବିଜେପି ହାତରୁ ଯିବା ପରେ ପୂର୍ବାଞ୍ଚଳକୁ ଭରସା କରିଛି ବିଜେପି । ସେଥିଲାଗି ଓଡିଶା ଉପରେ ଫୋକସ କରୁଥିବା କୁହାଯାଉଛି ।
