Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • Australian Open 2022 ଟାଇଟଲ୍ ଜିତିଲେ ଏଶ୍ଲେ ବାର୍ଟି, ଦେଶ ପାଇଁ ରଚିଲେ ଇତିହାସ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୫ ହଜାରରୁ ଅଧିକ କରୋନା ପଜିଟିଭ୍, ୮୭୧ ମୃତ
  • ||
  • ବଜେଟ ପୂର୍ବରୁ ହେବନି ହାଲୁଆ ଉତ୍ସବ, ଏଥର ମୋବାଇଲ ଆପ୍ଲିକେସନରେ ମିଳିବ ସବୁ ତଥ୍ୟ
  • ||
  • ନୟାଗଡ : ଧାନବସ୍ତା ଚୋରି ପଡିଲା ମହଙ୍ଗା, ୨ ଯୁବକଙ୍କୁ ଗାଁ ଦାଣ୍ଡରେ ବାନ୍ଧିଦେଲେ ଲୋକେ
  • ||
  • ଭଦ୍ରକ : ଭିନ୍ନକ୍ଷମ ସାର୍ଟିଫିକେଟ୍‌ର ପୁନଃ ଯାଞ୍ଚ ପାଇଁ ଦାବି କଲା ଓଡିଶା ଭିନ୍ନକ୍ଷମ ମଞ୍ଚ
  • ||
  • ଘଟଗାଁ : ନାଳରୁ ମିଳିଲା ଅଜଣା ବ୍ୟକ୍ତିଙ୍କ ମୃତଦେହ, ହତ୍ୟା କରି ପାଣିରେ ଫିଙ୍ଗି ଦେଇଥିବା ସନ୍ଦେହ
  • ||
  • ରାଜ୍ୟରେ ଆଉ ୧୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୭୫କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୪୮୪୨ କୋଭିଡ୍ ପଜିଟିଭ୍, ୧୨୪୧୦୬୮ରେ ପହଞ୍ଚିଲା ସଂଖ୍ୟା
  • ||
  • ଭୁବନେଶ୍ବର : ଭୁବନେଶ୍ବର ଓ ବ୍ରହ୍ମପୁର ମେୟର ପଦବୀ ମହିଳାଙ୍କ ପାଇଁ ସଂରକ୍ଷିତ, କଟକ ପଦବୀ ଅଣସଂରକ୍ଷିତ
  • ||
  • ମୋରଡା : ଭାରସାମ୍ୟ ହରାଇ ପୋଲ ତଳକୁ ଖସିଲା ସ୍କର୍ପିଓ, ୪ ଗୁରୁତର ମେଡିକାଲରେ ଭର୍ତ୍ତି
  • ||

ଚନ୍ଦ୍ରୟାନ-୨ର ଲାଇଭ ଲ୍ୟାଣ୍ଡିଂ ଦେଖିବାକୁ ବେଙ୍ଗାଲୁରରେ ପହଞ୍ଚିଲେ ମୋଦି, ପୂର୍ବରୁ ପହଞ୍ଚି ସାରିଛନ୍ତି ଚନ୍ଦ୍ରରେ ପ୍ଲଟ କିଣିଥିବା ରାଜୀବ

6/09/2019 at 10:14 PM

ବେଙ୍ଗାଲୁରୁ : ଲ୍ୟାଣ୍ଡର ବିକ୍ରମ ଭାରତୀୟ ସମୟାନୁସାରେ ବିଳମ୍ବିତ ରାତ୍ରି ଗୋଟେରୁ ୨ଟା ମଧ୍ୟରେ ଚନ୍ଦ୍ରରେ ଅବତରଣ କରିବ। ଚନ୍ଦ୍ରର ଦକ୍ଷିଣ ଧ୍ରୁବରେ ବିକ୍ରମ ଲ୍ୟାଣ୍ଡିଂ କରିବ। ଏହି କ୍ଷଣର ଲାଇଭ ଦୃଶ୍ୟ ଦେଖିବା ଲାଗି ପ୍ରଧାନମନ୍ତ୍ରୀ ନରେନ୍ଦ୍ରମୋଦି ଶୁକ୍ରବାର ବିଳମ୍ବିତ ସନ୍ଧ୍ୟାରେ ବେଙ୍ଗାଲୁରରେ ପହଞ୍ଚିଛନ୍ତି। ତେବେ ମୋଦିଙ୍କ ପୂର୍ବରୁ ଚନ୍ଦ୍ରରେ  ପ୍ଲଟ କ୍ରୟ କରିଥିବା ହାଇଦ୍ରାବାଦର ରାଜୀବ ବି.ବାଗଡୀ ବେଙ୍ଗାଲୁରରେ ପହଞ୍ଚିସାରିଛନ୍ତି। ବାଗଡୀ ମଧ୍ୟ ପ୍ରଧାନମନ୍ତ୍ରୀ ଓ ୭୦ ଜଣ ପିଲାଙ୍କ ସହ ଭାରତୀୟ ଅନ୍ତରୀକ୍ଷ ଅନୁସନ୍ଧାନ କେନ୍ଦ୍ରରେ ଏହି ଲାଇଭ ଲ୍ୟାଣ୍ଡିଂ ଦେଖିବେ।

ଇତିମଧ୍ୟରେ ଚନ୍ଦ୍ରୟାନ-୨ର ସଫ୍ଟ ଲ୍ୟାଣ୍ଡିଂ ଟାଇମିଂରେ ସାମାନ୍ୟ ପରିବର୍ତ୍ତନ କରାଯାଇଛି। ଲ୍ୟାଣ୍ଡିଂ ସମୟକୁ ୨ ମିନିଟ୍ ହ୍ରାସ କରାଯାଇଛି। ଏଣୁ ଲ୍ୟାଣ୍ଡର ବିକ୍ରମ ୨ ମିନିଟ୍ ପୂର୍ବରୁ ଅର୍ଥାତ ରାତି ଗୋଟାଏ ବାଜି ୩୮ ମିନିଟ୍ ରେ ଲ୍ୟାଣ୍ଡିଂ ଆରମ୍ଭ କରିବ। ଏହାର ଲାଇଭ ଦୃଶ୍ୟକୁ ପ୍ରଧାନମନ୍ତ୍ରୀଙ୍କ ସହ ଇସ୍ରୋର ସ୍ପେସ୍ କ୍ୱିଜ୍ ରେ ସଫଳ ହୋଇଥିବା ୭୦ ଜଣ ଛାତ୍ରଛାତ୍ରୀ ମଧ୍ୟ ଦେଖିବେ। ଏଥିଲାଗି ପ୍ରଧାନମନ୍ତ୍ରୀ ନିଜେ ଖୁବ୍ ଉତ୍ସାହୀ ଥିବା ପୂର୍ବରୁ ଟ୍ୱିଟ୍ କରିଥିଲେ। ଏବେ ସେହି ମୁହୂର୍ତ୍ତ ପାଖେଇ ଆସୁଥିବା ବେଳେ ଏଠାରେ ଉପସ୍ଥିତ ଛାତ୍ରଛାତ୍ରୀଙ୍କ ମଧ୍ୟରେ ଉତ୍ସୁକତା ବଢିବାରେ ଲାଗିଥିବା ଇସ୍ରୋ ପକ୍ଷରୁ ସୂଚନା ଦିଆଯାଇଛି।

ମୋଦିଙ୍କୁ ବେଙ୍ଗାଲୁର ବିମାନବନ୍ଦରରେ ଭବ୍ୟ ସ୍ୱାଗତ କରାଯାଇଛି। ତେବେ ପ୍ରଧାନମନ୍ତ୍ରୀଙ୍କ ମନ ଇସ୍ରୋ ନିୟନ୍ତ୍ରଣ କକ୍ଷରେ ରହିଛି। ଏହି ସଫଳତା ସହ ଭାରତ ଅନ୍ତରୀକ୍ଷ କାର୍ଯ୍ୟକ୍ରମରେ ଆମେରିକା, ଋଷିଆ ଓ ଚୀନ ପରେ ବିଶ୍ୱର ଚତୁର୍ଥ ରାଷ୍ଟ୍ରର ମାନ୍ୟତା ପ୍ରାପ୍ତ କରିବ। ତେବେ ଭାରତ ଚନ୍ଦ୍ରରେ ପହଞ୍ଚିବା ପୂର୍ବରୁ ୨୦୦୩ ମସିହାରେ ଚନ୍ଦ୍ରରେ ଜମି କ୍ରୟ କରିଥିଲେ ହାଇଦ୍ରାବାଦର ଜନୈକ ଜ୍ୟୋତିଷ ଓ ଗଣିତଜ୍ଞ ରାଜୀବ ବି ବାଗଡୀ। ସେ ସେଠାରେ ୫ ଏକର ଜମି କ୍ରୟ କରିଛନ୍ତି। ଏଣୁ ଚନ୍ଦ୍ରୟାନ-୨ର ଏହି ସଫଳତାକୁ ସେ ମଧ୍ୟ ବେଙ୍ଗାଲୁରରେ ଉତ୍ସୁକତାର ସହ  ଅପେକ୍ଷା କରିଛନ୍ତି।

   Related Posts