Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁଆସୁଣୀ ଛକରେ ସିରିଜ୍ ଦୁର୍ଘଟଣା, ୨ ଗୁରୁତର
  • ||

‘ଦେଶର କ୍ଷମତା, ଦକ୍ଷତା ଓ ପ୍ରଯୁକ୍ତିବିଦ୍ୟା ଉପରେ ଭରସା ଅଛି, ଆମେ ଲକଡାଉନ୍‌କୁ ପଛରେ ପକାଇ ଅନଲକ୍ ଆଡେ ମୁହାଁଇଛୁ’- ମୋଦୀ

2/06/2020 at 11:40 AM

ନୂଆଦିଲ୍ଲୀ, ୦୨|୦୬: କରୋନା ସଙ୍କଟ ମଧ୍ୟରେ ଦେଶର ଆର୍ଥିକ ସ୍ଥିତି ବିଗିଡି ଯାଇଛି । କେନ୍ଦ୍ର ସରକାର ଅର୍ଥ ବ୍ୟବସ୍ଥାକୁ ସଜାଡିବା ପାଇଁ ଆତ୍ମନିର୍ଭର ଭାରତ ଅଭିଯାନର ଶୁଭାରମ୍ଭ କରିଛନ୍ତି । ଏହା ମଧ୍ୟରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭାରତୀୟ ଉଦ୍ୟୋଗ ପରିସଙ୍ଘ ବା ଆଇଆଇସିର ବାର୍ଷିକ କାର୍ଯ୍ୟକ୍ରମକୁ ସମ୍ବୋଧନ କରିଛନ୍ତି । ସେ ନିଜ ସମ୍ବୋଧନରେ ବ୍ୟବସାୟୀଙ୍କ ସହ ସରକାର ରହିଥିବା ଭରସା ଦେଇଛନ୍ତି ।ଏହାସହ ବ୍ୟବସାୟୀମାନେ ଗୋଟିଏ ପାଦ ଆଗକୁ ଆସିଲେ ସରକାର ୪ ପାଦ ଆଗକୁ ବଢିବେ ବୋଲି ମୋଦୀ କହିଛନ୍ତି ।

ମୋଦୀ କହିଛନ୍ତି ଯେ, ୩ ମାସ ପୂର୍ବରୁ ଦେଶରେ ଗୋଟିଏ ହେଲେ ପିପିଇ କିଟ୍ ତିଆରି ହେଉନଥିଲା । ଏବେ କିନ୍ତୁ ଦୈନିକ ୩ ଲ୭ ପିପିଇ କିଟ୍ ତିଆରି ହେଉଛି . ଆତ୍ମ ନିର୍ଭର ଭାରତ ସହ ଜଡିତ ସମସ୍ତ ଆବଶ୍ୟକତା ଉପରେ ସରକାର ନଜର ରଖିଛନ୍ତି . ସିଆଇଆଇର ସମସ୍ତ ସେକ୍ଟର ରିସର୍ଡ କରି ଏକ ନୂଆ ଯୋଜନା ସରକାରଙ୍କ ଦିଅନ୍ତୁ । ଏବେ ଅନଲାଇନ୍ ଇଭେଣ୍ଟ୍ ନ୍ୟୁ ନର୍ମାଲ୍ ହୋଇଯାଇଛି । ଆଜି ବି ଆମକୁ ଭାଇରସ ସହ ଲଡିବାକୁ ପଡୁଛି । ଅର୍ଥବ୍ୟବସ୍ଥା ଉପରେ ମଧ୍ୟ ନଜର ରଖିବାକୁ ହେବ ।

ପ୍ରଧାନମନ୍ତ୍ରୀ ଆହୁରି କହିଛନ୍ତି ଯେ, ତାଙ୍କୁ ଦେଶର କ୍ଷମତା, ଟ୍ୟାଲେଣ୍ଟ୍ ଓ ଟେକ୍ନୋଲୋଜୀ ଉପରେ ଭରସା ରହିଛି । ପୁଣି ଥରେ ଦେଶର ଅର୍ଥବ୍ୟବସ୍ଥା ସୁଧୁରିବ । କରୋନା ଦେଶର ଗତି ଧିମା କରିଥିଲେ ମଧ୍ୟ ଭାରତ ଲକଡାଉନ୍‌କୁ ପଛରେ ପକାଇ ଅନଲକ୍ ଆଡେ ମୁହାଁଇଛି । ବିଭିନ୍ନ ରଣନୀତି ମାମଲାରେ ଅନ୍ୟ କାହା ଉପରେ ନିର୍ଭର କରିବା ଠିକ୍ ନୁହେଁ ।  ଆତ୍ମ ନିର୍ଭବ ଭାରତ ଅର୍ଥ ରୋଜଗାର ଓ ବିଶ୍ୱାସ ସୃଷ୍ଟି କରିବା । ଭାରତର ଗ୍ଲୋବାଲ ସପ୍ଲାଇ୍ ଚେନ୍ ମଜବୁତ ହେବ ।

ସେ ଆହୁରି କହିଛନ୍ତି ଯେ, କରୋନା ମୁକାବିଲାରେ ଅନ୍ୟ ଦେଶ ତୁଳନାରେ ଭାରତର ସ୍ଥିତି ଭଲ ଅଛି । ଅର୍ଥବ୍ୟବସ୍ଥା ପାଇଁ ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନାରେ ୭୪ କୋଟି ଲୋକଙ୍କ ନିକଟରେ ରାସନ୍ ପହଁଚିଛି । ୮ କୋଟି ଗ୍ୟାସ୍ ସିଲିଣ୍ଡର ମାଗଣାରେ ଦିଆଯାଇଛି । ପ୍ରାଇଭେଟ୍ ସେକ୍ଟରର ୫୦ ଲକ୍ଷ କର୍ମଚାରୀଙ୍କ ୨୪ ପ୍ରତିଶତ ଇପିଏଫଓ ସରକାର ଭରିଛନ୍ତି । ଦେଶକୁ ଆତ୍ମନିର୍ଭର କରିବା ପାଇଁ ପାଞ୍ଚୋଟି ବିଷୟ ଯଥା ଇଣ୍ଟେଣ୍ଟ୍, ଇନକ୍ଲୁଜନ୍, ଇନବେଷ୍ଟମେଣ୍ଟ, ଇନଫ୍ରାଷ୍ଟ୍ରକଚର୍ ଓ ଇନୋଭେସନ ଉପରେ ଧ୍ୟାନ ଦେବାକୁ ହେବ ।

   Related Posts