Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାରେ ଆଉ ଜଣେ ଟିଏମସି ବିଧାୟକଙ୍କ ପରଲୋକ
  • ||
  • ୧୦ ଦିନର ଶିଶୁପୁତ୍ରକୁ ୧୦ ହଜାର ଟଙ୍କାରେ ବିକିଦେଲା ବାପା, ମାଳିସାହି ନିକଟରୁ ଉଦ୍ଧାର କଲା ପୋଲିସ
  • ||
  • ହତ୍ୟା କରି ଗଛରେ ଟାଙ୍ଗିଦେଲେ ! ସନ୍ଧ୍ୟାରେ ସାଙ୍ଗ ହୋଇ ମଦ ପିଇଲା ପରେ ଏମିତି ଘଟିଲା କ’ଣ ?
  • ||
  • ଯୁବକଙ୍କୁ ବୀଭତ୍ସ ହତ୍ୟା : ଖଣ୍ଡା ଓ ଫାର୍ସାରେ ବେକକୁ ହାଣିଦେଲେ ୪ ଦୁର୍ବୃତ୍ତ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୫୭୭ କୋଭିଡ୍ ପଜିଟିଭ୍ ଚିହ୍ନଟ
  • ||
  • ୧୨ ଫୁଟର ଅଜଗର ଉଦ୍ଧାର, କପିଳାସ ଜଙ୍ଗଲରେ ଛାଡିଲା ବନ ବିଭାଗ
  • ||
  • ବିପୁଳ ପରିମାଣର ଗଞ୍ଜେଇ ଜବତ, ୩ ମାଫିଆ ଗିରଫ
  • ||
  • ଚର୍ଚ୍ଚିତ ଓଡ଼ିଆ କଣ୍ଠଶିଳ୍ପୀ ତପୁ ମିଶ୍ରଙ୍କ ପରଲୋକ
  • ||

ଟେଲିଫୋନରେ ନବୀନଙ୍କୁ କୃତଜ୍ଞତା ଜଣାଇଲେ ମୋଦି

10/08/2018 at 11:09 AM

ଭୁବନେଶ୍ୱର ୧୦/୮ : ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଟେଲିଫୋନରେ ଧନ୍ୟବାଦ ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି | ରାଜ୍ୟସଭା ଉପାଧ୍ୟକ୍ଷ ନିର୍ବାଚନରେ ଏନଡିଏ ପ୍ରାର୍ଥୀ ତଥା ଜେଡିୟୁ ସାଂସଦ ହରିବଂଶ ନାରାୟଣ ସିଂଙ୍କୁ ବିଜେଡି ସମର୍ଥନ କରିଥିବାରୁ ସେ ଧନ୍ୟବାଦ ପ୍ରଦାନ କରିଛନ୍ତି | ସୂଚନାଯୋଗ୍ୟ ଯେ, ହରିବଂଶଙ୍କୁ ସମର୍ଥନ କରିବା ପାଇଁ ପୂର୍ବରୁ ବିହାର ମୁଖ୍ୟମନ୍ତ୍ରୀ ନୀତିଶ କୁମାର, ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହଙ୍କ ସମେତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ନବୀନଙ୍କୁ ଅନୁରୋଧ କରିଥିଲେ | କଂଗ୍ରେସ ଓ ବିଜେପି ଠାରୁ ସମାଦୁରତ ରକ୍ଷା କରୁଛୁ ବୋଲି କହୁଥିବା ବିଜୁ ଜନତା ଦଳ ରାଜ୍ୟସଭା ଉପାଧ୍ୟକ୍ଷ ନିର୍ବାଚନରେ ଏନଡିଏ ପ୍ରାର୍ଥୀଙ୍କୁ ସମର୍ଥନ କରିଥିଲା | ରାଜ୍ୟସଭାରେ ବିଜୁ ଜନତା ଦଳର ୯ଟି ଭୋଟ ରହିଛି | ଏହି ଭୋଟ ଆଧାରରେ ଏନଡିଏ ପ୍ରାର୍ଥୀ ହରିବଂଶ ନାରାୟଣ ସିଂ ୧୨୫ ଟି ଭୋଟ ପାଇ କଂଗ୍ରେସ ସାଂସଦ ତଥା ୟୁପିଏ ପ୍ରାର୍ଥୀ ବି.କେ.ହରିପ୍ରସାଦ ପରାସ୍ତ ହୋଇଥିଲେ |
ଏନଡିଏ ପ୍ରାର୍ଥୀଙ୍କୁ ବିଜୁ ଜନତା ଦଳ ସମର୍ଥନ ଦେବା ଫଳରେ ରାଜ୍ୟ ରାଜନୀତିରେ ଭ୍ରୁକୁଞ୍ଚନ ସୃଷ୍ଟି ହୋଇଥିଲା | ରାଜନୈତିକ ପତ୍ରୀତମାନେ ବିଭିନ୍ନ ଆକଳନ ଏବଂ ଅଙ୍କକଷା ଆରମ୍ଭ କରିଛନ୍ତି | ଏଭଳି ସ୍ଥିତିରେ ନବୀନଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କୃତଜ୍ଞତା ଜ୍ଞାପନ ନିଆଁରେ ଘିଅ ଢ଼ାଳିବା ଭଳି ହୋଇଛି | ଏନଡିଏ ପ୍ରାର୍ଥୀଙ୍କୁ ନିର୍ବାଚନ ସମର୍ଥନ ନେଇ ମୂଳରୁ ହିଁ କଂଗ୍ରେସ ସମାଲୋଚନା କରି ଆସୁଛି ଏବଂ ବିଜେଡି-ବିଜେପି ମଧ୍ୟରେ ଚୋରା ପିରତି ଚାଲିଛି ବୋଲି ଅଭିଯୋଗ କରିସାରିଛି |

   Related Posts