ନ୍ୟୁୟର୍କ ୨୪।୯: ଆଜି ପୁଣି ଆମେରିକା ରାଷ୍ଟ୍ରପତିଙ୍କୁ ଭେଟିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଉଭୟ ନେତାଙ୍କ ମଧ୍ୟରେ ଆଜି ଦ୍ବିପାକ୍ଷିକ ଆଲୋଚନା ହେବା ନେଇ ସୂଚନା ମିଳିଛି । ଏହି ସମୟରେ ଉଭୟ ଦେଶ ମଧ୍ଯରେ ବାଣିଜ୍ୟିକ ସମ୍ପର୍କ ନେଇ ଆଲୋଚନା ହେବ ।
ସେହିପରି ଆତଙ୍କବାଦ ପ୍ରସଙ୍ଗରେ ମଧ୍ୟ ଉଭୟ ନେତାଙ୍କ ମଧ୍ୟରେ ଆଲୋଚନା ହେବାର ସମ୍ଭାବନା ରହିଛି । ଅକ୍ଟୋବରରେ ଟ୍ରମ୍ପଙ୍କୁ ଭାରତ ଆସିବାକୁ ମୋଦି ଆମନ୍ତ୍ରଣ ଦେବା ନେଇ ମଧ୍ୟ ଚର୍ଚ୍ଚା ହେଉଛି । ଏହା ପୂର୍ବରୁ ହାଉଡି ମୋଦି କାର୍ଯ୍ୟକ୍ରମରେ ଉଭୟ ନେତାଙ୍କ ମଧ୍ୟରେ ଭେଟଘାଟ ହୋଇଥିଲା ।
ସେହିପରି ଜାତିସଂଘର ସୁରକ୍ଷା ପରିଷଦରେ ପ୍ରଧାନମନ୍ତ୍ରୀ ଜଳବାୟୁ ପରିବର୍ତ୍ତନ ନେଇ ମତ ରଖୁଥିବା ବେଳେ ଶୁଣିବା ପାଇଁ ହଠାତ୍ ପହଞ୍ଚିଯାଇଥିଲେ ଟ୍ରମ୍ପ । ମୋଦି ଦ୍ବିତୀୟ ଥର ପ୍ରଧାନମନ୍ତ୍ରୀ ହେବା ପରେ ଜି ୨୦ ଓ ଜି୭ ବୈଠକରେ ମଧ୍ୟରେ ମଧ୍ୟ ଉଭୟ ନେତା ପରସ୍ପରକୁ ଭେଟିଛନ୍ତି ।