Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବତନ ବିଧାୟକ ଅରୁଣ ଦେ’ ଙ୍କ ପରଲୋକ, କରୋନାରେ ଆକ୍ରାନ୍ତ ପରେ ଚାଲିଥିଲା ଚିକିତ୍ସା
  • ||
  • ସାଗର ହତ୍ୟାକାଣ୍ଡରେ ଦିଲ୍ଲୀ କ୍ରାଇମ ବ୍ରାଞ୍ଚର ୧୭୦ ପୃଷ୍ଠାର ଚାର୍ଜସିଟ୍ ଦାଖଲ, ସୁଶୀଲ କୁମାର ମୁଖ୍ୟ ଅଭିଯୁକ୍ତ
  • ||
  • ଅନୁଗୋଳ : କାଲି ଜଣଙ୍କର, ଆଜି ଆଉ ଜଣଙ୍କର ମିଳିଲା ମୃତଦେହ : ଏବେବି ଜଣେ ନିଖୋଜ
  • ||
  • ଭୁବନେଶ୍ବର : ଓଡିଶାରେ କମ୍ ରହିଛି ଆର୍ ଭାଲ୍ୟୁ, ୧ ଉପରେ ରହିଲେ ବଢିବ ସଂକ୍ରମଣ : ଡିଏମଇଟି
  • ||
  • ସୋର : ଭୋଜି କରିବାକୁ ଯାଇ ଫେରିଲେନି ଯୁବକ, ମେଡିକାଲରେ ମୃତ୍ୟୁ : ହତ୍ୟା ଅଭିଯୋଗ ଆଣିଲେ ପରିବାର
  • ||
  • ଯାଜପୁର : ଆସନ୍ତା ୪ରୁ ଖୋଲିବ ଅଧିଷ୍ଠାତ୍ରୀ ଦେବୀ ମା’ ବିରଜାଙ୍କ ମନ୍ଦିର, ଅନୁମତି ଦେଲେ ଜିଲ୍ଲାପାଳ
  • ||
  • ଖଲ୍ଲିକୋଟ : ଖୋଲିଲା ତମ୍ପରା ହ୍ରଦ, ବୋଟିଂର ମଜା ନେଉଛନ୍ତି ପର୍ଯ୍ୟଟକ
  • ||
  • ଚାନ୍ଦବାଲି : ବିଦ୍ୟାଳୟ ବରଣ୍ଡାରେ ପଡିଛି ଅଚିହ୍ନା ବୃଦ୍ଧଙ୍କ ମୃତଦେହ, ତଦନ୍ତ ଆରମ୍ଭ କଲା ପୋଲିସ
  • ||
  • ରାଉରକେଲା : ଆସନ୍ତା ୭ରେ ୧୨ ଘଣ୍ଟିଆ ସୁନ୍ଦରଗଡ ବନ୍ଦ, ଦ୍ବିତୀୟ ଏମ୍ସ ପ୍ରତିଷ୍ଠା ଦାବିରେ ବନ୍ଦ ଡାକରା
  • ||
  • ଚାନ୍ଦବାଲି : ବାବା ଆଖଣ୍ଡଳମଣିଙ୍କ ମନ୍ଦିରରେ କାଉଡିଆଙ୍କ ଭିଡକୁ ଦୃଷ୍ଟିରେ ରଖି କଟକଣା ଜାରି, ଭକ୍ତଶୂନ୍ୟ ମନ୍ଦିର ପରିସର
  • ||

ସୋସିଆଲ ମିଡିଆରେ ଆକ୍ଟିଭ୍ ମୋଦିଙ୍କୁ ଟ୍ୱିଟର୍‌ରେ ମିଳିଲା ଆଉ ଏକ ବଡ଼ ସଫଳତା, ୬୦ ମିଲିୟନ୍ ହେଲେ ଫଲୋଅର୍

19/07/2020 at 3:37 PM

ନୂଆଦିଲ୍ଲୀ ୧୯।୭: ବିଶ୍ୱର ଅନ୍ୟ ନେତାଙ୍କ ଭଳି ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ସୋସିଆଲ ମିଡିଆରେ ବେଶ୍ ସକ୍ରିୟ। କେବଳ ସକ୍ରିୟ ନୁହନ୍ତି ମୋଦି ଏହାର ସର୍ବୋତ୍ତମ ଉପଯୋଗ ମଧ୍ୟ କରୁଛନ୍ତି। ଏଣୁ ମାଇକ୍ରୋ ବ୍ଲଗିଙ୍ଗ ସାଇଟ୍‌ ଟ୍ୱିଟରରେ ମୋଦିଙ୍କୁ ଆଉ ଏକ ବଡ ସଫଳତା ମିଳିଛି। ତାହା ହେଉଛି ତାଙ୍କ ଫଲୋର୍ସଙ୍କ ସଂଖ୍ୟା । ଏବେ ମୋଦିଙ୍କୁ ସାରା ବିଶ୍ୱରେ ୬୦ ନିୟୁତ ଲୋକେ ଫଲୋ କରୁଥିବା ଜଣାପଡିଛି। 

ମୋଦିଙ୍କ ଲୋକପ୍ରିୟତା ୨୦୨୦ ବର୍ଷ ଆରମ୍ଭ ବେଳକୁ ଟ୍ୱିଟରରେ ବଢି ବଢି ଚାଲିଥିଲା। ଏବେ ତାଙ୍କ ଫଲୋଅର୍ସଙ୍କ ସଂଖ୍ୟା ୬ ମିଲିୟନ ଅର୍ଥାତ ୬ କୋଟିରେ ପହଞ୍ଚିଯାଇଛି। ଟ୍ୱିଟର ଅନୁଯାୟୀ ସାରା ବିଶ୍ୱରେ ମୋଦିଙ୍କୁ ୬ କୋଟି ଲୋକ ଫଲୋ କରୁଥିବା ବେଳେ ମୋଦି ୨୩୫୪ ଜଣଙ୍କୁ ଫଲୋ କରୁଛନ୍ତି। ଗତ ଡିସେମ୍ବର ୨୦୧୯ରେ ମୋଦିଙ୍କ ଫଲୋର୍ସଙ୍କ ସଂଖ୍ୟା  ଟ୍ୱିଟରରେ ୫ କୋଟି ଥିଲା। ମାତ୍ର ୮ ମାସରେ ତାଙ୍କ ଫଲୋର୍ସଙ୍କ ସଂଖ୍ୟାରେ ୧ କୋଟି ବୃଦ୍ଧି ହୋଇଛି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ୱିଟରରେ ବେଶ୍ ଆକ୍ଟିଭ ଅଛନ୍ତି। ଏଥିରେ ସେ ଦେଶବାସୀଙ୍କୁ ସମ୍ବୋଧିତ କରିବା ସହ ଜନତାଙ୍କ ଲାଗି ଅନେକ ଘୋଷଣା ମଧ୍ୟ କରୁଛନ୍ତି। ପ୍ରଧାନମନ୍ତ୍ରୀଙ୍କ ଅଧିକାରୀକ ଟ୍ୱିଟର ଆକାଉଣ୍ଟ ୨୦୦୯ ମସିହାରେ ଖୋଲିଥିଲା। ସେବେଠାରୁ ମୋଦି ଟ୍ୱିଟରରେ ସକ୍ରିୟ ଅଛନ୍ତି। ଏଥିରେ ପ୍ରଧାନମନ୍ତ୍ରୀଙ୍କ ମନ୍ତ୍ରୀମଣ୍ଡଳରେ ଗୁରୁତ୍ୱପୂର୍ଣ୍ଣ ସ୍ଥାନ ଅଲଙ୍କୃତ କରିଥିବା ଅମିତ ଶାହଙ୍କୁ ଟ୍ୱିଟରରେ ୧ କୋଟି ୧୬ ଲକ୍ଷ ଲୋକେ ଫଲୋ କରୁଛନ୍ତି।

ମୋଦିଙ୍କ ଫଲୋଅରଙ୍କ ମଧ୍ୟରେ ଆମେରିକାର ପୂର୍ବତନ ରାଷ୍ଟ୍ରପତି ବାରାକ୍ ଓବାମା ମଧ୍ୟ ଅଛନ୍ତି। ଓବାମାଙ୍କ ଫଲୋଅର୍ସଙ୍କ ସଂଖ୍ୟା ମୋଦିଙ୍କଠାରୁ ୨ ଗୁଣରୁ ବି ଅଧିକ। ଟ୍ୱିଟରରେ ଓବାମାଙ୍କ ଫଲୋରଙ୍କ ସଂଖ୍ୟା ୧୨୦.୭ ମିଲିୟନ ଅର୍ଥାତ ୧୨କୋଟିରୁ ଅଧିକ ଲୋକେ ତାଙ୍କୁ ଫଲୋ କରୁଛନ୍ତି। ଆମେରିକାର ଏବେକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ୮୩.୭ ମିଲିୟନ ଫଲୋର୍ସ ଅଛନ୍ତି।

   Related Posts