Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍ ଅଧିବେଶନ: ଜାନୁଆରୀ ୩୧ରେ ରାଷ୍ଟ୍ରପତିଙ୍କ ଅଭିଭାଷଣ, ଫେବୃଆରୀ ୧ରେ ଉପସ୍ଥାପନ ହେବ ବଜେଟ୍
  • ||
  • IPL 2022: ନିଜ ଟିମ୍‌ର ନାମ ଘୋଷଣା କଲା ଲକ୍ଷ୍ନୌ ଫ୍ରାଞ୍ଚାଇଜି, ରଖିଲା ଲକ୍ଷ୍ନୌ ସୁପର ଜିଆଣ୍ଟ୍ସ
  • ||
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

‘ଏହାକୁ ହିଁ କୁହନ୍ତି ନେତୃତ୍ଵ’, ମୋଦୀଙ୍କ ପ୍ରସ୍ତାବକୁ ସମର୍ଥନ କରି ଆଗକୁ ଆସିଲେ ନେପାଳ, ଶ୍ରୀଲଙ୍କା, ଭୂଟାନ ଓ ମାଳଦ୍ଵୀପ

13/03/2020 at 3:32 PM

ନୂଆଦିଲ୍ଲୀ ୧୩।୦୩: ଦୁନିଆର ୧୦୦ରୁ ଅଧିକ ଦେଶରେ କରୋନା ଭୂତାଣୁର ପ୍ରକୋପ ଜାରି ରହିଛି। କରୋନା ନେଇ ପଡୋଶୀ ଚୀନ ଯାହା କରିନଥିଲା ତାହା ଏବେ କରି ଦେଖାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ପ୍ରଧାନମନ୍ତ୍ରୀ ମୋଦୀ ଆଜି ଏକ ବଡ ପ୍ରସ୍ତାବ ଦେଇ ଦକ୍ଷିଣ ଏସିଆ କ୍ଷେତ୍ରୀୟ ସଂଗଠନ(SAARC) ଦେଶକୁ ଏହି ମହାମାରୀର ମୁକାବିଲା ଲାଗି ଆଲୋଚନା କରିବାକୁ ଆହ୍ଵାନ ଦେଇଥିଲେ। ପ୍ରଧାନମନ୍ତ୍ରୀ ମୋଦୀ ସାର୍କ ଦେଶଗୁଡିକୁ ଭିଡିଓ କନଫରେନ୍ସି ମାଧ୍ୟମରେ ଆଲୋଚନା କରିବାକୁ ପ୍ରସ୍ତାବ ଦେଇଥିଲେ। ଏହା ପରେ ଏବେ ଅନେକ ଦେଶ ଭାରତୀୟ ପ୍ରଧାନମନ୍ତ୍ରୀଙ୍କ ଏହି ପ୍ରସ୍ତାବକୁ ସମର୍ଥନ କରି ଆଗକୁ ଆସିଛନ୍ତି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅପିଲ ପରେ ଶ୍ରୀଲଙ୍କା, ଭୂଟାନ, ନେପାଳ ଓ ମାଳଦ୍ଵୀପର ରାଷ୍ଟ୍ର ପ୍ରମୁଖଙ୍କ ପକ୍ଷରୁ ପ୍ରତିକ୍ରିୟା ପ୍ରକାଶ ପାଇଛି। ଶ୍ରୀଲଙ୍କା ରାଷ୍ଟ୍ରପତି ଗୋଟବାୟା ରାଜପକ୍ଷେ ଟୁଇଟ୍ କରି ଲେଖିଛନ୍ତି ଯେ, କରୋନା ଭୂତାଣୁ ମାମଲାରେ ଶ୍ରୀଲଙ୍କା ଆଲୋଚନା କରିବାକୁ ପ୍ରସ୍ତୁତ। ଏମିତି ଘଡିସନ୍ଧି ମୁହୂର୍ତ୍ତରେ ପ୍ରଧାନମନ୍ତ୍ରୀ ମୋଦୀ ଏକ ଉତ୍ତମ କାର୍ଯ୍ୟ ଆରମ୍ଭ କରିଛନ୍ତି।

ସେହି ପରି ଭୂଟାନ ପ୍ରଧାନମନ୍ତ୍ରୀ ଲୋତେୟ ସେରିଙ୍ଗ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଏହି ପ୍ରସ୍ତାବକୁ ମଧ୍ୟ ସମର୍ଥନ କରିଛନ୍ତି। ସେ ନିଜର ଟୁଇଟରେ ଲେଖିଛନ୍ତି ଯେ, ଏହାକୁ ହିଁ ନେତୃତ୍ଵ କୁହାଯାଏ। କ୍ଷେତ୍ରର ସଦସ୍ୟ ଭାବେ ଆମେ ଆପଣଙ୍କ ସହିତ ଆସିବାକୁ ଚାହୁଁ, ନଚେତ୍ କରୋନା କାରଣରୁ ଅର୍ଥନୀତି ଭୁଶୁଡି ଯାଇପାରେ। ମୁଁ ଏହି ଭିଡିଓ କନଫରେନ୍ସିଂ ଲାଗି ପ୍ରସ୍ତୁତ।

ମାଳଦୀପର ରାଷ୍ଟ୍ରପତି ଇବ୍ରାହିମ ସୋଲିହ ମଧ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଧନ୍ୟବାଦ ଦେଇ ଟୁଇଟ୍ କରି ଲେଖିଛନ୍ତି ଯେ, କରୋନା ଭୂତାଣୁକୁ ହରାଇବା ଲାଗି ଏକ ସଙ୍ଗେ ଆସିବାର ଆବଶ୍ୟକତା ରହିଛି। ଆମେ କ୍ଷେତ୍ରୀୟ ଏକତା ଦେଖାଇବାର ଏହି ପ୍ରସ୍ତାବକୁ ସମର୍ଥନ କରୁଛୁ।

 ନେପାଳର ପ୍ରଧାନମନ୍ତ୍ରୀ କେପି ଶର୍ମା ପ୍ରଧାନମନ୍ତ୍ରୀଙ୍କ ଏହି ପ୍ରସ୍ତାବ ଉପରେ କହିଛନ୍ତି ଯେ, ଆମର ସରକାର ଏହି ଅଭିଯାନରେ ସାମିଲ ହେବାକୁ ପ୍ରସ୍ତୁତ।

ଉଲ୍ଲେଖଯୋଗ୍ୟ, ଶୁକ୍ରବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କରୋନା ଭୂତାଣୁ ପ୍ରସଙ୍ଗରେ ଟୁଇଟ୍ କରି କହିଥିଲେ ଯେ, ସମଗ୍ର ଦୁନିଆ ଏବେ କରୋନା ବିରୋଧରରେ ଲଢେଇ କରୁଛି। ଦକ୍ଷିଣ ଏସିଆ ଦେଶଗୁଡିକରେ ମଧ୍ୟ ଏହାର ପ୍ରଭାବ ଦେଖିବାକୁ ମିଳିଛି। ତେଣୁ ସାର୍କ ଦେଶର ପ୍ରମୁଖଙ୍କୁ ଅପିଲ୍ କରୁଛି ଯେ,ସେମାନେ କରୋନା ଭୂତାଣୁ ବିରୋଧରେ ଲଢେଇ ଲାଗି ଏକଜୁଟ୍  ହୁଅନ୍ତୁ। ପ୍ରଧାନମନ୍ତ୍ରୀ ମୋଦୀ ଭିଡିଓ କନଫରେନ୍ସିଂ ମାଧ୍ୟମରେ ସାର୍କ ଦେଶର ପ୍ରମୁଖଙ୍କୁ କରୋନାର ମୁକାବିଲା ଲାଗି ଆକ୍ସନ ପ୍ଲାନ ପ୍ରସ୍ତୁତ ହୋଇ ପାରିବ ବୋଲି କହିଛନ୍ତି। ଆମେ ଏକାଠି ମିଶି ଦୁନିଆ ପାଇଁ ଏକ ଉଦାହରଣ ସୃଷ୍ଟି କରି ପାରିବା।

   Related Posts