Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୁକୁର ଆକ୍ରମଣରେ ହରିଣ ଗୁରୁତର, ଉଦ୍ଧାର କଲେ ଗାଁ ଲୋକେ…
  • ||
  • କଳାହାଣ୍ଡି : ଘର ବାହାରେ ଶୋଇଥିବା ବେଳେ ମାଡିଗଲା ଟ୍ରକ୍, ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ସାନଖେମୁଣ୍ଡି : କୋଭିଡ୍ କଟକଣା ଉଲଂଘନ କରି ଗାଁରେ ଚାଲିଥିଲା ବାହାଘର ଭୋଜିଭାତ, ବନ୍ଦ କଲା ପ୍ରଶାସନ
  • ||
  • ଚୋରି କରୁଥିଲା ବିଦ୍ୟୁତ ଖୁଣ୍ଟ, ଗାଁ ଲୋକଙ୍କ ହାତରେ ଧରାପଡିଲା ଚୋର
  • ||
  • ରାଜ୍ୟରେ କରୋନା ନେଲା ଆଉ ୨୧ଜଣଙ୍କ ଜୀବନ, ୨୧୬୧ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ୧୧ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୧,୮୦୭ ପଜିଟିଭ୍
  • ||
  • କମିଲା ତାତି : ଆଜି ଏହି ସବୁ ଜିଲ୍ଲାରେ ବଜ୍ରପାତ ସହ କୁଆପଥର ବର୍ଷା ସମ୍ଭାବନା
  • ||
  • ସଂକ୍ରମଣ ରୋକିବାକୁ ରାଜ୍ୟରେ ସାପ୍ତାହିକ ସଟ୍‌ଡାଉନ୍, ଜରୁରୀ ସେବାକୁ ଛାଡ଼ିଦେଲେ ସବୁ ବନ୍ଦ
  • ||

କଲମରେ ଧନୀ ହରିବଂଶ : ପ୍ରଧାନମନ୍ତ୍ରୀ

9/08/2018 at 7:32 AM

ହରିବଂଶ ନାରାୟଣ ସିଂଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କଲମରେ ଧନୀ ବୋଲି ବର୍ଣ୍ଣନା କରିଛନ୍ତି | ହରିବଂଶ ନାରାୟଣ ସିଂ ରାଜ୍ୟସଭାର ଉପାଧ୍ୟକ୍ଷ ଭାବେ ନିର୍ବାଚିତ ହେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ଶୁଭେଚ୍ଛା ଅଭିଭାଷଣ ରଖିଥିଲେ | ଏହି ଅଭିଭାଷଣରେ ସେ କହିଥିଲେ ଯେ, ହରିବଂଶ ନାରାୟଣ ସିଂ ଜଣେ ଧୂରିଣ ସାମ୍ବାଦିକ, ଲେଖକ ଏବଂ ଜଣେ ସମାଜସେବୀ | ତେବେ ଜଣେ ସାମ୍ବାଦିକ ଭାବେ ଏବଂ ଜଣେ ଆଦର୍ଶ ଓ ନୈତିକତା ସମ୍ମପନ୍ନ ବ୍ୟକ୍ତି ଭାବେ ସେ ବେଶ ଆଦୃତ ବୋଲି କହିଥିଲେ | ୧୯୯୦ ନଭେମ୍ବର ମାସରୁ ୧୯୯୧ ଜୁନ ମାସ ପର୍ଯ୍ୟନ୍ତ ଦେଶର ପ୍ରଧାନମନ୍ତ୍ରୀ ଥିବା ଚନ୍ଦ୍ର ଶେଖରଙ୍କ ସେ ଅତିରିକ୍ତ ଗଣମାଧ୍ୟମ ପରାମର୍ଶଦାତା ଥିଲେ | ଚନ୍ଦ୍ର ଶେଖରଙ୍କ ଇସ୍ତଫା ଦେବା ଖବର ହରିବଂଶଙ୍କ ପାଖରେ ପୂର୍ବରୁ ଥିଲା ତଥାପି ସେ ସମ୍ପାଦନା କରୁଥିବା ପ୍ରଭାତ ଖବର ଦୈନିକ ଖବର କାଗଜରେ ତାହା ପ୍ରକାଶ କରିନଥିଲେ | ଏହା ତାଙ୍କ ନୈତିକତାର ନିଦର୍ଶନ ବୋଲି ମୋଦି କହିଥିଲେ | ନିଜ ଅଭିଭାଷଣରେ ହରିବଂଶଙ୍କ ସାମଗ୍ରିକ କ୍ୟାରିଅର ଉପରେ ମଧ୍ୟ ମୋଦି ଆଲୋକପାତ କରିଥିଲେ |
ସେହିଭଳି ହରିବଂଶଙ୍କ ବିଜୟ ପରେ ବରିଷ୍ଠ କଂଗ୍ରେସ ନେତା ଗୁଲାମ ନବୀ ଆଜାଦ ତାଙ୍କୁ ଅଭିନନ୍ଦନ ଜଣାଇବା ସହ ରାଜ୍ୟ ସଭାରେ ନିଜ ଭାଷଣ ରଖିଥିଲେ | ଜଣେ ସାମ୍ବାଦିକ ରାଜ୍ୟ ସଭାର ଉପାଧ୍ୟକ୍ଷ ପଦ ମଣ୍ଡନ କରିଥିବାରୁ ଆଗାମୀ ଦିନରେ ରାଜ୍ୟ ସଭା ଗଣମାଧ୍ୟମରେ ବେଶ ଆଦୃତ ହେବ ଅବୋଲି ଆଶା ପ୍ରକାଶ କରିଥିଲେ |
ରାଜ୍ୟ ସଭା ଉପାଧ୍ୟକ୍ଷ ନିର୍ବାଚନରେ ବିଜୁ ଜନତା ଦଳ ଏନ୍ଡ଼ିଏ ପ୍ରାର୍ଥୀଙ୍କୁ ସମର୍ଥନ କରିଥିବାରୁ ବିଜେପି ନେତା ତଥା କେନ୍ଦ୍ର ମନ୍ତ୍ରୀ ଜୁଏଲ ଓରାମ ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକମନକୁ ଧନ୍ୟବାଦ ଜଣାଇଛନ୍ତି |

   Related Posts