Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ‘ଜଓ୍ଵାଦ’ ପ୍ରଭାବ: ଆସନ୍ତାକାଲି ୧୯ ଜିଲ୍ଲାରେ ସ୍କୁଲ ଛୁଟି
  • ||
  • ରାଜଧାନୀ ଦିଲ୍ଲୀରେ ‘ଓମିକ୍ରନ’ ଆତଙ୍କ ! ବିଦେଶ ଫେରନ୍ତା ୧୨ ରୋଗୀ LNJPରେ ଭର୍ତ୍ତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ରୁଦ୍ରାକ୍ଷ କନଭେନସନ୍ ସେଣ୍ଟରରେ ଜାପାନୀ ବେଶଭୂଷାରେ ମୋଦିଙ୍କୁ କରାଯିବ ସ୍ୱାଗତ

14/07/2021 at 3:27 PM

ବାରାଣାସୀ ୧୪/୦୭ : ବାରାଣାସୀରେ ଜୁଲାଇ ୧୫ ତାରିଖ, ଗୁରୁବାର ଦିନ ରୁଦ୍ରାକ୍ଷ କନଭେନସନ୍ ସେଣ୍ଟର ଉଦଘାଟନ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଜାପାନୀ ପ୍ରତିନିଧିମଣ୍ଡଳଙ୍କୁ ଜାପାନୀ ବେଶଭୂଷା ଓ ସେଠାକାର ସଂସ୍କୃତି ଅନୁସାରେ ସ୍ୱାଗତ କରାଯିବ। ଭାରତ-ଜାପାନର ବନ୍ଧୁତାର ପ୍ରତୀକ ରୁଦ୍ରାକ୍ଷରେ ମୋଦି ପାଖାପାଖି ଘଣ୍ଟେ ରହିବେ। ଏଠାରେ ଜାପାନୀ ବ୍ୟଞ୍ଜନ ମଧ୍ୟ ପରଷାଯିବ। ଜାପାନୀ ବ୍ୟଞ୍ଜନ ସହ ଅତିଥି ବନାରସୀ ବ୍ୟଞ୍ଜନର ମଜା ମଧ୍ୟ ନେବେ।

ନଗର ଆୟୁକ୍ତ ଗୌରାଙ୍ଗ ରାଠି କହିଛନ୍ତି ଯେ ଜାପାନ ସଂସ୍କୃତି ଅନୁସାରେ ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ଆୟୋଜନ କରାଯାଇଛି। ମଲ୍ଟିପରପଜ ହଲରେ ମୋଦି ସହରର ପ୍ରାୟ ୫୦୦ ଜନତାଙ୍କୁ ସମ୍ବୋଧିତ କରିବେ। ଏଥିରେ ପଦ୍ମଶ୍ରୀ ଡ.ରଜନୀକାନ୍ତ, ବ୍ୟବସାୟୀ ରାଜେଶ ଭାଟିଆ, ନିରଜ ପାରେଖ, ଦେବ ଭଟ୍ଟାଚାର୍ଯ୍ୟ, ଅନୁପମା ଦେବା, ରାଜେଶ କୁମାର ସିଂହ, ରାହୁଲ ମେହତା, ଅନିଲ କୁମାର ସିଂହ, ଶ୍ରୀନାରାୟଣ ଖେମକା, ପ୍ରେମ ମିଶ୍ର ଆଦି ସାମିଲ ଅଛନ୍ତି। ମୋଦି ଇଣ୍ଡିଆନ ଇଣ୍ଡଷ୍ଟ୍ରିଜ ଆସୋସିଏସନର ରାଷ୍ଟ୍ରୀୟ ଉପାଧ୍ୟକ୍ଷ ଆରକେ ଚୌଧୁରୀଙ୍କୁ ସମ୍ମାନିତ କରିବେ। କରୋନାର ଦ୍ୱିତୀୟ ଲହର ସମୟରେ ଆରକେ ଚୌଧୁରୀଙ୍କ ତରଫରୁ ଜିଲ୍ଲା ହସ୍ପିଟାଲରେ ଅକ୍ସିଜେନ ପ୍ଲାଣ୍ଟ ଲଗାଇବାଥିବା ଯୋଗୁଁ ତାଙ୍କୁ ସମ୍ମାନିତ କରାଯିବ।

ରୁଦ୍ରାକ୍ଷରେ ପ୍ରଧାନମନ୍ତ୍ରୀ ମୋଦିଙ୍କୁ କାଠର ଶିଳ୍ପରେ ପ୍ରସ୍ତୁତ ରୁଦ୍ରାକ୍ଷର ମଡେଲ ଉପହାର ଦିଆଯିବ। ଏହାକୁ ନ୍ୟାସନାଲ ପୁରସ୍କାର ପ୍ରାପ୍ତ ରାମେଶ୍ୱର ସିଂହ ଏବଂ ରାଜ୍ୟ ପୁରସ୍କାର ପ୍ରାପ୍ତ ରାଜକୁମାର ପ୍ରସ୍ତୁତ କରିଛନ୍ତି। ଲଲ୍ଲାପୁରା ବାସିନ୍ଦା ମାଷ୍ଟର ଶିଳ୍ପୀ ମୁମତାଜ ଅଲି ଜରଦୋଜି ଓ ରୁଦ୍ରାକ୍ଷ ଦାନରେ ଅଙ୍ଗବସ୍ତ୍ରମ ତିଆରି କରାଯାଇଛି। ଏହା ମୋଦିଙ୍କୁ ପିନ୍ଧାଯିବ। ଏଥିରେ ଜରିରେ ରୁଦ୍ରାକ୍ଷ ଲେଖାଯାଇଛି। ଏହାକୁ ତିଆରି କରିବାକୁ ୮ ଦିନ ସମୟ ଲାଗିଥିଲା। ଜିଆଇ ବିଶେଷଜ୍ଞ ଡକ୍ଟର ରଜନୀକାନ୍ତ କହିଛନ୍ତି ଯେ ପ୍ରଧାନମନ୍ତ୍ରୀଙ୍କୁ ଅଭିନନ୍ଦନ ଜଣାଇବା ପାଇଁ ରୁଦ୍ରାକ୍ଷ ମଡେଲ ଏବଂ ଅଙ୍ଗବସ୍ତ୍ରମ ପ୍ରଶାସନକୁ ହସ୍ତାନ୍ତର କରାଯାଇଛି।

   Related Posts