Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

୩ ବର୍ଷ ହେଲା ଯୋଗ ଦିବସରେ ମୋଦି ବ୍ୟବହାର କରୁଛନ୍ତି ଏହି ଗାମୁଛା : କ’ଣ ଏହାର ରହସ୍ୟ

21/06/2019 at 2:23 PM

ନୂଆଦିଲ୍ଲୀ ୨୧/୬ : ଆଜି ପଞ୍ଚମ ଆନ୍ତଜାତୀୟ ଯୋଗ ଦିବସ । ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଝାରଖଣ୍ଡ ରାଜଧାନୀ ରାଞ୍ଚିରେ ହଜାର ହଜାର ସଂଖ୍ୟକ ଲୋକଙ୍କ ସହ ଯୋଗ କରିଛନ୍ତି । ମୋଦି ଏଠାରେ ୪୫ ମିନିଟରେ ୧୩ଟି ଯୋଗାସନ କରିଛନ୍ତି । ଯୋଗ କଲାବେଳେ ମୋଦିଙ୍କ ବେକରେ ତାଙ୍କର ପ୍ରିୟ ଗାମୁଛା ଥିଲା । ଗତ ୩ ବର୍ଷ ହେଲା ଯୋଗ ଦିବସରେ ମୋଦି ଏହି ଗାମୁଛା ହିଁ ବ୍ୟବହାର କରୁଛନ୍ତି । ଆସନ୍ତୁ ଜାଣିବା ଏହି ଗାମୁଛାର ବିଶେଷତ୍ୱ ।

ଭାରତର ଉତ୍ତରପୂର୍ବ ଆସାମ ସହ ଏହି ଗାମୁଛାର ବିଶେଷ ସମ୍ପର୍କ ରହିଛି । ଏହା ଏକ ଆସାମୀ ଗାମୁଛା । ଏହି ଗାମୁଛା ଅନେକ ସମୟରେ ମୋଦି ନିଜ ବେକରେ ପକାଇବା ଆପଣମାନେ ଦେଖିଥିବେ । ଏହି ଗାମୁଛା ବେକରେ ପକାଇ ମୋଦି ଅନେକ କାର୍ଯ୍ୟକ୍ରମରେ ଯୋଗ ଦେଇଛନ୍ତି ।

ଗତ ୩ବର୍ଷ ହେଲା ଯୋଗ ଦିବସରେ ମୋଦି ଏହି ଗାମୁଛା ବ୍ୟବହାର କରୁଛନ୍ତି । ତା ପୂର୍ବରୁ ଏକ ତ୍ରିରଙ୍ଗା ଏବଂ ତ୍ରିଭୁଜାକାର ଗାମୁଛା ବ୍ୟବହାର କରୁଥିଲେ । ଏହି ଆସାମୀ ଗାମୁଛା ଦେଶରେ ବହୁତ ଲୋକପ୍ରିୟ ।

ଏହି ଗାମୁଛାର ଫ୍ୟାବରିକ ବହୁତ ସଫ୍ଟ । ଏଥିରେ କେବଳ ଝାଳ ସଫା ହୋଇନଥାଏ ବରଂ ଏହା ଶରୀରର ତାପମାତ୍ରା ମଧ୍ୟ କମାଇଥାଏ । 

ଆପଣ ଜାଣି ଆଶ୍ଚର୍ଯ୍ୟ ହେବେ ଯେ, ଏହି ଆସାମୀ ଗାମୁଛା ଗିନିଜ ବୁକ ଅଫ ୱାର୍ଲଡ ରେକର୍ଡରେ ସାମିଲ ହୋଇଛି । ଏହା ଦୁନିଆର ସବୁଠାରୁ ଲମ୍ବା ଗାମୁଛା । ଏହାର ଲମ୍ବା ପାଖାପାଖି ୧୪୫୫.୩ ମିଟର । ଏହି ଗାମୁଛା ସମ୍ପୂର୍ଣ ସୁତିରେ ତିଆରି । ସୁତିରେ ତିଆରି ଏହି ଗାମୁଛାର ଦୁଇପଟେ ନାଲି ରଙ୍ଗ ସୁତାରେ କଢାଇ ଡିଜାଇନ କରାଯାଇଥାଏ ।

ପ୍ରଧାନମନ୍ତ୍ରୀ ମୋଦି ଯୋଗ ଛଡା ଅନ୍ୟ ବିଶେଷ କାର୍ଯ୍ୟକ୍ରମରେ ମଧ୍ୟ ଏହି ଗାମୁଛାରେ ନଜର ଆସିଛନ୍ତି । ବିଭିନ୍ନ କାର୍ଯ୍ୟକ୍ରମକୁ ସମ୍ବୋଧନ କଲାବେଳେ ମଧ୍ୟ ସେ ଏହି ଗାମୁଛା ବେକରେ ପକାଇଥାନ୍ତି ।

   Related Posts