Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଣତନ୍ତ୍ର ଦିବସରେ ୩୮୪ଜଣଙ୍କୁ ମିଳିବ ବୀରତା ପୁରସ୍କାର, ଘୋଷଣା କଲେ ରାଷ୍ଟ୍ରପତି
  • ||
  • ୟୁପି ନିର୍ବାଚନ ପୂର୍ବରୁ କଂଗ୍ରେସକୁ ଝଟକା : ଇସ୍ତଫା ଦେଲେ ଆରପିଏନ୍ ସିଂହ, ବିଜେପିରେ ହେବେ ସାମିଲ୍
  • ||
  • ଫୁଟବଲ ମ୍ୟାଚ୍ ଦେଖିବା ପାଇଁ ଦଳାଚକଟା : ୬ ମୃତ, ୫୦ରୁ ଅଧିକ ଗୁରୁତର
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ବ୍ଲକ୍ ସେକ୍ସନ୍ ଅଫିସର୍, ଏକକାଳୀନ ୩ଟି ସ୍ଥାନରେ ଚଢାଉ
  • ||
  • ନିର୍ବାଚନ ପ୍ରଚାର ବେଳେ ଉତ୍ତେଜନା : କୋଭିଡ୍ କଟକଣା ଭାଙ୍ଗି କରୁଥିଲେ ସଭା, ୨ ଗୋଷ୍ଠୀ ମୁହାଁମୁହିଁ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୩୨କୁ ବୃଦ୍ଧି
  • ||
  • ରାଜ୍ୟରେ ଖସିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୮୯୧ କୋଭିଡ୍ ପଜିଟିଭ୍, ୧୨୧୭୮୪୨ରେ ପହଞ୍ଚିଲା ସଂଖ୍ୟା
  • ||
  • ମଙ୍ଗଳବାରଠୁ ଓଡିଶା ଓପନ୍ ବ୍ୟାଡମିଣ୍ଟନ୍, ଭାଗନେବେ ୧୭ ଦେଶର ୩୫୦ ପ୍ରତିଯୋଗୀ
  • ||
  • ସମାଧାନ ପାଇଁ ଯାଇଥିଲେ ମହିଳା ଏସଆଇ, ୨ ଘଣ୍ଟା ଅଟକ ରଖିଲେ ଗ୍ରାମବାସୀ
  • ||
  • ଇନ୍ଦୋରରେ ଓମିକ୍ରନ୍ ଭାରିଆଣ୍ଟର ନୂଆ ଷ୍ଟ୍ରେନ୍, ୬ ଶିଶୁଙ୍କ ସମେତ ୧୨ ରୋଗୀ ସଂକ୍ରମିତ
  • ||

ଏଏମ୍ୟୁରେ ପ୍ରଧାନମନ୍ତ୍ରୀଙ୍କ ଆପତ୍ତିଜନକ ପୋଷ୍ଟର ଦେଖି ରାଗିଲେ ଡୋଭାଲ, କରିଲେ ଏମିତି ଟୁଇଟ୍

22/08/2019 at 5:22 PM

ନୂଆଦିଲ୍ଲୀ୨୨|୮: ଜାମ୍ମୁ କାଶ୍ମୀରରୁ ଧାରା ୩୭୦ ହଟିବା ବିରୋଧରେ ଲଣ୍ଡନରେ ଏକ ବିରୋଧ ପ୍ରଦର୍ଶନ ହୋଇଥିଲା । ଏଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଏକ ଆପତ୍ତିଜନକ ପୋଷ୍ଟର ପ୍ରଦର୍ଶିତ ହୋଇଥିଲା । ତେବେ ଏହି ପୋଷ୍ଟର ଏବେ ଆଲିଗଡ ମୁସଲିମ ବିଶ୍ବବିଦ୍ୟାଳୟ (ଏଏମ୍‌ୟୁ) କାମ୍ପସରେ ଲଗାଯିବା ନେଇ ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ କ୍ଷୋଭ ପ୍ରକାଶ କରିଛନ୍ତି । ଟୁଇଟ ଜରିଆରେ ଏଭଳି କରିଥିବା ଛାତ୍ରଙ୍କ ବିରୋଧରେ ରାଜ୍ୟର ମୁଖ୍ୟମନ୍ତ୍ରୀ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ ବୋଲି ସେ ଦାବୀ କରିଛନ୍ତି ।

ଗତ ମଙ୍ଗଳବାରଠାରୁଏହି ଘଟଣା ସମଗ୍ର ଦେଶରେ ହଇଚଇ ସୃଷ୍ଟି କରିଛି। ଏହି ପୋଷ୍ଟର ଏକ ଗ୍ରୁପ୍‌ରେ ସେୟାର କରିଥିବାରୁ ଅଲ୍ଲୀଗଡର ପୋଲିସ ଏଏମ୍‌ୟୁର ଜଣେ ଛାତ୍ରକୁ ଗିରଫ ମଧ୍ୟ କରିଛି। ପ୍ରଧାନମନ୍ତ୍ରୀଙ୍କର ଏହି ଆପତ୍ତିଜନକ ପୋଷ୍ଟର ସୋସିଆଲ ମିଡିଆରେ ଏବେ ଭାଇରାଲ ହେବାରେ ଲାଗିଛି।

ଆଲିଗଡ ମୁସଲିମ ବିଶ୍ବବିଦ୍ୟାଳୟରେ ଏଭଳି ପୋଷ୍ଟର ଲାଗିଛି ବୋଲି ଦିଲ୍ଲୀ ନିବାସୀ ତଥା ଏଏମୟୁର ପୂର୍ବତନ ଛାତ୍ର  ରାଜେଶ୍ବର ସିଂହ ସୋସିଆଲ ମିଡିଆରେ ପୋଷ୍ଟ କରି ସମସ୍ତଙ୍କ ଧ୍ୟାନ ଆକର୍ଷଣ କରିଥିଲେ । ସେ ଲେଖିଥିଲେ ଯେ,  ଏଭଳି ହେବା ନିନ୍ଦନୀୟ।  ଅଭିଯୁକ୍ତଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବା ଉଚିତ୍‌ ବୋଲି  ସେ ଦାବୀ କରିଥିଲେ। ଏପରିକି ରାଜେଶ ଅଲ୍ଲୀଗଡ ପୋଲିସ, ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ ଓ ଅନ୍ୟାନ୍ୟଙ୍କ ପାଖରେ ମଧ୍ୟ ଏ ନେଇ ଅଭିଯୋଗ କରିଥିଲେ। ଏହି ମାମଲା ବ୍ୟାପିବା ପରେ ଅଲ୍ଲୀଗଡ ପୋଲିସ ଯାଞ୍ଚ ଆରମ୍ଭ କରିଥିଲା।

ଏହି ମାମଲା ନେଇ ଅଜିତ୍‌ ଡୋଭାଲ କ୍ଷୋଭ ପ୍ରକାଶ କରି ଟୁଇଟ୍‌ କରିଛନ୍ତି। ସେ କହିଛନ୍ତି ଯେ, ଏଏମ୍‌ୟୁରେ ଯଦି ଏଭଳି ପୋଷ୍ଟର ଲାଗିବ ତାହେଲେ ସେଠି ପଢିବାର କୌଣସି ଫାଇଦା ନାହିଁ। ଯେଉଁମାନଙ୍କ ଭାବନା ଏତେ ଖରାପ ସେମାନେ ପାଠ ପଢି କଣ କରିବେ। ଏହା ବ୍ୟତୀତ ସେ ପୋଷ୍ଟର ଲଗାଇଥିବା ବ୍ୟକ୍ତଙ୍କୁ ଦଣ୍ଡ ଦେବା ପାଇଁ ମୁଖ୍ୟମନ୍ତ୍ରୀଙ୍କ ନିକଟରେ ଦାବୀ କରିଛନ୍ତି।

ଅପରପକ୍ଷରେ ଆଲିଗଡ ମୁସଲିମ ବିଶ୍ବବିଦ୍ୟାଳୟର ସୁରକ୍ଷା ଅଧିକାରୀ କହିଛନ୍ତି ଯେ, ଭାଇରାଲ ହୋଇଥିବା ପୋଷ୍ଟର ସହ ବିଶ୍ବବିଦ୍ୟାଳୟର କୌଣସି ସମ୍ପର୍କ ନାହିଁ।   ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆପତ୍ତିଜନକ ପୋଷ୍ଟର ଭାଇରାଲ କରିବା ମାମଲାରେ ପୋଲିସ ଜମାଲପୁରର ମଧ୍ୟ ଜୈଦ ନାମକ ଜଣେ ଛାତ୍ରଙ୍କୁ ଗିରଫ କରିଛି। ପଚରାଉଚୁରାରୁ ଜଣା ପଡିଛି ଯେ, ବିହାରର କିଶନଗଂଜ ସ୍ଥିତ ଏଏମ୍‌ୟୁ ଅନୁବନ୍ଧିତ ଏକ କଲେଜର ଜଣେ ଏମ୍‌ବିଏ ପ୍ରଥମ ବର୍ଷର ଛାତ୍ର ଏହି ପୋଷ୍ଟରକୁ ନିଜ ରାଜ୍ୟରେ ସେୟାର କରୁଥିଲା।

ସୋସିଆଲ ମିଡିଆରେ ଭାଇରାଲ ହୋଇଥିବା ପୋଷ୍ଟରର ଯାଞ୍ଚରୁ ଜଣା ପଡିଛି ଯେ, ଏହି ପୋଷ୍ଟର ଆଲିଗଡ ମୁସଲିମ ବିଶ୍ବବିଦ୍ୟାଳୟ କେମ୍ପସରେ ଲଗାଯାଇନଥିଲା। ଏହା ଅନ୍ୟ ସ୍ଥାନର ପୋଷ୍ଟର ଯାହା ଭୁଲରେ ଲିଙ୍କ ହୋଇଥିଲା। ୩୭୦ ଧାରା ଉଚ୍ଛେଦ ପରିପ୍ରେକ୍ଷୀରେ ଲଣ୍ଡନରେ ବିରୋଧ ପ୍ରଦର୍ଶନ ବେଳେ ଏହି ପୋଷ୍ଟରକୁ ବ୍ୟବହାର କରାଯାଇଥିଲା ।  

   Related Posts