ଭୁବନେଶ୍ବର ୨୪|୧୨ : ଦିନିକିଆ ଓଡିଶା ଗସ୍ତରେ ଆସିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଓଡିଶା ଗସ୍ତରେ ଆସି ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଉଦଘାଟନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆଇଆଇଟି ଭୁବନେଶ୍ବରକୁ ଦେଶ ଉଦ୍ଦେଶ୍ୟରେ ଲୋକାର୍ପିତ କରିବା ସହ ବ୍ରହ୍ମପୁର ଆଇଜରର ଶିଳାନ୍ୟାସ କରିଛନ୍ତି । ଏହାସହ ୧୪ ହଜାର କୋଟି ଟଙ୍କାର ୧୩ଟି ପ୍ରକଳ୍ପର ଭିତ୍ତିପ୍ରସ୍ତର ଓ ଶିଳାନ୍ୟାସ କରିଛନ୍ତି । ଏହି ସମୟରେ ପାଇକ ବିଦ୍ରୋହ ୨୦୦ ବର୍ଷ ପୂର୍ତ୍ତି ଅବସରରେ ଡାକ ଟିକଟ ଉନ୍ମୋଚନ କରିଛନ୍ତି । ପୂର୍ବ ଭାରତର ବିକାଶ ଲାଗି କେନ୍ଦ୍ର ପ୍ରତିଶ୍ରୁତିବଦ୍ଧ । ଓଡିଶାରେ ପୂର୍ବ ଭାରତର ପେଟ୍ରୋଲିୟମ ହବ୍ ହେବବୋଲି ମୋଦି କହିଛନ୍ତି ।
{"id":66764}ଆଇଆଇଟିରେ ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଉଦଘାଟନ କରିବା ପରେ ଖୋର୍ଦ୍ଧା ଗୋଶାଳା ପଡିଆରେ ଆୟୋଜିତ ସ୍ବାଭିମାନ ସମାବେଶରେ ଯୋଗଦେଇଥିଲେ ପ୍ରଧାନମନ୍ତ୍ରୀ । ସେଠାରେ ଜୟ ଜଗନ୍ନାଥ କହି ନିଜର ଅଭିଭାଷଣ ଆରମ୍ଭ କରିଥିଲେ ମୋଦି । ଏହା ସହ ବୀର ମାଟି ବରୁଣେଇରେ ପାଦ ଦେଇଥିବାରୁ ସେ ନିଜକୁ ଧନ୍ୟ ମନେକରିଛନ୍ତି ବୋଲି କହିଥିଲେ । ପାଇକ ବିଦ୍ରୋହର କେନ୍ଦ୍ରବିନ୍ଦୁ ଓଡିଶା । ଏଠାରେ ଜନ୍ମ ନେଇଥିବା ବୀର ପାଇକମାନଙ୍କ ସ୍ମୃତିଚାରଣ କରିଥିଲେ ମୋଦି । ଓଡିଶାର ସର୍ବାଙ୍ଗୀନ ଉନ୍ନତି ପାଇଁ ପ୍ରତିଶ୍ରୃତିବଦ୍ଧ ବୋଲି ସେ କହିଥିଲେ ।