Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପିରେ ବଡ ଧରଣର ଦୁର୍ଘଟଣା, ଖେରୀ ଘାଘରା ନଦୀରେ ଓଲଟିଲା ଡଙ୍ଗା, ୧୦୦ ଭାସିଗଲେ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୯ କୋଭିଡ୍ ପଜିଟିଭ୍
  • ||
  • ଓ୍ୱାର୍ମ ଅପ୍ ମ୍ୟାଚରେ ମୁହାଁମୁହିଁ ହେବେ ଭାରତ-ଅଷ୍ଟ୍ରେଲିଆ, କଙ୍ଗାରୁ ବାହିନୀକୁ ମାତ୍ ଦେବାକୁ ତୟାର ବିରାଟ ଏଣ୍ଡ କୋ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୪ ହଜାରରୁ ଅଧିକ କରୋନା ପଜିଟିଭ୍, ୧୯୭ ମୃତ
  • ||
  • ଆଜି କୁମାର ପୂର୍ଣ୍ଣିମା : ମା’ ବୃନ୍ଦାବତୀଙ୍କ ନିକଟରେ ଆଞ୍ଜୁଳି ଟେକିଲେ କୁମାରୀ
  • ||
  • ପୁରୀ : ଦାଦାବଟିକୁ କେନ୍ଦ୍ରକରି ମହିଳାଙ୍କୁ ଗୁଳିମାଡ଼, ପୂର୍ବରୁ ମିଳିଥିଲା ଧମକ
  • ||
  • ଜଗତସିଂହପୁର : କେନାଲର ଭାସୁଛି ଏକ ଗଳିତ ମୃତଦେହ, ୩ ଅଭିଯୁକ୍ତ ଅଟକ
  • ||

ଆମେରିକା ଉପରାଷ୍ଟ୍ରପତି କମଲା ହାରିସ୍‌ଙ୍କୁ ଭେଟିବେ ପିଏମ୍‌ ମୋଦି, ଓ୍ବାଶିଂଟନ ଦେଖିବ ୨ ଭାରତୀୟଙ୍କ ସଂଯୋଗ

23/09/2021 at 4:09 PM

ନୂଆଦିଲ୍ଲୀ ୨୩/୦୯ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୩ ଦିନିଆ ଗସ୍ତରେ ଆମେରିକାରେ ପହଞ୍ଚିସାରିଛନ୍ତି । ଆମେରିକା ନିର୍ବାଚନ ପରେ ଏହା ମୋଦିଙ୍କର ପ୍ରଥମ ଗସ୍ତ ହୋଇଥିବା ବେଳେ ରାଷ୍ଟ୍ରପତି ହେବା ପରେ ପ୍ରଥମ ଥର ପାଇଁ ବାଇଡେନଙ୍କୁ ଭେଟିବେ ମୋଦି । ଏହା ସହିତ ବହୁ ଗୁରୁତ୍ବପୂର୍ଣ୍ଣ ପ୍ରସଙ୍ଗରେ ଉଭୟ ଦେଶ ମଧ୍ୟରେ ଆଲୋଚନା ହେବାର କାର୍ଯ୍ୟକ୍ରମ ରହିଛି । ଆମେରିକା ଉପରାଷ୍ଟ୍ରପତି ତଥା ଭାରତୀୟ ବଂଶୋଭବ ମହିଳା କମଲା ହାରିସ୍‌ଙ୍କୁ ମଧ୍ୟ ମୋଦି ଭେଟିବାର କାର୍ଯ୍ୟକ୍ରମ ରହିଛି । କମଲା ହାରିସଙ୍କ ସହିତ ଭେଟକୁ ନେଇ ଆରେମିକାରେ ୨ ଭାରତୀୟଙ୍କ କନେକ୍ସନ୍‌ ହେବ ବୋଲି କୁହାଯାଉଛି ।

ଆମେରିକା ଉପରାଷ୍ଟ୍ରପତି କମଲା ହାରିସ୍‌ ଏବଂ ପ୍ରଧାନମନ୍ତ୍ରୀ ମୋଦିଙ୍କ ଭେଟଘାଟକୁ ବେଶ ଗୁରୁତ୍ବପୂର୍ଣ୍ଣ କୁହାଯାଉଛି । କାରଣ ଏହା ପ୍ରଥମ ଥର ପାଇଁ ହେଉଛି ଯାହାକି, ଜଣେ ଭାରତୀୟ ବଂଶୋଭବ ଆମେରିକୀୟ ଉପରାଷ୍ଟ୍ରପତି ଜଣେ ଭାରତୀୟ ପ୍ରଧାନମନ୍ତ୍ରୀଙ୍କୁ ଆମେରିକାରେ ସ୍ବାଗତ କରୁଛନ୍ତି ।

ମୋଦିଙ୍କ ଗସ୍ତକୁ ନେଇ ଆମେରିକା ଗଣମାଧ୍ୟମରେ ମଧ୍ୟ ଚର୍ଚ୍ଚା​‌ ଜୋର ଧରିଛି । The Los Angeles Times ଲେଖିଛି ଯେ, ‘ଆମେରିକାରେ ରହୁଥିବା ଭାରତୀୟ ସମୁଦାୟଙ୍କ ପାଇଁ ଏହା ଏକ ଐତିହାସିକ ମୂହୁର୍ତ୍ତ’ । ୫୬ ବର୍ଷୀୟ କମଲା ହାରିସ୍‌ ଆରେମିକାର ପ୍ରଥମ ମହିଳା ଉପରାଷ୍ଟ୍ରପତି ଏବଂ ଭାରତୀୟ ବଂଶୋଭବ ।

ମୋଦି ସେଠାରେ ପ୍ରଥମେ ବିଭିନ୍ନ କମ୍ପାନୀର ସିଇଓଙ୍କ ସହିତ ବ୍ୟବସାୟିକ କାରବାର ନେଇ ଆଲୋଚନା କରିବେ । ପରେ ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କୁ ଭେଟିବା ପୂର୍ବରୁ ଉପରାଷ୍ଟ୍ରପତି କମଲା ହାରିସ୍‌ଙ୍କୁ ଭେଟିବେ ମୋଦି । ମୋଦି ଏବଂ ବାଇଡେନ୍‌ଙ୍କ ମଧ୍ୟରେ ଦୁଇ ଦେଶ ମଧ୍ୟରେ ବିଭିନ୍ନ ପ୍ରସଙ୍ଗ ଯେପରିକି ବ୍ୟବସାୟିକ କାରବାର, ଆତଙ୍କବାଦୀ କାର୍ଯ୍ୟକଳାପ ଏବଂ ଆଫଗାନିସ୍ତାନ ପ୍ରସଙ୍ଗରେ ଆଲୋଚନା ହେବ ।

ଉପରାଷ୍ଟ୍ରପତି କମଲା ହାରିସ ଭାରତୀୟ ବଂଶୋଭବ । ତାଙ୍କ ମା ତାମିଲନାଡୁ ଚେନ୍ନାଇର ବସିନ୍ଦା ଥିଲେ । କମଲା ହାରିସ୍‌ ଉପରାଷ୍ଟ୍ରପତି ଭାବେ ଶପଥ ନେବାପରେ ଭାରତରେ ମଧ୍ୟ ଉତ୍ସବ ମନାଯାଉଥିଲା । କରୋନା ମହାମାରୀ ପରେ ଏହା ମୋଦିଙ୍କର ପ୍ରଥମ ଆମେରିକା ଗସ୍ତ । ଏହି ଗସ୍ତରେ ଅନେକ ଗୁରୁତ୍ବପୂର୍ଣ୍ଣ ପ୍ରସଙ୍ଗ ଏବଂ ବୈଠକରେ ଯୋଗଦେବେ । କ୍ବାଡ୍‌ ଦେଶମାନଙ୍କ ସହିତ ବିଭିନ୍ନ ପ୍ରସଙ୍ଗରେ ହେବାକୁ ଥିବା ବୈଠକରେ ସମ୍ବୋଧିତ କରି​‌ବେ ।

   Related Posts