Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଶ୍ଵସ୍ତି: କମୁଛି କରୋନା ପ୍ରଭାବ, ୨୪ ଘଣ୍ଟାରେ ଆରୋଗ୍ୟ ହେଲେ ୮୦୯ ସଂକ୍ରମିତ
  • ||
  • ଡିସେମ୍ବର-ଜାନୁଆରୀ ସମସ୍ତଙ୍କ ପାଇଁ ଗୁରୁତ୍ବପୂର୍ଣ୍ଣ: ଭୁବନେଶ୍ବର ଷ୍ଟେସନ ଓ ଏୟାରପୋର୍ଟରେ କରିପାରିବେ କୋଭିଡ୍‌ ଟେଷ୍ଟ
  • ||
  • ପରୀ ବାପା-ମା’ଙ୍କୁ ଭେଟିଲେ ବିଜେପି ଟିମ୍, ସିବିଆଇ ତଦନ୍ତ ଦାବି
  • ||
  • ରାଉରକେଲା : ଚଳନ୍ତା ଟ୍ରେନ୍‌ର ଟୟଲେଟ୍‌ରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଅଭିଯୁକ୍ତ ଯୁବକ ଗିରଫ
  • ||
  • କଟକ : ପୁଣି ଏକ ନକଲି ଘିଅ କମ୍ପାନୀରେ ଚଢାଉ, କୋଟିଏ ଟଙ୍କାର ଅପମିଶ୍ରିତ ସାମଗ୍ରୀ ଜବତ
  • ||
  • ପ୍ରେମ: ସେୟାର ଚାଟ୍‌ରୁ ଆରମ୍ଭ ଫେସବୁକରେ ଶେଷ, ସୋସିଆଲ ମିଡିଆରେ ପ୍ରେମିକାଙ୍କ ଅଶ୍ଲୀଳ ଫଟୋ ପୋଷ୍ଟ କଲେ ପ୍ରେମିକ
  • ||
  • ନୂଆପଡା : ମେଡିକାଲରେ ଚାକିରୀ ଦେବାକୁ କହି ଠକୁଥିଲା ଯୁବକ, ଗିରଫ କଲା ପୋଲିସ
  • ||
  • ସମ୍ବଲପୁର : ଦନ୍ତା ହାତୀର ମୃତଦେହ ଠାବ, ବିଦ୍ୟୁତ୍ ତାର ସଂସ୍ପର୍ଶରେ ଆସି ମୃତ୍ୟୁ ଅଭିଯୋଗ
  • ||
  • ଗଞ୍ଜାମ : ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ନାଁରେ ବିଜେପି ଓ କଂଗ୍ରେସ ପକ୍ଷରୁ ଏତଲା
  • ||
  • ପୁରୀ : ଅନଲାଇନରେ ନିର୍ମାଲ୍ୟ ବିକ୍ରି କରିବା ନେଇ ସିଂହଦ୍ବାର ଥାନାରେ ଆମାଜନ ଇଣ୍ଡିଆ ବିରୋଧରେ ସେବାୟତଙ୍କ ଏତଲା
  • ||

ଅଯୋଧ୍ୟା ରାୟ ପ୍ରସଙ୍ଗରେ ଦେଶବାସୀଙ୍କୁ ପ୍ରଧାନମନ୍ତ୍ରୀଙ୍କ ଉଦବୋଧନ

9/11/2019 at 8:51 PM

ନୂଆଦିଲ୍ଲୀ – ଅଯୋଧ୍ୟା ମାମଲାରେ ରାୟ ଆସିବା ପରେ ପ୍ରଧାନମନ୍ତ୍ରୀ ମୋଦୀ ସନ୍ଧ୍ୟାରେ ଦେଶବାସୀଙ୍କ ଉଦ୍ୟଶରେ ଉଦବୋଧନ ଦେଇଛନ୍ତି । ଏବେ ଦେଶର ବିକାଶ ପାଇଁ କାମ କରିବାର ସମୟ ଆସିଛି ବୋଲି କହିଛନ୍ତି ।


ପଢନ୍ତୁ ପ୍ରଧାନମନ୍ତ୍ରୀଙ୍କ ଉଦବୋଧନର ସମ୍ପୂର୍ଣ୍ଣ ବିବରଣୀ

ମୋର ପ୍ରିୟ ଦେଶବାସୀ,
ମୁଁ ସାରା ଦିନ ପଞ୍ଜାବରେ ଥିଲି। ମୋର କର୍ତବ୍ୟ ହେଉଛି କି ମୁଁ ଆପଣମାନଙ୍କ ସହିତ ସିଧାସଳଖ କଥା ହୁଏ। ଆଜି ସୁପ୍ରିମକୋର୍ଟ ଏକ ଏପରି ଗୁରୁତ୍ୱପୂର୍ଣ୍ଣ ମାମଲାରେ ରାୟ ଦେଇଛନ୍ତି, ଯାହା ପଛରେ ଶହ ଶହ ବର୍ଷର ଏକ ଇତିହାସ ରହିଛି। ସାରା ଦେଶର ଇଚ୍ଛା ଥିଲା ଯେ ଏହି ମାମଲାରେ ନ୍ୟାୟାଳୟରେ ପ୍ରତ୍ୟେକ ଦିନ ଶୁଣାଣି ହେଉ, ସେପରି ହେଲା, ଏବଂ ଆଜି ରାୟ ଆସିସାରିଛି। ଦଶନ୍ଧି ଧରି ଜାରି ରହିଥିବା ନ୍ୟାୟିକ ପ୍ରକ୍ରିୟା ଏବେ ଶେଷ ହୋଇଛି।


ସାରା ବିଶ୍ୱ ଏହା ଗ୍ରହଣ କରିଥାଏ ଯେ ଭାରତ ବିଶ୍ୱର ସବୁଠୁ ବଡ଼ ଗଣତାନ୍ତ୍ରିକ ଦେଶ କିନ୍ତୁ ଆଜି ବିଶ୍ୱ ଏହା ମଧ୍ୟ ଜାଣିଲା ଯେ ଭାରତର ଗଣତନ୍ତ୍ର କେତେ ଜୀବନ୍ତ ଏବଂ ମଜବୁତ। ଆଜି ରାୟ ପ୍ରକାଶ ପାଇବା ପରେ, ଯେପରି ଭାବେ ପ୍ରତ୍ୟେକ ସମ୍ପ୍ରଦାୟ, ପ୍ରତ୍ୟେକ ଧର୍ମ ଏବଂ ସାରା ଦେଶର ଲୋକମାନେ, ଖୋଲା ହୃଦୟରେ ଏହାକୁ ସ୍ୱୀକାର କଲେ, ଏହା ଭାରତର ପୁରାତନ ସଂସ୍କୃତି, ପରମ୍ପରା ଏବଂ ସୌହାର୍ଦ୍ଦ୍ୟ ଭାବନାକୁ ପ୍ରତିଫଳିତ କରୁଛି। ଭାଇ ଓ ଭଉଣୀମାନେ, ଭାରତର ପରିଚୟ-ବିବିଧତା ମଧ୍ୟରେ ଏକତା, ଆଜି ଏହି ମନ୍ତ୍ର ସମ୍ପୂର୍ଣ୍ଣ ଭାବେ ଚରିତାର୍ଥ ହୋଇଥିବା ସ୍ପଷ୍ଟ ଭାବେ ଦେଖିବାକୁ ମିଳୁଛି।
ହଜାର ହଜାର ବର୍ଷ ପରେ ମଧ୍ୟ ଯଦି କାହାକୁ ବିବିଧତାରେ ଏକତା, ଭାରତର ଏହି ପ୍ରାଣତତ୍ୱ ବିଷୟରେ ବୁଝାଇବାକୁ ହେବ ତ’ ସେ ଆଜିର ଐତିହାସିକ ଦିନ, ଆଜିର ଘଟଣାକୁ ଉଦାହରଣ ଭାବେ ନେଇପାରିବେ, ଯାହାକୁ ଆମେ ସମସ୍ତେ ମିଶି ନିଜେ ଲେଖିଛୁ, ରଚନା କରିଛୁ।


ଭାରତର ନ୍ୟାୟପାଳିକା ଇତିହାସରେ ମଧ୍ୟ ଆଜିର ଏହି ଦିନ ଏକ ସ୍ୱର୍ଣ୍ଣିମ ଅଧ୍ୟାୟ ଭଳି। ଏହି ପ୍ରସଙ୍ଗରେ ଶୁଣାଣି ସମୟରେ ସୁପ୍ରିମକୋର୍ଟ ସମସ୍ତ ପକ୍ଷଙ୍କୁ ଶୁଣିଥିଲେ, ଅତ୍ୟନ୍ତ ଧୈର୍ଯ୍ୟର ସହ ଶୁଣିଥିଲେ ଏବଂ ସର୍ବସମ୍ମତିକ୍ରମେ ରାୟ ଦେଇଥିଲେ। ଏହା ସରଳ କାର୍ଯ୍ୟ ନୁହେଁ। ସୁପ୍ରିମକୋର୍ଟ ଏହି ରାୟ ପଛରେ ଦୃଢ଼ ଇଚ୍ଛାଶକ୍ତି ବ୍ୟକ୍ତ କରିଛନ୍ତି। ସେଥିପାଇଁ ଦେଶର ନ୍ୟାୟାଧୀଶ, ନ୍ୟାୟାଳୟ ଏବଂ ଆମର ନ୍ୟାୟିକ ବ୍ୟବସ୍ଥା ଅଭିନନ୍ଦନ ପାଇବାର ହକଦାର।


୯ ନଭେମ୍ବର ହେଉଛି ସେହି ତାରିଖ, ଯେଉଁ ଦିନ ବର୍ଲିନ ପ୍ରାଚୀର ଧରାଶାୟୀ ହୋଇଥିଲା। ଦୁଇଟି ବିପରୀତ ବିଚାରର ଲୋକ ଏକଜୁଟ ହୋଇ ନୂତନ ସଂକଳ୍ପ ନେଲେ। ଆଜି ୯ ନଭେମ୍ବରରେ ହିଁ କରତାରପୁର ସାହିବ କରିଡର ଆରମ୍ଭ ହୋଇଛି। ଏଥିରେ ଭାରତର ସହଯୋଗ ରହିଛି, ପାକିସ୍ତାନର ମଧ୍ୟ।

ଆଜି ଅଯୋଧ୍ୟା ମାମଲାରେ ରାୟ ସହିତ, ୯ ନଭେମ୍ବରର ଏହି ତାରିଖ ଆମକୁ ସାଥୀ ହୋଇ ଆଗକୁ ବଢ଼ିବା ଲାଗି ଶିକ୍ଷା ମଧ୍ୟ ଦେଉଛି। ଆଜି ଦିନର ବାର୍ତା ହେଉଛି ଯୋଡ଼ିବାର ଓ ଏକଜୁଟ ହେବାର ଏବଂ ମିଳିମିଶି ବଂଚିବାର। ଏହି ବିଷୟକୁ ନେଇ କେବେବି, କାହା ମନରେ କିଛି କଟୁ ଭାବନା ଥିଲେ, ଆଜି ତା’କୁ ଜଳାଞ୍ଜଳି ଦେବାର ଦିନ। ନୂଆ ଭାରତରେ ଭୟ, କଟୁତା, ନକାରାତ୍ମକତାର ସ୍ଥାନ ନାହିଁ।


ସର୍ବୋଚ୍ଚ ନ୍ୟାୟାଳୟଙ୍କ ଆଜିର ରାୟ ଦେଶକୁ ଏହି ବାର୍ତା ମଧ୍ୟ ଦେଇଛି ଯେ କଠିନରୁ କଠିନ ମାମଲାର ସମାଧାନ ସମ୍ବିଧାନର ପରିଧି ମଧ୍ୟରେ ରହିଛି, ଆଇନର ପରିଧି ମଧ୍ୟରେ ରହିଛି। ଆମକୁ ଏହି ରାୟରୁ ଶିକ୍ଷା ଗ୍ରହଣ କରିବାକୁ ହେବ ଯେ କିଛି ସମୟ ବିଳମ୍ବ ହେଉ ପଛେ ଧୈର୍ଯ୍ୟ ରଖିବା ଆମ
ସମସ୍ତଙ୍କ ପାଇଁ ସର୍ବୋଚିତ। ପ୍ରତ୍ୟେକ ପରିସ୍ଥିତିରେ ଭାରତର ସମ୍ବିଧାନ, ଭାରତର ନ୍ୟାୟିକ ପ୍ରକ୍ରିୟା ଉପରେ ଆମର ବିଶ୍ୱାସ ରହୁ, ଏହା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।


ସର୍ବୋଚ୍ଚ ନ୍ୟାୟାଳୟଙ୍କ ଏହି ରାୟ ଆମ ପାଇଁ ଏକ ନୂତନ ସକାଳ ନେଇ ଆସିଛି। ଏହି ବିବାଦର ପ୍ରଭାବ ଅନେକ ପିଢ଼ି ଉପରେ ପଡ଼ିଥାଉ ପଛେ, କିନ୍ତୁ ଏହି ରାୟ ପରେ ଆମକୁ ସଂକଳ୍ପ ନେବାକୁ ହେବ ଯେ ଏବେ ନୂଆ ପିଢ଼ି, ନୂତନ ଭାବେ ନ୍ୟୁ ଇଣ୍ଡିଆର ନିର୍ମାଣରେ ନିୟୋଜିତ ହେବ। ଆସନ୍ତୁ ଏକ ନୂତନ ଅଧ୍ୟାୟ ଆରମ୍ଭ କରିବା। ଏକ ନୂତନ ଭାରତର ନିର୍ମାଣ କରିବା। ଆମକୁ ନିଜ ବିଶ୍ୱାସ ଏବଂ ବିକାଶ ଏହାକୁ ନେଇ ନିର୍ଦ୍ଧାରଣ କରିବାକୁ ହେବ ଯେ ଆମ ସହିତ ଚାଲୁଥିବା ଲୋକ ପଛରେ ପଡ଼ିଯାଉନାହିଁ ତ’। ଆମକୁ ସମସ୍ତଙ୍କୁ ସାଥୀରେ ନେଇ, ସଭିଙ୍କର ବିକାଶ କରି ଓ ସବୁରି ବିଶ୍ୱାସ ଜିତି ଆଗକୁ ବଢ଼ିବାକୁ ହେବ।


ରାମ ମନ୍ଦିର ନିର୍ମାଣ ରାୟ ସୁପ୍ରିମକୋର୍ଟ ଦେଇଛନ୍ତି। ଏବେ ଦେଶର ପ୍ରତ୍ୟେକ ନାଗରିକ ଉପରେ ରାଷ୍ଟ୍ର ନିର୍ମାଣର ଦାୟିତ୍ୱ ଆହୁରି ବୃଦ୍ଧି ପାଇଛି।
ଏହା ସହିତ ନାଗରିକ ଭାବେ ଦେଶର ନ୍ୟାୟିକ ପ୍ରକ୍ରିୟାକୁ ପାଳନ କରିବା ଓ ଆଇନକାନୁନକୁ ସମ୍ମାନ ଦେବାର ଦାୟିତ୍ୱ ମଧ୍ୟ ଆମ ସମସ୍ତଙ୍କର ବୃଦ୍ଧି ପାଇଛି। ଏବେ ସମାଜ ପାଇଁ ପ୍ରତ୍ୟେକ ଭାରତୀୟକୁ ନିଜ କର୍ତବ୍ୟ, ନିଜ ଦାୟିତ୍ୱକୁ ପ୍ରାଥମିକତା ଦେଇ କାମ କରିବାକୁ ହେବ।
ଆମ ଭିତରେ ସୌହାର୍ଦ୍ଦ୍ୟ, ଆମ ଏକତା, ଆମ ଶାନ୍ତି, ଦେଶର ବିକାଶ ପାଇଁ ଗୁରୁତ୍ୱପୂର୍ଣ୍ଣ। ଆମକୁ ଭବିଷ୍ୟତ ଦିଗରେ ଦେଖିବାକୁ ହେବ, ଭବିଷ୍ୟତର ଭାରତ ପାଇଁ କାମ କରିବାକୁ ହେବ। ଭାରତ ସମ୍ମୁଖରେ, ଅନେକ ଆହ୍ୱାନ ରହିଛି। ଅନେକ ଲକ୍ଷ୍ୟ ଓ ଲକ୍ଷ୍ୟସ୍ଥଳୀ ମଧ୍ୟ ରହିଛି। ପ୍ରତ୍ୟେକ ଭାରତୀୟ, ସାଥୀ ହୋଇ ଆଗକୁ ବଢ଼ିବା ସହ ଏହି ଲକ୍ଷ୍ୟ ହାସଲ କରିବେ। ଲକ୍ଷ୍ୟସ୍ଥଳୀରେ ପହଁଚିବେ।

   Related Posts