ନୂଆଦିଲ୍ଲୀ ୧୧/୧୦: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବ୍ରିଟେନର ପିଏମ ବୋରିସ୍ ଜନସନଙ୍କ ସହ ଫୋନ୍ରେ କଥା ହୋଇଛନ୍ତି । ଦୁଇ ନେତା ଭାରତ-ୟୁକେ ଆଜେଣ୍ଡା ୨୦୩୦, ଗ୍ଲାସଗୋରେ ସିଓପି-୨୬ ସଂକ୍ରାନ୍ତରେ କ୍ଲାଇମେଟ୍ ଆକ୍ସନ ଏବଂ ଆଫଗାନିସ୍ତାନ ସହ ଅନ୍ୟ ପ୍ରସଙ୍ଗ ଉପରେ ଆଲୋଚନା କରିଥିବା ଜଣାପଡ଼ିଛି ।
wp:embed {"url":"https://twitter.com/narendramodi/status/1447495350147637257","type":"rich","providerNameSlug":"twitter","responsive":true}ଏନେଇ ବ୍ରଟେନ ସରକାରଙ୍କ ପକ୍ଷରୁ ମଧ୍ୟ ସୂଚନା ଦିଆଯାଇଛି । ସୋମବାର ସକାଳେ ପ୍ରଧାନମନ୍ତ୍ରୀ ବୋରିସ ଜନସନ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ କଥା ହୋଇଛନ୍ତି। ଦୁଇ ନେତା ଭାରତ-ବ୍ରିଟେନ ମଧ୍ୟରେ ସମ୍ପର୍କ ମଜଭୁତ ଉପରେ ଚର୍ଚ୍ଚା କରିଥିବା ବେଳେ ୨୦୩୦ ରୋଡ୍ ମ୍ୟାପ୍ର ପ୍ରଗତି ଉପରେ ମଧ୍ୟ ଗୁରୁତ୍ବାରୋପ କରିଛନ୍ତି।
ଜାରି ବିଜ୍ଞପ୍ତି ଅନୁସାରେ, ପ୍ରଧାନମନ୍ତ୍ରୀ ଜନସନ ଆଗାମୀ ସିଓପି-୨୬ ଶିଖର ସମ୍ମଳନୀ ପୂର୍ବରୁ ଏବଂ ଜଳବାୟୁ ପରିବର୍ତ୍ତନ ଉପରେ ପ୍ରଗତିର ମହତ୍ବକୁ ଜୋର ଦେଇଛନ୍ତି। ଏହା ବ୍ୟତୀତ ଦୁଇ ଦେଶର ପ୍ରଧାନମନ୍ତ୍ରୀ କରୋନା ଭାଇରାସ୍ ବିରୋଧୀ ଲଢ଼େଇ ଏବଂ ଅନ୍ତର୍ଜାତୀୟ ଯାତ୍ରା ସୁବିଧାଜନକ କରିବାର ଆବଶ୍ୟକତା ଉପରେ ଚର୍ଚ୍ଚା କରିଥିବା ଜଣାପଡ଼ିଛି।
