Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବିଶ୍ୱ ପ୍ରସିଦ୍ଧ ସୂର୍ଯ୍ୟ ମନ୍ଦିରର ମନୋରମ ଭିଡିଓ ସେୟାର କଲେ ପ୍ରଧାନମନ୍ତ୍ରୀ ମୋଦି: ଲେଖିଲେ, ‘ଥରେ ଦେଖନ୍ତୁ…’

26/08/2020 at 3:53 PM

ନୂଆଦିଲ୍ଲୀ ୨୬/୦୮ : ଗତ କିଛି ଦିନ ହେଲା ଲଗାତାର ବର୍ଷା ଯୋଗୁଁ ଗୁଜରାଟର ସ୍ଥିତି ବେହାଲ ହୋଇଯାଇଛି | ରାଜ୍ୟବାସୀଙ୍କୁ ବନ୍ୟା ଭୟ ଥିବା ସମୟରେ ପ୍ରଧାନମନ୍ତ୍ରୀ ମୋଦି ଏକ ସୁନ୍ଦର ଭିଡିଓ ସେୟାର କରି ଲୋକଙ୍କ ମନ ଜିତିଛନ୍ତି | ମୋଦି ମୋଢେରାର ବିଶ୍ୱ ପ୍ରସିଦ୍ଧ ସୂର୍ଯ୍ୟ ମନ୍ଦିରର ଏକ ଭିଡିଓ ସେୟାର କରିଛନ୍ତି |

ମନ୍ଦିରର ସୌନ୍ଦର୍ଯ୍ୟ ଅତ୍ୟନ୍ତ ଆକର୍ଷଣୀୟ | ମୋଦି ସୋମବାର ଦିନ ଟ୍ୱିଟରରେ ଭିଡିଓ ସେୟାର କରି ଲେଖିଛନ୍ତି, ମୋଢେରାର ବିଶ୍ୱ ପ୍ରସିଦ୍ଧ ସୂର୍ଯ୍ୟ ମନ୍ଦିର ବର୍ଷାରେ ଆହୁରି ସୁନ୍ଦର ଦେଖାଯାଉଛି | ଥରେ ଆଖି ପୁରେଇ ଦେଖି ଦିଅନ୍ତୁ | ଭିଡିଓରେ ମନ୍ଦିରର ସୌନ୍ଦର୍ଯ୍ୟ ଆପଣଙ୍କ ମନମୁଗ୍ଧ କରିଦେବ |

ଏହି ମନ୍ଦିର ଅହମଦାବାଦରୁ ପାଖାପାଖି ୧୦୦ କିମି ଦୂରରେ ପୁଷ୍ପାବତୀ ନଦୀକୂଳରେ ରହିଛି | ମନ୍ଦିର ଏହିଭଳି ନିର୍ମାଣ କରାଯାଇଛି ଯେ ସୂର୍ଯ୍ୟୋଦୟ ହେଲେ ସୂର୍ଯ୍ୟଙ୍କ ପ୍ରଥମ କିରଣ ସିଧାସଳଖ ମନ୍ଦିରର ଗର୍ଭଗୃହରେ ପଡିଥାଏ |

ମନ୍ଦିରରେ ବିଶେଷତ୍ୱ ହେଲା ମନ୍ଦିର ନିର୍ମାଣରେ ପଥର ଯୋଡିବା ପାଇଁ ଚୁନା ବ୍ୟବହାର କରାଯାଇନାହିଁ | ପ୍ରତି ମାସରେ ସଂକ୍ରାନ୍ତିରେ, ସୂର୍ଯ୍ୟଙ୍କ ରାଶି ପରିବର୍ତ୍ତନରେ ଏଠାରେ ସୂର୍ଯ୍ୟଙ୍କ ଦର୍ଶନ କରାଯାଇଥାଏ |

   Related Posts