Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁଜିବ ଓ ରଶିଦଙ୍କ ଘାତକ ବୋଲିଂ, ସ୍କଟଲାଣ୍ଡକୁ ୧୩୦ ରନରେ ହରାଇଲା ଆଫଗାନିସ୍ତାନ
  • ||
  • ଇଣ୍ଡିଆନ ପ୍ରିମିୟର ଲିଗ୍ (IPL)ରେ ସାମିଲ ହେଲେ ଆଉ ୨ଟି ନୂଆ ଟିମ । ୨ ଟିମ ଅହମ୍ମଦାବାଦ ଏବଂ ଲକ୍ଷ୍ନୌ ଆସନ୍ତାବର୍ଷ ହେବାକୁ ଥିବା ଆଇପିଏଲରେ ଅଂଶଗ୍ରହଣ କରିବେ ।
  • ||
  • ରାଜ୍ୟରେ ସୁସ୍ଥ ହେଲେ ଆଉ ୩୬୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୧୮୦ ଡିସଚାର୍ଜ
  • ||
  • ସତ ହେଲା ଧୋନୀଙ୍କ ଭବିଷ୍ୟବାଣୀ, ୫ ବର୍ଷ ତଳେ କହିଥିଲେ- ଦିନେ ଏମିତି ହେବ…
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୨୫ କୋଭିଡ୍ ପଜିଟିଭ୍
  • ||
  • ପଡୋଶୀ ଘରୁ ମିଳିଲା ଯୁବକଙ୍କ ଝୁଲନ୍ତା ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ୨ ପରିବାର ମଧ୍ୟରେ ରକ୍ତାକ୍ତ ସଙ୍ଘର୍ଷ : ୮ ଗୁରୁତର, ବୁଲିଲା ଟାଙ୍ଗିଆ ଓ କଟୁରୀ
  • ||
  • କାର୍ତ୍ତିକ ମାସର ପ୍ରଥମ ସୋମବାର : ଧବଳେଶ୍ୱର ପୀଠରେ ୧୪୪ ଧାରା, ମନ୍ଦିର ଖାଁ ଖାଁ
  • ||
  • ୫ ଦିନ ଯାଏଁ ଖସିବନି ପାରଦ, ୨୮ରୁ କାଁ ଭାଁ ବର୍ଷା
  • ||

‘ସାମନା’ରେ ବିଜେପିକୁ କଟାକ୍ଷ କଲା ଶିବସେନା, କହିଲା- ‘ମୋଦୀ ଥିଲେ ସବୁ ସମ୍ଭବ’

18/09/2021 at 10:15 AM

ମୁମ୍ବାଇ, ୧୮।୦୯ :  ଶିବସେନା ନିଜ ମୁଖପତ୍ର ସାମନାରେ ଭାରତୀୟ ଜନତା ପାର୍ଟିକୁ କଟାକ୍ଷ କରିଛି । ଜେପି ନଡ୍ଡାଙ୍କୁ ଦଳର ରାଷ୍ଟ୍ରୀୟ ଅଧ୍ୟକ୍ଷ କରାଯିବା ପରେ ଦଳରେ ବାରମ୍ବାର ଅଦଳବଦଳ କରାଯାଉଥିବା ସାମନାରେ ଉଲ୍ଲେଖ କରାଯାଇଛି ।

ସାମନାର ସମ୍ପାଦକୀୟ ପୃଷ୍ଠାରେ ଲେଖାଯାଇଛି ଯେ, ମୋଦୀଙ୍କ ମନରେ ଯାହା ଅଛି, ସେ ଜେପି ନଡ୍ଡାଙ୍କ ଦ୍ୱାରା କରାଉଛନ୍ତି । ନଡ୍ଡାଙ୍କ ମାଧ୍ୟରେ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ବଦଳିଥିଲେ । ଗୁଜୁରାଟର ମୁଖ୍ୟମନ୍ତ୍ରୀ ଗୋଟିଏ ଝଟକାରେ ବଦଳିଲେ । ସେଠାରେ ପୁରା ମନ୍ତ୍ରୀ ମଣ୍ଡଳର ନବୀକରଣ କରାଗଲା । ଭୁପେନ୍ଦ୍ର ପଟେଲ ପ୍ରଥମ ଥର ବିଧାୟକ ହୋଇଥିଲେ । ମୋଦୀ-ନଡ୍ଡା ଏପରି ଝଟକା ଦେଲେ ଯେ ଯାହା ରାଜନୀତିରେ ସବୁ ସମ୍ଭବ ବୋଲି ପ୍ରମାଣିତ କରିଦେଲା । ମୋଦୀ ଥିରେ ସବୁ ସମ୍ଭବ । ବିଜୟ ରୂପଣୀଙ୍କ ମନ୍ତ୍ରୀମଣ୍ଡଳରେ ସାମିଲ ସମସ୍ତଙ୍କୁ ମୋଦୀ-ନଡ୍ଡା ଘରେ ବସାଇଦେଲେ ।

ଆହୁରି ମଧ୍ୟ ଲେଖାଯାଇଛି ଯେ. ପୁରୁଖା ଲୋକଙ୍କୁ ହଟାଇ ମୋଦୀ-ନଡ୍ଡା ଗୁଜୁରାଟରେ ଗୋଟିଚାଳନା କରିଛନ୍ତି । ରାଜେନ୍ଦ୍ର ତ୍ରିବେଦୀ ବିଧାନସଭାର ଅଧ୍ୟକ୍ଷ ଥିଲେ । ତାଙ୍କୁ ମଧ୍ୟ ହଟାଇ ଦିଆଯାଇଛି । ରୁପାଣୀଙ୍କ ପଛରେ ଅମିତ ଶାହଙ୍କ ସମର୍ଥନ ଥିଲା । ମୋଦୀ-ନଡ୍ଡା ନିଜ ଦଳକୁ ଏକ ଜୋରଦାର ରାଜନୀତିକ ସନ୍ଦେଶ ଦେଇଛନ୍ତି । ମୋଦୀ ଜାତୀୟ ରାଜନୀତିକୁ ଗଲା ପରେ ବରିଷ୍ଠ ନେତାଙ୍କୁ ମାର୍ଗଦର୍ଶକ କରି ବସାଇ ଦେଇଛନ୍ତି । ଲାଲକୃଷ୍ଣ ଆଡଭାନୀ, ମୁରଲି ମନୋହରଯୋଶୀ ମାର୍ଗଦର୍ଶକ ଭାବେ ଦଳ ବସାଇଦେଇଛି ।

ସେହିପରି ମୋଦୀଙ୍କ ଚେହେରା ନଥିଲେ ବିଜେପି ଅନେକ ନିର୍ବାଚନରେ ପରାସ୍ତ ହୋଇଯିବ । ଏହି କାରଣରୁ ମୋଦୀ ୨୦୨୪ ସାଧାରଣ ନିର୍ବାଚନ ପାଇଁ ରଣନୀତି ଆରମ୍ଭ କରିଦେଲେଣି ବୋଲି ସାମନାରେ ଉଲ୍ଲେଖ ହୋଇଛି ।

   Related Posts