ନୂଆଦିଲ୍ଲୀ ୩୦।୫: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ‘ମନ୍ କି ବାତ୍’ କାର୍ଯ୍ୟକ୍ରମ ମାଧ୍ୟମରେ ଦେଶକୁ ସମ୍ବୋଧିତ କରିଛନ୍ତି । ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, କୋଭିଡ୍-୧୯ର ପ୍ରଥମ ଲହର ବିରୋଧରେ ଦେଶ ଦୃଢତାର ସହ ଲଢେଇ କରିଥିଲା ଏବଂ ବର୍ତ୍ତମାନ ଦ୍ବିତୀୟ ଲହରରେ ମଧ୍ୟ ଜୋରଦାର ଲଢେଇ ଜାରି ରହିଛି । ମାସ୍କ, ସାମାଜିକ ଦୂରତା ପାଳନ ଏବଂ ଟିକାକରଣକୁ ପ୍ରତିରକ୍ଷା କରିବାର ସଠିକ ଉପାୟ ଭାବରେ ବର୍ଣ୍ଣନା କରି ମୋଦି କହିଛନ୍ତି ଯେ, ଭାରତ ମଧ୍ୟ ଏଥର ମହାମାରୀକୁ ଦୂର କରିବ ।
ପ୍ରଧାନମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ,
wp:list- ଭାରତ କରୋନା ବିରୋଧରେ ଲଢେଇ ଜାରି ରଖିଥିବା ବେଳେ ନିକଟରେ ବିଭିନ୍ନ ପ୍ରାକୃତିକ ବିପର୍ଯ୍ୟୟର ସମ୍ମୁଖୀନ ହୋଇଛି । ଭାରତ ସାମୂହିକ ଶକ୍ତି ଦ୍ବାରା ତାର ମୁକାବିଲା ମଧ୍ୟ କଲା ।
- ଗତ ୧୦ ଦିନ ମଧ୍ୟରେ ଦେଶ ପୁଣି ଦୁଇଟି ବଡ ବଡ ବାତ୍ୟା ‘ତାଓତେ’ ଏବଂ ପୂର୍ବ ଉପକୂଳରେ ‘ୟାସ’ର ସମ୍ମୁଖୀନ ହୋଇଥିଲା ।
- ଦେଶ ଏବଂ ଦେଶବାସୀ ଦୃଢତାର ସହ ଏହାର ମୁକାବିଲା କରିଥିଲେ । ଏଥିଯୋଗୁଁ କମ୍ ସଂଖ୍ୟାରେ ପ୍ରାଣହାନି ହୋଇଥିଲା ।
- କେନ୍ଦ୍ର, ରାଜ୍ୟ ସରକାର ଏବଂ ସ୍ଥାନୀୟ ପ୍ରଶାସନ ମିଳିତ ଭାବେ ଏହି ବିପର୍ଯ୍ୟୟର ମୁକାବିଲା ପାଇଁ କାର୍ଯ୍ୟ କରୁଛନ୍ତି ।
- ବିପର୍ଯ୍ୟୟର ଏହି କଠିନ ଏବଂ ଅସାଧାରଣ ପରିସ୍ଥିତିରେ ବାତ୍ୟା ଦ୍ବାରା ପ୍ରଭାବିତ ସମସ୍ତ ରାଜ୍ୟର ଲୋକମାନେ ଯେଉଁ ସାହସ ଦେଖାଇଛନ୍ତି, ଏଥିପାଇଁ ମୁଁ ସମସ୍ତ ନାଗରିକଙ୍କୁ ସମ୍ମାନର ସହ ପ୍ରଶଂସା କରିବାକୁ ଚାହେଁ ।
- ବର୍ତ୍ତମାନ ପର୍ଯ୍ୟନ୍ତ ଦେଶରେ ୩୩ କୋଟିରୁ ଅଧିକ ସାମ୍ପଲ ଟେଷ୍ଟିଂ ସରିଛି ।
- ଆମର ଅନେକ ବୈଜ୍ଞାନିକ, ଶିଳ୍ପ ବିଶେଷଜ୍ଞ ଏବଂ ଟେକ୍ନିସିଆନମାନେ ମଧ୍ୟ ଯୁଦ୍ଧକାଳୀନ ଭିତ୍ତିରେ କାର୍ଯ୍ୟ କରୁଛନ୍ତି ।