ନୂଆଦିଲ୍ଲୀ,୦୭/୦୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁରୁବାର ଆମେରିକା ଓ୍ୱାଶିଂଟନରେ ହୋଇଥିବା ହିଂସାକୁ ନେଇ ଚିନ୍ତା ବ୍ୟକ୍ତ କରିଛନ୍ତି । ଗଣତନ୍ତ୍ରରେ ସରକାର ହସ୍ତାନ୍ତର ଶାନ୍ତିପୂର୍ଣ୍ଣ ଭାବେ ହେବା ଜରୁରୀ ବୋଲି ପ୍ରଧାନମନ୍ତ୍ରୀ କହିଛନ୍ତି ।ଏଠାରେ କହି ରଖୁଛୁ ଯେ, ଓ୍ୱାଶିଂଟନରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ହଜାରହଜାର ସମର୍ଥକ କ୍ୟାପିଟୋଲ ହିଲ୍ରେ କବଜା କରିବା ପାଇଁ ଚେଷ୍ଟା କରିଥିଲେ । ଫଳରେ ପୋଲିସ ସହ ସେମାନଙ୍କ ଧସ୍ତାଧସ୍ତି ହୋଇଥିଲା ।
ପ୍ରଧାନମନ୍ତ୍ରୀ ମୋଦୀ ଟ୍ୱିଟ୍ କରି କହିଛନ୍ତି ଯେ, ଓ୍ୱାଶିଂଟନ ଡିସିରେ ହିଂସା ଓ ଉପଦ୍ରବ ଖବର ତାଙ୍କୁ ଦୁଃଖ ପହଁଚାଇଛି । ଶାସନ ଡୋରି ହସ୍ତାନ୍ତର ଶାନ୍ତିପୂର୍ଣ୍ଣ ଭାବେ ହେବା ଜରୁରୀ । ଏପରି ପ୍ରଦର୍ଶନ କରି ଗଣତାନ୍ତ୍ରିକ ପ୍ରକ୍ରିୟାକୁ କ୍ଷତି ପହଁଚାଇବା ଅନୁଚିତ ।
wp:html/wp:htmlDistressed to see news about rioting and violence in Washington DC. Orderly and peaceful transfer of power must continue. The democratic process cannot be allowed to be subverted through unlawful protests.
— Narendra Modi (@narendramodi) January 7, 2021
ସୂଚନାଯୋଗ୍ୟ, ଓ୍ୱାଶିଂଟନରେ ହୋଇଥିବା ହିଂସାରେ ଜଣେ ମହିଳା ପ୍ରାଣ ହରାଇଛନ୍ତି । ପୋଲିସ ସହ ଧସ୍ତାଧସ୍ତି ହୋଇ ଅନେକ ପ୍ରଦର୍ଶନକାରୀ ଆହତ ହୋଇଛନ୍ତି । ହଜାର ହଜାର ଟ୍ରମ୍ପ୍ ସମର୍ଥକ ସିନେଟକୁ ଘେରିବା ପାଇଁ ଉଦ୍ୟମ କରିଥିଲେ । ନାରାବାଜୀ କରି ଅନେକ ଅଞ୍ଚଳକୁ କବଜାକୁ ମଧ୍ୟ ନେଇଯାଇଥିଲେ ।
କେବଳ ମୋଦୀ ନୁହେଁ ବିଶ୍ୱର ଅନେକ ବଡ ବଡ ନେତା ଓ୍ୱାଶିଂଟନ ହିଂସାକୁ ନେଇ ଦୁଃଖ ପ୍ରକାଶ କରିଛନ୍ତି । ବ୍ରିଟିଶ ପ୍ରଧାନମନ୍ତ୍ରୀ ବୋରିସ ଜନସନ, କାନାଡାର ପ୍ରଧାନମନ୍ତ୍ରୀ ଜଷ୍ଟିନ୍ ଟ୍ରୁଡୋ, ଅଷ୍ଟ୍ରଲିଆ ପ୍ରଧାନମନ୍ତ୍ରୀ ସ୍କଟ୍ ମରିସନ୍ ମଧ୍ୟ ଘଟଣାକୁ ନିନ୍ଦା କରିଛନ୍ତି ।