Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICC ଟି-୨୦ ରାଙ୍କିଂ : ୪ର୍ଥ ସ୍ଥାନରେ ପାକିସ୍ତାନ ବ୍ୟାଟ୍ସମ୍ୟାନ୍‌ ମହମ୍ମଦ ରିଜଓ୍ବାନ, ବିରାଟ କୋହଲି (୫) ଏବଂ ଲୋକେସ ରାହୁଲ (୮) ଖସିଲେ
  • ||
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||

କଳାହାଣ୍ଡିରେ ଆଦିବାସୀ କାର୍ଡ଼ ଖେଳିଲେ ମୋଦି, ମନେ ପକାଇଦେଲେ ରାଜୀବ ଗାନ୍ଧୀଙ୍କ ବକ୍ତବ୍ୟ

2/04/2019 at 3:06 PM

ଭବାନୀପାଟଣା ୨|୪(ମହମ୍ମଦ ଅସଲମ): କଳାହାଣ୍ଡିରେ ଆଦିବାସୀ କାର୍ଡ଼ ଖେଳିଲେ ମୋଦି । ଆଜି ଜିଲ୍ଲାର ଭବାନୀପାଟଣାରେ ଆୟୋଜିତ ଦଳର ପରିବର୍ତ୍ତନ ସଂକଳ୍ପ ସମାବେଶରେ ଯୋଗଦେଇ ଦଳ ପାଇଁ ଭୋଟ୍‌ ଅପିଲ କରିବା ସହ କେନ୍ଦ୍ର ସରକାରଙ୍କ ସଫଳତା ସମ୍ପର୍କରେ ବଖାଣିଛନ୍ତି । ଏଥି ସହ ଉଭୟ କଂଗ୍ରେସ ଓ ବିଜେଡିକୁ ଟାର୍ଗେଟ୍‌ କରି କହିଛନ୍ତି, ଏ ଦୁଇ ଦଳ ଗରିବଙ୍କୁ ଗରିବ ରଖିବା ପାଇଁ ଚାହୁଁଛନ୍ତି । ଗରିବଙ୍କୁ ଭୋଟ୍‌ ବ୍ୟାଙ୍କ୍‌ କରି ପ୍ରତିଥର ଧୋକା ଦେଇଆସୁଛନ୍ତି ।

କଳାହାଣ୍ଡିରେ ମୋଦିଙ୍କ ଆଦିବାସୀ କାର୍ଡ଼ । କଂଗ୍ରେସ ସରକାର ଅମଳରେ ଆଦିବାସୀ ମନ୍ତ୍ରାଳୟ ହୋଇନଥିଲା । କିନ୍ତୁ ସ୍ବର୍ଗତ ଅଟଳ ବିହାରୀ ବାଜପେୟୀ ଏହାକୁ ଗଠନ କରିଥିଲେ । ସ୍ବତନ୍ତ୍ର ବଜେଟ୍‌ ଉପସ୍ଥାପନା ହେଲା । ଏଥିସହ କେନ୍ଦ୍ର ସରକାର ମତ୍ସ୍ୟଜୀବୀଙ୍କ ପାଇଁ ମଧ୍ୟ ଏକ ନୂଆ ମନ୍ତ୍ରାଳୟ କରିଛନ୍ତି, ଯାହା ଆଗରୁ ହୋଇପାରି ନଥିଲା । ୫ବର୍ଷ ପୂର୍ବରୁ ୧୦ଟି ଫସଲ ଉପରେ ଏମଏସପି ମିଳୁଥିଲା, ହେଲେ ଏବେ ୫୦ଟି ଫସଲ ଉପରେ ଏମଏସପି ଦେଇଛନ୍ତି କେନ୍ଦ୍ର ସରକାର । ଜନଜାତି ପିଲାଙ୍କ ପାଇଁ ଏକଲବ୍ୟ ସ୍କୁଲ ଖୋଲାଯାଇଛି । ଅଧିକ ପିଲାଙ୍କୁ ବୃତ୍ତି ପାଇବା ପାଇଁ ନୂଆ ନିୟମ କରାଯାଇଛି ।

ବିଜେପି ସରକାରରେ ଓଡ଼ିଶାରେ ୮ଲକ୍ଷ ଗରିବ ପରିବାରଙ୍କୁ ପକ୍କା ଘର ମିଳିଛି । ଓଡ଼ିଶାରେ ୨୪ଲକ୍ଷ ଘରକୁ ମାଗଣା ବିଜୁଳି ଯୋଗାଇ ଦିଆଯାଇଛି । ୩ହଜାର ଗାଁକୁ ପ୍ରଥମ ଥର ପାଇଁ ବିଜୁଳି ସଂଯୋଗ ହୋଇଛି । ଓଡ଼ିଶାରେ ୪୦ଲକ୍ଷ ଗରିବ ଭଉଣୀ ଉଜ୍ଜ୍ବଳା ଯୋଜନା ଦ୍ବାରା ଉପକୃତ ହୋଇଛନ୍ତି । ପାଖାପାଖି ୧କୋଟି ୪୦ ଲକ୍ଷ ଲୋକଙ୍କ ବ୍ୟାଙ୍କ ଖାତା ଖୋଲାଯାଇଛି । ଓଡ଼ିଶାରେ ୪୦ଲକ୍ଷ ଶୌଚାଳୟ ନିର୍ମାଣ କରାଯାଇଛି । କଳାଧନ ଉପରେ ରୋକ ଲାଗିଛି । ଗରିବଙ୍କୁ ସେମାନଙ୍କ ହକ୍‌ ମିଳିଛି । ହେଲେ ଉଭୟ କଂଗ୍ରେସ ଓ ବିଜେଡି ଗରିବଙ୍କୁ ଗରିବ ରଖିବା ପାଇଁ ଚାହୁଁଛନ୍ତି । ଗରିବଙ୍କୁ ଭୋଟ୍‌ ବ୍ୟାଙ୍କ୍‌ କରି ପ୍ରତିଥର ଧୋକା ଦେଇଆସୁଛନ୍ତି ।

କେନ୍ଦ୍ରକୁ ରାଜ୍ୟ ସରକାର ସହଯୋଗ କରୁନାହାନ୍ତି । ତଥାପି କେନ୍ଦ୍ର ସରକାର ଓଡ଼ିଶା ପାଇଁ କାମ କରୁଛନ୍ତି । ୨୦୧୪ରେ ଏଠି ବିଜେପି ସରକାର ହୋଇଥିଲେ ବିକାଶ କାମ ତ୍ବରାନ୍ବିତ ହୋଇଥାନ୍ତା । ଓଡ଼ିଶାରେ ଏଥର ବିଜେପି ସରକାର ହେବ । ଯେଉଁ ବିକାଶ ଧାରା ୧୯ବର୍ଷରେ ହୋଇନି, ତାହା ଆମେ ୫ବର୍ଷରେ କରିଦେଖାଇବୁ । ଓଡ଼ିଶାରେ ପରିବର୍ତ୍ତନ ଆଣନ୍ତୁ ଓ କେନ୍ଦ୍ରରେ ବିଜେପି ସରକାରକୁ ଆହୁରି ମଜବୁତ୍‌ କରିବାକୁ ଭୋଟ୍‌ ଦିଅନ୍ତୁ । ବିକାଶର ଡବଲ୍‌ ଇଞ୍ଜିନ୍‌ ପାଇଁ ଆପଣମାନଙ୍କୁ ଭୋଟ୍‌ ଦେବାକୁ ହେବ କହି ଭୋଟରଙ୍କ ମନ ଜିଣିବାକୁ ଚେଷ୍ଟା କରିଥିଲେ ପ୍ରଧାନମନ୍ତ୍ରୀ ।

କଳାହାଣ୍ଡିରେ ପ୍ରଚାର ସମୟରେ କଳାହାଣ୍ଡିରେ ରାଜୀବ ଗାନ୍ଧି କହିଥିବା କଥାକୁ ମନେ ପକାଇଥିଲେ ମୋଦି । ଦିଲ୍ଲୀରୁ ୧ଟଙ୍କା ପଠାଇଲେ, ଗାଁରେ ୧୫ ପଇସା ପହଞ୍ଚୁଛି ବୋଲି କହିଥିଲେ ରାଜୀବ ଗାନ୍ଧି । ଜଣେ ପ୍ରଧାନମନ୍ତ୍ରୀ ଯଦି ତାହା ଜାଣିଥିଲେ, ତାହେଲେ ସେ ତା’ର କ’ଣ ପ୍ରତିକାର କରିଥିଲେ ? ଡାକ୍ତର ହୋଇ ରୋଗ ଜଣାଇଲେ, କିନ୍ତୁ ଔଷଧ ଦେଲେନି । କେବଳ ମୋଦି ହିଁ ରୋଗ ଚିହ୍ନେ ଓ ତା’ ପାଇଁ କଡ଼ା ଔଷଧ ବି ଦିଏ । କେନ୍ଦ୍ର ସରକାର ଏବେ ପଠାଉଥିବା ଟଙ୍କା ସିଧା ଲୋକଙ୍କ ପାଖରେ ପହଞ୍ଚୁଛି । ଏକ ନୂଆ ଓଡ଼ିଶା ଗଠନ ପାଇଁ ସହଯୋଗର ହାତ ବଢ଼ାଇବାକୁ ଆହ୍ବାନ ଦେଇଥିଲେ ପ୍ରଧାନମନ୍ତ୍ରୀ ।

   Related Posts