ନୂଆଦିଲ୍ଲୀ ୨୬।୦୪: ଦେଶବାସୀଙ୍କୁ ଆଜି  ରେଡିଓରେ ‘ମନ କି ବାତ୍‌’ କାର୍ଯ୍ୟକ୍ରମରେ ଜରିଆରେ ସମ୍ବୋଧନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଦେଶବାସୀଙ୍କୁ ସମ୍ବୋଧନ ସମୟରେ  ପ୍ରଧାନମନ୍ତ୍ରୀ କହିଛନ୍ତି ଯେ,  କରୋନା ଲକଡାଉନ୍ ସମୟରେ ଲୋକଙ୍କ ମନୋଭାବ ବଦଳିଛି । କେବଳ ଡାକ୍ତର, ସଫେଇକର୍ମା, ଅନ୍ୟାନ୍ୟ ସେବା କରୁଥିବା ଲୋକମାନେ ନୁହେଁ ଆମ ପୋଲିସ ବ୍ୟବସ୍ଥାକୁ ନେଇ ଚିନ୍ତିତ ଥିବା ସାଧାରଣ ଲୋକଙ୍କ ଚିନ୍ତାଧାରାରେ ଅନେକ ପରିବର୍ତ୍ତନ ଆସିଛି।

କରୋନା ଭାଇରସ ବିରୋଧରେ ଆମେମାନେ ଲଢୁଥିବା ଯୁଦ୍ଧ ବିଷୟରେ ଆଲୋଚନା କରୁଥିବା ବେଳେ ପ୍ରଧାନମନ୍ତ୍ରୀ କହିଛନ୍ତି ଯେ କରତାଳି, ଥାଳି, ଦିୟା, ମହମବତୀ, ଏହି ସବୁ ଜିନିଷ ଭାବନାକୁ ବଢାଇ ଦେଇଛି । ଏହି ଆତ୍ମାନିର୍ଭଶୀଳ ​​ସହିତ ଦେଶବାସୀ କିଛି କରିବାକୁ ସଂକଳ୍ପବଦ୍ଧ ହୋଇଛି । ଏହି କାର୍ଯ୍ୟ ସମସ୍ତଙ୍କୁ ପ୍ରେରଣା ଦେଇଛି | ଆମର କୃଷକ ଭାଇ ଓ ଭଉଣୀମାନଙ୍କୁ ଦେଖ । ସେମାନେ ଏହି ମହାମାରୀ ମଧ୍ୟରେ ଦିନରାତି ନିଜ କ୍ଷେତରେ କାମ କରୁଛନ୍ତି ଏବଂ ଦେଶରେ କେହି ଭୋକରେ ଶୋଇବା ଉଚିତ୍ ନୁହେଁ ବୋଲି ସେମାନେ ମଧ୍ୟ ଚିନ୍ତା କରୁଛନ୍ତି |

‘ମନ୍  କି ବାତ୍ ‘ରେ ଦେଶବାସୀଙ୍କୁ ସମ୍ବୋଧନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଦେଶ ଗୋଟିଏ ଲକ୍ଷ ନେଇ ଏକାଠି ହୋଇଛି । କରୋନା ବିପକ୍ଷରେ ଲୋକ ଲଢେଇ ଜାରି ରଖିଛନ୍ତି । କୋଭିଡ୍ ୱେବସାଇଟରେ ୧.୨୫ କୋଟି ଲୋକ ଯୋଡି ହୋଇଛନ୍ତି । ଆପଣମାନେ ମଧ୍ୟ କୋଭିଡ୍ ଯୋଦ୍ଧା ହୋଇପାରିବେ । covidwarriors.gov.inରେ ଯୋଡି ହୁଅନ୍ତୁ । ମେଡିକାଲରେ ଉତ୍ତମ ଚିକିତ୍ସା ଉପଲବ୍ଧ ନେଇ ଗୁରୁତ୍ବାରୋପ କଲେ ମୋଦି । ବିଭିନ୍ନ ଦେଶରେ ଔଷଧ ପହଞ୍ଚାଇବା ପାଇଁ ଲାଇଫ୍ ଲାଇନ୍ ଉଡାନ କାର୍ଯ୍ୟ ଚାଲିଛି । ଲକ୍  ଡାଉନ୍ ବେଳେ ୧୦୦ରୁ ଅଧିକ ପାର୍ସଲ ଟ୍ରେନ୍ ଚାଲିଛି । ଏଭଳି ସଙ୍କଟ ସମୟରେ ବିଶ୍ବବାସୀଙ୍କ ପାଖରେ ଆମେ ଔଷଧ ପହଞ୍ଚାଇ ପାରିଛୁ ।

ପୁରା ବିଶ୍ବରେ ଭାରତର ଯୋଗ ଏବଂ ଆୟୁର୍ବେଦର ଗୁରୁତ୍ବ ବଢିଛି । ଆୟୁର୍ବେଦର ସିଦ୍ଧାନ୍ତକୁ ସାରା ବିଶ୍ବ ମାନିଛି ।ରୋଗ ପ୍ରତିରୋଧକ ଶକ୍ତି ବଢାଇବା ପାଇଁ ଆୟୁର୍ବେଦ/ଯୋଗ ଉପଯୋଗ କରୁଛି ବିଶ୍ବ । ଏହା ଛଡା ମହାମାରୀ ସମୟରେ କ୍ଷେତରେ ଦିନ ରାତି କାମ କରୁଥିବା ଚାଷୀଙ୍କୁ ମନ କି ବାତ୍ କାର୍ଯ୍ୟକ୍ରମରେ ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

ଲକ୍ ଡାଉନ୍ ସମୟରେ ପୋଲିସ ସହିତ ଭାବନାତ୍ମକ ଭାବେ ଯୋଡି ହୋଇଛନ୍ତି । ପୋଲିସ ଅଭାବୀ ଲୋକଙ୍କ ନିକଟରେ ଖାଦ୍ୟ ପହଞ୍ଚାଉଛି । ପୋଲିସକୁ ନେଇ ଲୋକଙ୍କ ମଧ୍ୟରେ ଥିବା ଚିନ୍ତାଧାରା ବି ବଦଳିଛି । ଲୋକେ ସଫେଇ କର୍ମଚାରୀଙ୍କ ଉପରେ ବି ଫୁଲ ବର୍ଷା କରୁଛନ୍ତି । ମାସ୍କ ସଭ୍ୟ ସମାଜର ପ୍ରତୀକ ହେବାକୁ ଯାଉଛି । କରୋନାରୁ ବଞ୍ଚିବାକୁ ହେଲେ ମାସ୍କ ବ୍ୟବହାର କରିବାକୁ ପ୍ରଧାନମନ୍ତ୍ରୀ ପରାମର୍ଶ ଦେଇଛନ୍ତି । ଏଥି ସହ ସର୍ବସାଧାରଣ ସ୍ଥାନରେ ଛେପ ପକାଇବାରୁ ବିରତ ରୁହନ୍ତୁ ବୋଲି ମୋଦି ଦେଶବାସୀଙ୍କୁ ଆହ୍ବା ଦେଇଛନ୍ତି ମୋଦି ।