Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

‘ମନ୍ କୀ ବାତ’ରେ କୃଷି ଆଇନ ବାବଦରେ ଆଲୋଚନା କଲେ ପ୍ରଧାନମନ୍ତ୍ରୀ ମୋଦୀ, କହିଲେ- ‘ଏହା କୃଷକଙ୍କ ସମସ୍ୟା ଦୂର କରିବ’

29/11/2020 at 12:12 PM

ନୂଆଦିଲ୍ଲୀ, ୨୯୧୧ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର ନିଜର ମାସିକ ରେଡିଓ କାର୍ଯ୍ୟକ୍ରମ ମନ କୀ ବାତରେ ଦେଶବାସୀଙ୍କ ସହ କଥା ହୋଇଛନ୍ତି । ଏହି କାର୍ଯ୍ୟକ୍ରମରେ ଅତିଶୀଘ୍ର କାନାଡାରୁ ଅନ୍ନାପୂର୍ଣ୍ଣାଙ୍କ ମୂର୍ତ୍ତି ଫେରାଇ ଅଣାଯିବ ବୋଲି ସେ କହିଛନ୍ତି ।

ମୋଦୀ କହିଛନ୍ତି ଯେ, କାନାଡାରୁ ଅନ୍ନପୂର୍ଣ୍ଣା ମୂର୍ତ୍ତି ଫେରାଇ ଆଣିବା ଏକ ଖୁସିର କଥା । କାଶୀ ସହ ମାଆ ଅନ୍ନପୂର୍ଣ୍ଣାଙ୍କ ସ୍ୱତନ୍ତ୍ର ସମ୍ପର୍କ ରହିଛି । କିଛି ଦିନ ପୂର୍ବରୁ ବିଶ୍ୱ ହେରିଟେଜ୍ ସପ୍ତାହ ପାଳନ ହୋଇଥିଲା । ଏବେ ଦେଶର ଅନେକ ପାଠାଗାର ଓ ସଂଗ୍ରହାଳୟକୁ ଡିଜିଟାଲ କରାଯାଉଛି । ଦିଲ୍ଲୀର ରାଷ୍ଟ୍ରୀୟ ସଂଗ୍ରହାଳୟ ମଧ୍ୟ ଏଦିଗରେ କାମ କରୁଛି ।

ସେ ଆହୁରି କହିଛନ୍ତି ଯେ, ନଭେମ୍ବର ୧୨ରେ ଡାକ୍ତର ସଲ୍ଲିମ ଅଲ୍ଲୀଙ୍କ ୧୨୫ ତମ ଜୟନ୍ତୀ ସମାରୋହ । ପକ୍ଷୀ ଦୁନିଆରେ ତାଙ୍କର ଅବଦାନ ଅତୁଳନୀୟ । ଭାରତରେ ଏବେ ବହୁତ ଓ୍ୱାର୍ଡ ଓ୍ୱାଚିଂ ସୋସାଇଟି ସକ୍ରିୟ ରହିଛନ୍ତି । ଏହି ବିଷୟ ସହ ଯୋଡିହେବା ପାଇଁ ପ୍ରଧାନମନ୍ତ୍ରୀ ସମସ୍ତଙ୍କୁ ଅପିଲ କରିଛନ୍ତି । ଏହାସହ ନଭେମ୍ବର ୩୦ରେ ଗୁରୁ ନାନକ ଜୟନ୍ତୀ ଅବସରରେ ଦେଶ ୫୫୧ ତମ ପ୍ରକାଶ ପର୍ବ ପାଳନ କରିବ ବୋଲି ପ୍ରଧାନମନ୍ତ୍ରୀ କହିଛନ୍ତି ।

କୃଷି ଆଇନକୁ ନେଇ ପ୍ରଧାନମନ୍ତ୍ରୀ କହିଛନ୍ତି ଯେ, ଏହି ଆଇନ କୃଷକଙ୍କ ପାଇଁ ଏକ ନୂଆ ରାସ୍ତା ଖୋଲିଛି । ଅନେକ ଆଲୋଚନା ପରେ ଏହି ଆଇନ ପ୍ରଣୟନ କରାଯାଇଛି । ଏଥିରେ କୃଷକମାନେ ସେମାନଙ୍କ ଅଧିକାର ପାଇବେ । କରୋନା ଭାକସିନ ବାବଦରେ ମୋଦୀ କହିଛନ୍ତି ଯେ, ସାରା ବିଶ୍ୱରେ ଭାଇରସର ମୁକାବିଲା ପାଇଁ ଭାକସିନ୍ ପ୍ରସ୍ତୁତି ଉପରେ ଜୋର୍ ଦିଆଯାଉଛି । ଭାରତ ସମେତ ଅନ୍ୟ ଦେଶ ଭାକସିନ ଟ୍ରାଏଲର ଅନ୍ତିମ ପର୍ଯ୍ୟାୟରେ ପହଁଚିଛି । ସୂଚନାଯୋଗ୍ୟ, ପ୍ରଧାନମନ୍ତ୍ରୀ ଶନିବାର ଦେଶର ତିନୋଟି ଲ୍ୟାବ୍ ଗସ୍ତ କରି କରୋନା ଭାକସିନ୍ ପ୍ରସ୍ତୁତି ଦେଖିବା ସହ ସମୀକ୍ଷା କରିଥିଲେ ।

   Related Posts