Monday, September 16, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

କିର୍ଗିଜସ୍ତାନ ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ସାଂଘାଇ ସହଯୋଗ ସଂଗଠନ ସମ୍ମିଳନୀରେ ଦେବେ ଯୋଗ

ନୂଆଦିଲ୍ଲୀ ୧୩|୬: କିର୍ଗିସ୍ତାନ ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।  ସାଂଘାଇ ସହଯୋଗ ସଂଗଠନ , ଏସସିଓ ସମ୍ମିଳନୀରେ ଯୋଗ ଦେବା ପାଇଁ ପ୍ରଧାନମନ୍ତ୍ରୀ ସକାଳେ କିର୍ଗିସ୍ତାନ ଗସ୍ତ କରିଛନ୍ତି ।  ସମ୍ମିଳନୀରେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ପ୍ରଥମ ଥର ଯୋଗ ଦେଉଛନ୍ତି । ସେହିଭଳି ସମ୍ମିଳନୀରେ ଚୀନ ରାଷ୍ଟ୍ରପତି ସି ଜିନପିଙ୍ଗ ମଧ୍ୟ ଯୋଗଦେବେ । ମୋଦୀଙ୍କ ବିମାନ ପାକିସ୍ତାନ ଆକାଶ କ୍ଷେତ୍ରଦେଇ କିର୍ଗିସ୍ତାନ ଯାଇ ନାହିଁ । ସେ ମୁମ୍ବାଇ ଠାରୁ ଓମାନ ରାସ୍ତାରେ ବିଶକେକ ଯିବେ । ମୋଦୀ ପାଖାପାଖି ଅପରାହ୍ଣ ୨ଟାରେ କିର୍ଗିସ୍ତାନ ପହଂଚିବେ । ଚୀନ ରାଷ୍ଟ୍ରପତି ଏହି ସମ୍ମିଳନୀରେ ଯୋଗଦେବାକୁ ବୁଧବାର ପହଂଚିଛନ୍ତି । ସମ୍ମିଳନୀ ମାଧ୍ୟମରେ ସେ ପ୍ରଧାନମନ୍ତ୍ରୀ ମୋଦୀଙ୍କୁ ଭେଟିବେ । ସାଧାରଣ ନିର୍ବାଚନ ୨୦୧୯ରେ ବିଜେପିକୁ ବଡ଼ ବିଜୟ ମିଳିବା ପରେ ଉଭୟ ନେତାଙ୍କ ମଧ୍ୟରେ ଏହା ହେବ ପ୍ରଥମ ବୈଠକ । ଏସସିଓର ୧୯ତମ ସମ୍ମିଳନୀ ଜୁନ ୧୪ରେ ଶେଷ ହେବ । ଚୀନ ନେତୃତ୍ୱରେ ୮ ସଦସ୍ୟ ଆର୍ଥିକ ଓ ସୁରକ୍ଷା ସମୂହ ଅଛନ୍ତି, ଯେଉଁଥିରେ ଭାରତ ଓ ପାକିସ୍ତାନ ମଧ୍ୟ ୨୦୧୭ରୁ ସାମିଲ ହୋଇଛନ୍ତି ।

95 Views

   ସମ୍ବନ୍ଧିତ ଖବର