ନୂଆଦିଲ୍ଲୀ ୨।୧୧: ଆଜିଠାରୁ ତିନି ଦିନିଆ ଥାଇଲାଣ୍ଡ ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଥାଇଲାଣ୍ଡରେ ଏସିଆନ, ଇଷ୍ଟ ଏସିଆ ଓ ଆରସିଇପି ସମ୍ମିଳନୀରେ ଯୋଗ ଦେବେ । ଗସ୍ତ ସମୟରେ କ୍ଷେତ୍ରୀୟ ଓ ଅନ୍ତର୍ଜାତୀୟ ପ୍ରସଙ୍ଗରେ ଉଭୟ ଦେଶ ମଧ୍ୟରେ ଆଲୋଚନା ହେବାର କାର୍ଯ୍ୟକ୍ରମ ରହିଛି
{"id":177979}
ଗସ୍ତର ପ୍ରଥମ ଦିନରେ ଥାଇଲାଣ୍ଡର ବସବାସ କରୁଥିବା ଭାରତୀୟ ସଂପ୍ରଦାୟଙ୍କୁ ଉଦ୍ବୋଧନ ଦେବେ । ଏହି ଗସ୍ତ ଅବସରରେ ସେ ଗୁରୁ ନାନକ ଦେବଙ୍କ ୫୫୦ ତମ ଜୟନ୍ତୀ ଅବସରରେ ଏକ ମୁଦ୍ରା ଜାରି କରିବେ । ଗସ୍ତର ଦ୍ବିତୀୟ ଦିନରେ ମୋଦି ଥାଇଲାଣ୍ଡ ପ୍ରଧାନମନ୍ତ୍ରୀଙ୍କ ଦ୍ବାରା ସ୍ବତନ୍ତ୍ର ମଧ୍ୟାହ୍ନ ଭୋଜନରେ ଯୋଗଦେବେ । ଏଥିରେ ପୂର୍ବ ଏସିଆ ଦେଶଗୁଡିରୁ ସମ୍ମିଳନୀରେ ଯୋଗଦେଇଥିବା ନେତାମାନେ ମଧ୍ୟ ଯୋଗଦେବେ । ତିନି ଦିନିଆ ଗସ୍ତର ଶେଷ ଦିନରେ ମୋଦି ୧୪ ତମ ଇଷ୍ଟ ଏସିଆ ସମ୍ମିଳନୀରେ ଯୋଗଦେବେ । ଏସିଆନ-ଭାରତ ସମ୍ମିଳନୀରେ ମୋଦୀ ୭ମ ଥର ପାଇଁ ଭାଗ ନେଉଥିବା ବେଳେ ଇଷ୍ଟ ଏସିଆ ସମ୍ମିଳନୀରେ ୬ଷ୍ଠ ଥର ପାଇଁ ଯୋଗ ଦେଉଛନ୍ତି ପ୍ରଧାନମନ୍ତ୍ରୀ ।
