Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ମୋଦିଙ୍କ ଶପଥ ଗ୍ରହଣ ସମାରୋହରେ ଯୋଗଦେବେ ନାହିଁ ତାଙ୍କ ପରିବାର ସଦସ୍ୟ ; ମିଳିନାହିଁ ଆମନ୍ତ୍ରଣ

30/05/2019 at 4:45 PM

ନରେନ୍ଦ୍ର ମୋଦି ଆଜି ଦ୍ୱିତୀୟଥର ପାଇଁ ପ୍ରଧାନମନ୍ତ୍ରୀ ପଦବୀ ପାଇଁ ଶପଥ ଗ୍ରହଣ କରିବେ । ମୋଦିଙ୍କ ଶପଥ ଗ୍ରହଣ ସମାରୋହରେ ଦେଶ ଦୁନିଆରୁ ୬ ହଜାର ଅତିଥିରେ ଆମନ୍ତ୍ରିତ ହୋଇଛନ୍ତି । କିନ୍ତୁ ମୋଦିଙ୍କ ନିଜ ପରିବାରକୁ ହିଁ ଆମନ୍ତ୍ରଣ କରାଯାଇନାହିଁ । ମୋଦିଙ୍କ ଶପଥ ଗ୍ରହଣ ସମାରୋହରେ ତାଙ୍କ ପରିବାରର କୌଣସି ସଦସ୍ୟ ସାମିଲ ହେବେନାହିଁ ।

ଏ ସମ୍ପର୍କରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଭଉଣୀ ବସନ୍ତୀ ବେନ ନିଜେ ସୂଚନା ଦେଇଛନ୍ତି । ସେ କହିଛନ୍ତି ଯେ, ମୋଦିଙ୍କ ଶପଥ ଗ୍ରହଣ ସମାରୋହରେ ପରିବାରର କୌଣସି ସଦସ୍ୟଙ୍କୁ ଆମନ୍ତ୍ରିତ କରାଯାଇନାହିଁ । ଏହା ପୂର୍ବରୁ ୨୦୧୪ ମସିହାରେ ଯେତେବେଳେ ନରେନ୍ଦ୍ର ମୋଦି ଶପଥ ଗ୍ରହଣ କରିଥିଲେ ସେତେବେଳେ ମଧ୍ୟ ସମାରୋହରେ ପରିବାର କୌଣସି ସଦସ୍ୟ ସାମିଲ ହୋନଥିଲେ ।

ବସନ୍ତୀ ବେନ କହିଛନ୍ତି ଯେ, ଭାଇ ଭଉଣୀ ମଧ୍ୟରେ ଭାବନା ଥାଏ । ସେ ଭାଇକୁ ରାକ୍ଷୀ ପଠାନ୍ତି । ସେ ସବୁବେଳେ ଭାଇଙ୍କ ପାଇଁ ଭଲ ଚିନ୍ତା କରନ୍ତି । ସେ ଆଗକୁ ବଢିବା ନେଇ ସବୁବେଳେ ଭଗବାନଙ୍କ ପାଖରେ କାମନା  କରନ୍ତି । ଜଣେ ଗରିବ ପରିବାର ପୁଅ ଆଗକୁ ବଢିଛି । ଜନତା ତାଙ୍କ ସାଥିରେ ଅଛନ୍ତି । ସେଥିପାଇଁ ସେ ଜନତାଙ୍କୁ ଧନ୍ୟବାଦ ଜଣାଇଛନ୍ତି । ମୋଦିଙ୍କ ଜୀବନ ଦେଶ ପାଇଁ ସମର୍ପିତ ବୋଲି ସେ କହିଛନ୍ତି ।

ନରେନ୍ଦ୍ର ମୋଦିଙ୍କ ଭାଇ ପ୍ରହ୍ଲାଦ ମୋଦି କହିଛନ୍ତି ଯେ, ଜନତା ନରେନ୍ଦ୍ର ଭାଇଙ୍କ ଉପରେ ବିଶ୍ୱାସ ରଖି ତାଙ୍କୁ ବିଜୟୀ କରାଇଛି । ସେଥିପାଇଁ ଦେଶ ପ୍ରତି ନରେନ୍ଦ୍ର ମୋଦିଙ୍କ ଦାୟିତ୍ୱ ଆହୁରି ବଢିଯାଇଛି ବୋଲି ସେ କହିଛନ୍ତି ।

ସୂଚନାଯୋଗ୍ୟ ଯେ, ସନ୍ଧ୍ୟା ୭ଟା ସମୟରେ ନରେନ୍ଦ୍ର ମୋଦି ରାଷ୍ଟ୍ରପତି ଭବନ ପ୍ରାଙ୍ଗଣରେ ଶପଥ ଗ୍ରହଣ କରିବେ । ଏହି ସମାରୋହ ପାଖାପାଖି ୯୦ ମିନିଟ ଯାଏଁ ଚାଲିବ । ଏଥିପାଇଁ ବିଭିନ୍ନ ଦେଶର ନେତା, ଫିଲ୍ମ କଳାକାର, ଖେଳାଳିମାନଙ୍କୁ ଆମନ୍ତ୍ରିତ କରାଯାଇଛି ।

   Related Posts